IPL 2027 : క్రికెట్ అభిమానులకు అదిరిపోయే శుభవార్త అందింది. ఇండియన్ ప్రీమియర్ లీగ్ 2027 టోర్నమెంట్ ( Indian Premier League 2027 tournament ) గురించి బిగ్ అప్డేట్ వచ్చేసింది. ఐపీఎల్ 2027 టోర్నమెంట్ 15 రోజుల ముందు ప్రారంభించేందుకు బీసీసీఐ ( BCCI) రంగం సిద్ధం చేసింది. దీని ప్రకారం మార్చి పదవ తేదీన ప్రారంభం కాబోతున్న ఈ మెగా టోర్నమెంట్… మే 15వ తేదీన ఫినిష్ కానుంది అన్నమాట. మే నెలలో తీవ్రమైన ఎండలు ఉన్న నేపథ్యంలో 15 రోజులు ముందుగానే టోర్నమెంట్ ఫినిష్ చేసేందుకు రంగం సిద్ధం చేసిందట. దీనిపై అధికారిక ప్రకటన చేసేందుకు బీసీసీఐ సిద్ధమైనట్లు నేషనల్ మీడియాలో కథనాలు వస్తున్నాయి.
ఇండియన్ ప్రీమియర్ లీగ్ 2027 టోర్నమెంట్ పై ( Indian Premier League 2027 tournament ) బిగ్ అప్డేట్ వచ్చేసింది. వచ్చే సీజన్ ను 15 రోజుల ముందుగానే ప్రారంభించే దిశగా బీసీసీఐ ( BCCI) నిర్ణయం తీసుకుంది. ఐపీఎల్ 2026 టోర్నమెంటు మార్చి 28వ తేదీన ప్రారంభమై మే 31వ తేదీన ఫినిష్ అయిన సంగతి తెలిసిందే. అయితే ఇలా నిర్వహించడం వల్ల క్రికెటర్లు చాలా ఇబ్బంది పడ్డారు. ఐపీఎల్ షెడ్యూల్ ప్రకారం ఎండ తీవ్రత విపరీతంగా ఉంటుంది. మే నెల మ్యాచ్ లు జరిగేటప్పుడు వడగాల్పులతో పాటు, తీవ్రమైన ఉష్ణోగ్రతలు నమోదు అవుతున్నాయి. దీని వల్ల విదేశీ క్రికెటర్లు ఐపీఎల్ ఆడటం చాలా ఇబ్బందిగా మారిందట. ఈ మేరకు ప్లేయర్ల నుంచి అభ్యంతరాలు కూడా వచ్చినట్లు చెబుతున్నారు. అయితే సమ్మర్ (Summer) నేపథ్యంలో ఐపీఎల్ టోర్నమెంటును రెండు విభాగాలుగా నిర్వహించేలా ముందుగా ప్లాన్ చేశారు.
మార్చి నుంచి ఏప్రిల్ వరకు సగం మ్యాచులు నిర్వహించి.. మిగిలినవి అక్టోబర్ లో నిర్వహించేలా ప్లాన్ చేసుకున్నారు. అయితే ఈ ప్లాన్ వర్క్ అవుట్ కాదని ఓ నివేదిక తేల్చి చెప్పిందట. అందుకే, కాస్త ముందుగా ఐపీఎల్ ప్రారంభించి… ఫినిష్ చేసేలా చర్యలు తీసుకుంటున్నారు. ఈ క్రమంలోనే ఐపిఎల్ 2027 టోర్నమెంటును మార్చి 10వ తేదీన ప్రారంభించి… మే 15వ తేదీకి ఫినిష్ చేయాలని అనుకుంటున్నారట. ఈ లెక్కన మార్చి 10వ తేదీన తొలి మ్యాచ్ జరగనుండగా, ఫైనల్స్ మే 15వ తేదీన ఉంటుందన్నమాట. ఇలా నిర్వహిస్తే ఎండ తీవ్రత నుంచి ప్లేయర్లు బయటపడవచ్చు. దీనిపై త్వరలోనే అధికారిక ప్రకటన చేయనుందట బీసీసీఐ. ఇండియన్ ప్రీమియర్ లీగ్ 2027 టోర్నమెంట్ ను కాస్త ముందుగా నిర్వహిస్తారని వస్తున్న వార్తలపై క్రికెట్ అభిమానులు కూడా హర్షం వ్యక్తం చేస్తున్నారు. స్టేడియాలకు వెళ్లి మ్యాచ్ చూసే అభిమానులకు కూడా దీనివల్ల రిలీఫ్ దక్కబోతుందని అంటున్నారు.
🚨 MASSIVE UPDATE ON IPL 2027 SCHEDULE 🚨
– IPL is likely to start on March 10th and finish by May 15th from next season to avoid adverse Weather conditions. [PTI] pic.twitter.com/NKwiIqprnB
— Cricket Central (@CricketCentrl) June 18, 2026
Share
ఒకే ఒక్క రీచార్జ్.. ఏడాది మొత్తం ఫ్రీ 5G, కాల్స్, ఓటీటీ.. జియో దుమ్మురేపే ప్లాన్!
ఒకే ట్రిప్ లో 8 పవిత్ర పుణ్యక్షేత్రాల దర్శనం, IRCTC అదిరిపోయే టూర్ ప్లాన్!
