Jio Plans: రిలయన్స్ జియో తన వినియోగదారుల కోసం ఒక అద్భుతమైన వార్షిక ప్లాన్ను తీసుకొచ్చింది. ప్రతి నెలా రీచార్జ్ చేసుకునే ఇబ్బంది లేకుండా, ఏడాది పొడవునా నిరంతర సేవలు పొందాలనుకునే వారి కోసం రూ. 3,599 ప్లాన్ ను అందుబాటులో ఉంచింది. ఈ ప్లాన్ కు సంబంధించి పూర్తి వివరాలు, అదనపు బెనిఫిట్స్, ఎవరికి ఉపయోగం, ఎలా రీఛార్జ్ చేయాలి వంటి విశేషాలు ఈ కథనంలో చూద్దాం.
ఈ ప్లాన్ ను 365 రోజుల వ్యాలిడిటీతో జియో తీసుకొచ్చింది. ఈ ప్లాన్ ద్వారా యూజర్లు.. ప్రతిరోజూ 2.5 GB హై-స్పీడ్ డేటా పొందొచ్చు. ఏడాది కాలానికి దాదాపు 912.5 GB డేటాను యూజ్ చేసుకోవచ్చు. దీంతో పాటు దేశంలోని ఏ నెట్వర్క్కైనా నాన్ స్టాప్ ఫ్రీ కాల్స్, రోజుకు 100 SMS లు చేసుకోవచ్చని జియో వర్గాలు ప్రకటించాయి.
ఈ ప్లాన్ డేటా, కాలింగ్ మాత్రమే కాకుండా మరికొన్ని అదనపు బెనిఫిట్స్ ను సైతం అందిస్తోంది. జియో కంటెంట్ యాప్స్ అయిన జియోసినిమా, జియోటీవీతో పాటు జియోక్లౌడ్ యాప్స్కు ఫ్రీ యాక్సెస్ ను ఈ ప్లాన్ అందిస్తోంది. వీటన్నింటికీ మించి అర్హత కలిగిన యూజర్లు అపరిమిత 5G డేటాను పొందే ఛాన్స్ ను ఈ ప్లాన్ కల్పిస్తోంది. మీ వద్ద 5G మొబైల్ ఉండి మీ ప్రాంతంలో జియో 5G నెట్వర్క్ ఉంటే రోజువారీ 2.5 GB లిమిట్ తో సంబంధం లేకుండా నాన్ స్టాప్ డేటా వాడుకోవచ్చు.
వర్క్ ఫ్రమ్ హోమ్ ఉద్యోగులు, ఆన్లైన్ క్లాసులు వినే స్టూడెంట్స్, ఓటీటీలు – యూట్యూబ్ కంటెంట్ ఎక్కువగా చూసేవారికి ఈ ప్లాన్ చాలా లాభదాయకంగా ఉంటుందని చెప్పవచ్చు. అంతేకాకుండా ప్రతి నెలా ప్లాన్ ముగిసిపోతుందనే టెన్షన్ లేకుండా ప్రశాంతంగా ఉండాలనుకునే వారికి కూడా రూ.3,599 ప్లాన్ పర్ఫెక్ట్ ఛాయిస్ అని జియో వర్గాలు పేర్కొంటున్నాయి.
Also Read: దేశ వ్యాప్తంగా మరో 7 కొత్త బుల్లెట్ రైల్ రూట్లు, కేంద్రం గ్రీన్ సిగ్నల్!
ఈ ప్లాన్ను మొబైల్లోని మైజియో యాప్లో రీచార్జ్ సెక్షన్లోకి వెళ్లి రూ. 3,599 ప్లాన్ను యాక్టివేట్ చేసుకోవచ్చు. లేదంటే జియో అధికారిక వెబ్సైట్ ద్వారా నంబర్ ఎంటర్ చేసి రీచార్జ్ చేయవచ్చు. గూగుల్ పే, ఫోన్ పే వంటి యూపీఐ యాప్స్ యాప్స్ ద్వారా కూడా నేరుగా ఈ ప్లాన్ను సెలక్ట్ చేసుకోని పేమెంట్ ప్రక్రియను పూర్తి చేయవచ్చు.
Also Read: టాలీవుడ్లో క్రేజీ మల్టీస్టారర్.. గ్రాండ్గా ప్రారంభమైన వెంకటేష్, కళ్యాణ్ రామ్ మూవీ!
Share
జెన్ Z ఫ్యాషన్ ట్రెండ్.. కాలేజ్, కెఫే ఎక్కడైనా సరిపోయే సూపర్ కూల్ డ్రెస్..
ఐపీఎల్ 2027 షెడ్యూల్ వచ్చేసింది, ఈ సారి15 రోజులు ముందుగానే
