Prepaid Cards: ప్రీపెయిడ్ క్రెడిట్ కార్డు.. క్రెడిట్ స్కోర్ అవసరం లేకుండా సులభ లావాదేవీలు

Prepaid Cards: డిజిటల్‌ పేమెంట్లు రోజురోజుకు పెరుగుతున్న తరుణంలో వినియోగదారుల అవసరాలు, అభిరుచులు కూడా మారుతున్నాయి. ఇంతవరకు డెబిట్‌, క్రెడిట్‌ కార్డులనే ఎక్కువగా వాడినా, ఇప్పుడు వాటితో పాటు ప్రీపెయిడ్‌ క్రెడిట్‌ కార్డులు కూడా అందుబాటులోకి వచ్చాయి. సాధారణంగా క్రెడిట్‌ కార్డు అంటే మీరు అప్పు తీసుకుని తర్వాత వడ్డీతో తిరిగి చెల్లించాల్సి వస్తుంది. కానీ ప్రీపెయిడ్‌ క్రెడిట్‌ కార్డు పూర్తిగా భిన్నం. ఇందులో మీరు ముందుగానే కొంత మొత్తం లోడ్‌ చేస్తారు. ఆ మొత్తాన్ని పూర్తిగా వినియోగించే వరకు ఆ కార్డును ఉపయోగించుకోవచ్చు. మొత్తము అయిపోయిన తర్వాత మళ్లీ వినియోగించాలంటే మళ్లీ డబ్బు జమ చేయాలి. అంటే మీరు లోడ్‌ చేసిన డబ్బుకంటే ఎక్కువ ఖర్చు చేసే అవకాశం ఉండదు.

ప్రీపెయిడ్ క్రెడిట్ కార్డు అంటే ఏమిటి?

పేరు చెప్పినట్లుగానే ఇది ముందుగా డబ్బు జమ చేసి వాడుకునే కార్డు. ప్రీపెయిడ్‌ క్రెడిట్‌ కార్డుల ప్రధాన ప్రయోజనం ఖర్చులను నియంత్రించుకోవడం. ఎంత డబ్బు ముందుగా జమ చేస్తే అంతవరకే వాడుకోవాలి కాబట్టి, అధిక ఖర్చులు చేయకుండా మీ బడ్జెట్‌ను మేనేజ్‌ చేసుకోవచ్చు. ముఖ్యంగా ఖర్చులో క్రమశిక్షణ కావాలనుకునే వారికి ఇది ఒక మంచి ఆప్షన్‌. అలాగే సాధారణ క్రెడిట్‌ కార్డులు పొందడానికి క్రెడిట్‌ స్కోరు, క్రెడిట్‌ హిస్టరీ వంటి అర్హతలు అవసరం అవుతాయి. కానీ ప్రీపెయిడ్‌ క్రెడిట్‌ కార్డు కోసం ఎలాంటి చెక్‌ అవసరం ఉండదు. క్రెడిట్‌ హిస్టరీ లేని వారు, స్కోరు తక్కువగా ఉన్న వారు కూడా సులభంగా పొందగలరు.

Also Read: Shamshabad Airport: సాంకేతిక లోపంతో విమానం రన్‌వేపై చక్కర్లు.. 37 మంది ఆందోళన

ఎలా పనిచేస్తుంది?

ప్రీపెయిడ్ కార్డు పొందడం చాలా సులభం. భద్రతా పరంగా కూడా ఈ కార్డులు ఉపయోగకరంగా ఉంటాయి. నగదు వెంట తీసుకెళ్లడం కంటే ఇది చాలా సేఫ్‌. కార్డు పోయినా లేదా దొంగిలించబడినా వెంటనే బ్లాక్‌ చేయగలుగుతారు. అంతేకాదు కార్డులో మిగిలిన మొత్తాన్ని తిరిగి పొందే అవకాశం ఉంటుంది. కాబట్టి మనీ హ్యాండ్లింగ్‌లో ఇది ఒక సురక్షిత మార్గం అవుతుంది.

ప్రధాన ప్రయోజనాలు

ఖర్చులను నియంత్రించుకోవడంలో ఇవి చాలా సహాయకం. మరొక ముఖ్యమైన అంశం ఆన్‌లైన్‌ షాపింగ్‌. ఈ రోజుల్లో ఆన్‌లైన్‌ ద్వారా కొనుగోళ్లు చేసే వారి సంఖ్య ఎక్కువ. ప్రీపెయిడ్‌ క్రెడిట్‌ కార్డు ఆన్‌లైన్‌ ట్రాన్సాక్షన్లకు సులభంగా ఉపయోగపడుతుంది. అప్పు లేదా వడ్డీ లాంటి ఇబ్బందులు లేకుండా ముందే లోడ్‌ చేసిన డబ్బుతోనే మీరు షాపింగ్‌ చేయగలుగుతారు.

భద్రతా పరంగా కూడా ప్రీపెయిడ్ కార్డులు మంచివి

ప్రీపెయిడ్ కార్డులు భద్రతా పరంగా కూడా చాలా ప్రయోజనకరమైనవి. నగదు వెంట తీసుకెళ్లడం కంటే ఇది సేఫ్. కార్డు పోయినా వెంటనే బ్లాక్ చేసుకునే అవకాశం ఉంటుంది. ఆన్‌లైన్ ట్రాన్సాక్షన్లలో కూడా మోసాలకు గురయ్యే అవకాశం తక్కువ. ఆన్‌లైన్ షాపింగ్ చేసే వారికి ఇవి మరింత ఉపయోగకరంగా ఉంటాయి. అప్పు లేకుండా, వడ్డీ భారంలేకుండా ముందే లోడ్ చేసిన డబ్బుతో సులభంగా కొనుగోళ్లు చేయవచ్చు. ప్రయాణాల్లో, పిల్లల ఖర్చుల నియంత్రణలో, బహుమతుల రూపంలో కూడా ఇవి చాలా బాగుంటాయి. ప్రీపెయిడ్ క్రెడిట్ కార్డులు డిజిటల్ యుగంలో ఒక స్మార్ట్ పేమెంట్ ఆప్షన్. ఖర్చులను నియంత్రించుకోవాలనుకునే వారు, క్రెడిట్ స్కోర్ సమస్యలతో బాధపడేవారు, ఆన్‌లైన్ షాపింగ్ ఎక్కువ చేసే వారు, అందరికీ ఇవి సరైన పరిష్కారం. ఖర్చులను నియంత్రించుకోవాలనుకునేవారికి, క్రెడిట్‌ హిస్టరీ లేకపోయినా సురక్షితంగా పేమెంట్లు చేయాలనుకునేవారికి, ఆన్‌లైన్‌ కొనుగోళ్లు ఎక్కువగా చేసేవారికి ప్రీపెయిడ్‌ క్రెడిట్‌ కార్డులు మంచి ఆప్షన్‌గా నిలుస్తాయి.