Samsung Diwali Sale 2026: దీపావళికి కొత్త స్మార్ట్ టీవీ కొనాలని ప్లాన్ చేస్తున్నారా? అయితే ఈ శాంసంగ్ టీవీలపై ఓ లుక్కేయండి. పండుగ సేల్‌లో క్యాష్‌బ్యాక్, ఉచిత గిఫ్టులు, మూడేళ్ల వరకు వారంటీ వంటి ఆఫర్లు ఆకట్టుకుంటున్నాయి. ముఖ్యంగా Samsung M70H, M80H, QN80H, The Frame మోడల్స్ వేర్వేరు బడ్జెట్లు, అవసరాలకు తగ్గట్టుగా ఉన్నాయి. రూ.55,990 నుంచే టీవీ కొనాలనుకునేవారికి కూడా కొన్ని ఆప్షన్లు ఉన్నాయి. మరి వీటిలో ఏ టీవీ ధరకు తగ్గ ఫీచర్లను అందిస్తోంది? గేమింగ్‌కు ఏది బాగుంటుంది? ప్రీమియం పిక్చర్ క్వాలిటీ కోసం ఏ మోడల్ ఎంచుకోవాలి? ధరలు, ఫీచర్లు, దీపావళి ఆఫర్లను పోల్చి చూద్దాం.
శాంసంగ్ ఎంపిక చేసిన టీవీలపై 20 శాతం వరకు క్యాష్‌బ్యాక్, ఉచిత సౌండ్‌బార్ లేదా మరో టీవీ వంటి గిఫ్టులను అందిస్తోంది. అర్హత ఉన్న మోడల్స్‌పై మూడేళ్ల వారంటీ కూడా ఉంది. అయితే అన్ని టీవీలకు ఈ ఆఫర్లు వర్తించవు. బ్యాంక్ కార్డులు, క్యాష్‌బ్యాక్ పరిమితులు, ఇతర నిబంధనలను చెక్ చేయాలి. గిఫ్ట్ విలువను చూసి కాకుండా, చివరగా మనం చెల్లించే ధరను బట్టి నిర్ణయం తీసుకోవడం మంచిది.
Also Read: 200MP కెమెరా, 7000mAh బ్యాటరీ.. ఒప్పో రెనో 17 సిరీస్‌లో ఇవే స్పెషల్ ఫీచర్లు!
55 అంగుళాల శాంసంగ్ M70H ధర రూ.60,990 కాగా, అమెజాన్‌లో సుమారు రూ.55,990కు కనిపించింది. ఇది కుటుంబంతో సినిమాలు, క్రికెట్, వెబ్ సిరీస్‌లు చూసేవారికి మంచి ఎంపిక. మరోవైపు M80H ధర రూ.67,990. అమెజాన్‌లో సుమారు రూ.63,990కు అందుబాటులో ఉంది. ఇందులో 144Hz రిఫ్రెష్ రేట్ ఉండటంతో పీసీ గేమ్స్ ఆడేవారికి ఉపయోగపడుతుంది. సాధారణ టీవీ వినియోగానికి M70H సరిపోవచ్చు.
శాంసంగ్ QN80H Neo QLED 55 అంగుళాల మోడల్ ధర రూ.95,990. మెరుగైన రంగులు, మినీ LED టెక్నాలజీ, 144Hz రిఫ్రెష్ రేట్, డాల్బీ అట్మాస్ సౌండ్ దీని ప్రత్యేకతలు. ప్రీమియం టీవీ కోరుకునేవారు దీన్ని పరిశీలించవచ్చు. ది ఫ్రేమ్ 43 అంగుళాల మోడల్ ధర సుమారు రూ.57,990. టీవీ ఆఫ్‌లో ఉన్నప్పుడు ఫొటోలు, ఆర్ట్‌వర్క్ చూపించే ఫీచర్ దీనిలో ఉంది. బెడ్‌రూమ్ లేదా స్టడీ రూమ్‌కు ఇది చక్కగా సరిపోతుంది.
టీవీ కొనేముందు అమెజాన్, ఫ్లిప్‌కార్ట్, శాంసంగ్ వెబ్‌సైట్లలో ధరలను పోల్చండి. బ్యాంక్ ఆఫర్లు, ఇన్‌స్టాలేషన్, వారంటీ వివరాలు కూడా తెలుసుకోండి. తక్కువ బడ్జెట్‌లో M70H, గేమింగ్ కోసం M80H, ప్రీమియం ఫీచర్లకు QN80H, ఇంటి అలంకరణకు ది ఫ్రేమ్ బెటర్ ఆప్షన్స్. వీటిని మీ అవసరానికి సరిపోయే మోడల్‌ను ఎంచుకుంటేనే దీపావళి ఆఫర్ నిజమైన ప్రయోజనాన్ని ఇస్తుంది.
Also Read: టెక్ ప్రపంచంలో ఊహకందని అద్భుతం.. శాంసంగ్ నుంచి 17 ఇంచుల ట్యాబ్లెట్, జేబులో పట్టేస్తుంది!
Share
బడ్జెట్‌లో బెస్ట్ వాటర్ ప్యూరిఫైయర్ ఇదే..ఫీచర్స్ చూస్తే షాక్ అవుతారు!
దావూద్ ఇబ్రాహీంను డ్రెస్సింగ్ రూం నుంచి గెంటేసిన టీమిండియా క్రికెటర్
