POCO X8 5G, X8 Power 5G: ప్రముఖ మొబైల్ తయారీ సంస్థ పోకో భారత్లోకి మరో రెండు కొత్త 5G స్మార్ట్ఫోన్లను తీసుకొచ్చేందుకు సిద్ధమవుతోంది. పోకో X8 5G, X8 పవర్ 5G ఫోన్లు సెప్టెంబర్ 4న అధికారికంగా లాంచ్ కానున్నాయి. భారీ బ్యాటరీలు, అమోల్డ్ డిస్ప్లేలు, ఫాస్ట్ ఛార్జింగ్తో ఈ ఫోన్లు ఆకట్టుకునేలా కనిపిస్తున్నాయి.
ఈ రెండు ఫోన్లలో X8 Power 5G ప్రత్యేకంగా నిలిచే అవకాశం ఉంది. దీనిలో ఏకంగా 10,000mAh బ్యాటరీ ఉండొచ్చని రిపోర్టులు చెబుతున్నాయి. అలాగే 100W ఫాస్ట్ ఛార్జింగ్ సపోర్ట్ లభించే అవకాశం ఉంది. ఎక్కువసేపు ఫోన్ ఉపయోగించే వారికి ఇది ఉపయోగకరంగా ఉండనుంది.
Also Read: బస్సు ఎప్పుడు వస్తుంది? రైలు టైమింగ్ ఏంటి? ఈ Apple Mapsలోనే తెలుసుకోవచ్చు!
POCO X8 5G కూడా భారీ బ్యాటరీతో రానుంది. ఇందులో 9,000mAh బ్యాటరీ ఉండొచ్చని సమాచారం. వీడియోలు చూడటం, సోషల్ మీడియా వాడటం, గేమింగ్ వంటి పనులు ఎక్కువగా చేసే వారికి ఈ బ్యాటరీ కెపాసిటీ ప్రధాన ఆకర్షణగా మారవచ్చు.
X8 పవర్ 5Gలో 6.83 అంగుళాల 1.5K అమోల్డ్ డిస్ప్లే, 120Hz రిఫ్రెష్ రేట్ ఉండొచ్చని తెలుస్తోంది. స్నాప్డ్రాగన్ 6 జెన్ 5 చిప్సెట్తో పాటు 50MP మెయిన్ కెమెరా, 8MP అల్ట్రావైడ్ కెమెరా, 32MP సెల్ఫీ కెమెరా ఉండే అవకాశం ఉంది. X8 5Gలో 6.83 అంగుళాల అమోల్డ్ 120Hz డిస్ప్లేతో పాటు స్నాప్డ్రాగన్ 6s జెన్ 4 ప్రాసెసర్ ఉండొచ్చని రిపోర్టులు చెబుతున్నాయి.
పోకో ఇప్పటికే సెప్టెంబర్ 4న ఈ రెండు ఫోన్లను భారత్లో విడుదల చేయనున్నట్లు వెల్లడించింది. ధరలు, పూర్తి స్పెసిఫికేషన్లు లాంచ్ సమయంలోనే తెలిసే అవకాశం ఉంది. ఫ్లిప్కార్ట్ ద్వారా విక్రయాలు ప్రారంభమయ్యే అవకాశం ఉంది. ప్రస్తుతం 9,000mAh, 10,000mAh బ్యాటరీలే ఈ సిరీస్లో ప్రధాన హైలైట్గా కనిపిస్తున్నాయి.
Also Read: Realme C100i 4G లాంచ్.. రూ.14,999కే ఇన్ని ఫీచర్లా? పూర్తి వివరాలు మీ కోసం!
Share
పై నుంచి చూస్తే దీన్ని అడవి అనుకుంటారు.. కానీ, అది అతి పెద్ద చెట్టు, ఎక్కడుందంటే?
ఒకవైపు నేపాల్లో వందలాది చావులు.. మరోవైపు చోరీ ఘటనలు.. అసలు మనుషులేనా వీళ్లు?
