Apple Maps: భారత్లో ప్రజా రవాణా వినియోగించే ఐఫోన్ యూజర్లకు Apple Maps మరింత ఉపయోగకరంగా మారుతోంది. యాప్లో Transit సపోర్ట్ కనిపించడం ప్రారంభమైంది. దీంతో బస్సులు, రైళ్ల రూట్లు, బయలుదేరే సమయాలు, కనెక్షన్ల వివరాలను మ్యాప్స్లోనే చూసే అవకాశం లభించనుంది. అయితే ఈ ఫీచర్ ఇంకా దేశవ్యాప్తంగా పూర్తిస్థాయిలో అందుబాటులోకి వచ్చినట్లు యాపిల్ అధికారికంగా ప్రకటించలేదు.
Transit ఫీచర్ ద్వారా గమ్యస్థానానికి చేరుకోవడానికి అందుబాటులో ఉన్న ప్రజా రవాణా మార్గాలను Apple Maps చూపిస్తుంది. నగరం, రవాణా వ్యవస్థను బట్టి బస్సు లేదా రైలు వివరాలతో పాటు బయలుదేరే, చేరుకునే సమయాలు, కనెక్షన్ల సమాచారాన్ని కూడా చూడొచ్చు.
Also Read: పోకీమాన్ అభిమానులకు గుడ్న్యూస్.. గూగుల్ కొత్త ఫిట్బిట్ వచ్చేసిందోచ్!
సపోర్ట్ ఉన్న ప్రాంతాల్లో బస్సులు, రైళ్ల ఆలస్యం లేదా సర్వీస్లో అంతరాయాల గురించి రియల్టైమ్ సమాచారం కూడా అందే అవకాశం ఉంది. దీంతో ప్రయాణానికి ముందే పరిస్థితిని తెలుసుకుని ప్రత్యామ్నాయ మార్గాన్ని ఎంచుకోవచ్చు.
యాపిల్ మ్యాప్స్లో Transit Nearby ద్వారా ప్రస్తుత లొకేషన్ చుట్టూ ఉన్న ప్రజా రవాణా సదుపాయాలను చూడొచ్చు. ఆయా సర్వీసులు ఎప్పుడు బయలుదేరుతాయో తెలుసుకోవడంతో పాటు తరచు ఉపయోగించే ట్రాన్సిట్ లైన్లను సేవ్ చేసుకునే అవకాశం కూడా ఉంటుంది.
ప్రస్తుతం ఈ ఫీచర్ భారతదేశంలో దశలవారీగా అందుబాటులోకి వస్తున్నట్లు తెలుస్తోంది. ఏ నగరాల్లో, ఏ రవాణా సంస్థల వివరాలు అందుబాటులో ఉంటాయనేది ఇంకా పూర్తిగా స్పష్టంగా లేదు. ట్రాన్సిట్ చెల్లింపుల సపోర్ట్ కూడా భారత్లో ఎంతవరకు పనిచేస్తుందనేది తెలియాల్సి ఉంది. మొత్తంగా, ఈ ఫీచర్ అందుబాటులోకి వస్తే ఐఫోన్ యూజర్ల రోజువారీ పబ్లిక్ ట్రాన్స్పోర్ట్ ప్రయాణాలను మరింత సులభంగా ప్లాన్ చేసుకోవచ్చు.
Also Read: ఇంట్లో స్మార్ట్ గ్యాడ్జెట్స్ ఎక్కువైతే.. Wi-Fi స్లో అవుతుందా? టెక్ నిపుణులు ఏమంటున్నారంటే..
Share
ఇండియాలో తగ్గిపోయిన సాఫ్ట్వేర్ ఉద్యోగాలు.. ఇతర రంగాల్లోనూ ఏఐ తప్పనిసరి
స్టంపింగ్ చేస్తున్నట్లు ముందే చెబుతాడు...ధోని సీక్రెట్ బయట పెట్టిన అశ్విన్
