Wi-Fi Speed Tips: ఇంట్లో వైఫై సిగ్నల్ సరిగ్గా అందకపోవడం, స్పీడ్ తగ్గిపోవడం వంటి సమస్యలు ఎదురవుతున్నాయా? రూటర్‌ను సరైన చోట పెట్టడం, Wi-Fi బ్యాండ్ మార్చడం, ఛానెల్‌ను మార్చడం, ఫర్మ్‌వేర్ అప్‌డేట్ చేయడం వంటి సాధారణ మార్గాలు చాలాసార్లు ఉపయోగపడతాయి. అయితే మీ ఇంట్లోని స్మార్ట్ హోమ్ గ్యాడ్జెట్లు కూడా వైఫై పనితీరుపై ప్రభావం చూపే అవకాశం ఉంది. ముఖ్యంగా ఒకేసారి చాలా పరికరాలు కనెక్ట్ అయి ఉంటే సమస్య మరింత పెరగొచ్చు.
స్మార్ట్ ప్లగ్స్, స్మార్ట్ బల్బ్స్, స్విచ్‌లు, సెన్సార్లు వంటి పరికరాలు సాధారణంగా చాలా తక్కువ డేటానే ఉపయోగిస్తాయి. ఒక్కో పరికరం 1 Mbps కంటే తక్కువ డేటాను వినియోగించినా.. పెద్ద సంఖ్యలో పరికరాలు ఒకేసారి కమ్యూనికేట్ చేస్తే వైఫై పనితీరు తగ్గొచ్చు. దీనికి ప్రధాన కారణం నెట్‌వర్క్ ఎయిర్‌టైమ్‌పై పెరిగే ఒత్తిడి.
Also Read: Xiaomi 18 Fold లీక్.. అచ్చం ఐఫోన్ అల్ట్రాను తలపించే డిజైన్!
ఒక వైఫై ఛానెల్‌ను హైవేగా ఊహించుకుంటే.. కనెక్ట్ అయిన ప్రతి డివైజ్ ఒక వాహనం లాంటిది. ఒకేసారి ఎక్కువ పరికరాలు డేటా పంపడం, స్వీకరించడం వల్ల నెట్‌వర్క్‌లో ట్రాఫిక్ పెరుగుతుంది. ఒకే ఛానెల్‌లో సాధారణంగా పరికరాలు తమ వంతు కోసం వేచి ఉండాల్సి రావడంతో వైఫై స్పందన నెమ్మదించవచ్చు.
చాలా స్మార్ట్ హోమ్ పరికరాలు 2.4GHz బ్యాండ్‌పైనే పనిచేస్తాయి. అందుకే వాటిని 2.4GHzలో ఉంచి, ఫోన్లు, స్మార్ట్ టీవీలు, గేమింగ్ కన్సోళ్లు వంటి పరికరాలను 5GHz బ్యాండ్‌కు మార్చడం ఉపయోగపడుతుంది. అవసరమైతే స్మార్ట్ డివైజ్‌ల కోసం ప్రత్యేక గెస్ట్ నెట్‌వర్క్‌ను కూడా ఏర్పాటు చేయొచ్చు.
ఇంట్లో స్మార్ట్ పరికరాలు ఎక్కువగా ఉంటే మెష్ వైఫై సిస్టమ్ మంచి పరిష్కారం కావచ్చు. ఇది ఒకే రూటర్‌పై మొత్తం భారం పడకుండా, పలు రోడ్స్ ద్వారా కనెక్షన్‌ను విస్తరిస్తుంది. దీంతో ఇంటి అంతటా మెరుగైన కవరేజ్‌తో పాటు ఎక్కువ డివైజ్‌లను నిర్వహించడం సులభమవుతుంది.
Also Read: విడుదలకు ముందే హ్యాకర్ల చేతికి Ai+ Nova 2 Power 5G ఫోన్.. ఇదో కొత్త ప్రయోగం!
Share
'విశ్వనగరాన్ని విషాద నగరంగా మార్చారు'.. కాంగ్రెస్, బీఆర్ఎస్పై రామచందర్ రావు ఫైర్!
హైదరాబాద్ వాసులకు గుడ్ న్యూస్.. ఈ రూట్లో ప్రయాణం ఇక సులువే?
