Samsung Foldable Tablet: ఫోల్డబుల్ ఫోన్లతో ఇప్పటికే మంచి గుర్తింపు తెచ్చుకున్న శాంసంగ్.. ఇప్పుడు పెద్ద స్క్రీన్ ఉన్న ఫోల్డబుల్ టాబ్లెట్‌పై పనిచేస్తున్నట్లు సమాచారం. ఈ టాబ్లెట్‌ను పూర్తిగా తెరిస్తే 17 అంగుళాల డిస్‌ప్లే కనిపిస్తుందని, మడిస్తే 8 అంగుళాలకు తగ్గిపోతుందని ఓ టిప్‌స్టర్ వెల్లడించారు. అయితే, ఈ డివైజ్ గురించి కంపెనీ ఇప్పటివరకు అధికారికంగా ఎలాంటి ప్రకటన చేయలేదు. కాబట్టి ప్రస్తుతానికి ఈ వార్తను లీక్‌గానే చూడాలి.
KRO అనే టిప్‌స్టర్ ఈ ఫోల్డబుల్ టాబ్లెట్ గురించి ఆగస్టులోనే తొలిసారి చెప్పినట్లు వెల్లడించారు. తాజాగా మరోసారి స్పందిస్తూ.. శాంసంగ్ ఈ డివైజ్ తయారీ పనులను ప్రారంభించినట్లు పేర్కొన్నారు. అంటే, ఇది కేవలం ఆలోచన దశలోనే కాకుండా, తయారీ దిశగా ముందుకు వెళ్లినట్లు తెలుస్తోంది. అయితే, దీనికి సంబంధించి స్వతంత్రంగా నిర్ధారించిన సమాచారం లేదు.
ఈ టాబ్లెట్‌లో 17 అంగుళాల స్క్రీన్ ఉండటం వల్ల పెద్ద డిస్‌ప్లేతో పని చేయాలనుకునే వారికి ఉపయోగకరంగా ఉండొచ్చు. డాక్యుమెంట్లు ఎడిట్ చేయడం, ఒకేసారి పలు యాప్స్ వాడటం, డిజైన్ పనులు చేయడం వంటి వాటికి ఇది సౌకర్యంగా ఉంటుంది. అవసరమైనప్పుడు మడిచి 8 అంగుళాల పరిమాణంలోకి మార్చుకోవచ్చు. దీంతో బ్యాగులో పెట్టుకుని తీసుకెళ్లడం కూడా సులభమవుతుంది. బరువు, మందం ఎంత ఉంటాయనే వివరాలు మాత్రం ఇంకా బయటకు రాలేదు.
Also Read: కొత్త బట్టలు కొనకుండానే ట్రెండీ లుక్స్ ట్రై చేయొచ్చు.. మెటా తెచ్చిన ఈ యాప్ ఏంటో తెలుసా?
ఈ టాబ్లెట్ డిజైన్ విషయంలో రెండు అవకాశాలు కనిపిస్తున్నాయి. శాంసంగ్ గెలాక్సీ Z ఫోల్డ్ ఫోన్ల తరహాలో లోపల పెద్ద స్క్రీన్, బయట మరో డిస్‌ప్లే ఉండేలా తయారు చేయొచ్చు. లేదంటే ఒకే స్క్రీన్‌ను మధ్యలో మడిచే విధానాన్ని ఎంచుకోవచ్చు. అయితే, రెండో డిజైన్‌లో స్క్రీన్ బయటకు కనిపిస్తూ ఉండటం వల్ల దెబ్బతినే ప్రమాదం ఎక్కువగా ఉంటుంది. అందుకే మొదటి విధానానికే అవకాశాలు ఎక్కువగా ఉన్నట్లు భావిస్తున్నారు.
ఈ టాబ్లెట్‌ను 2027లో విడుదల చేయవచ్చని సోషల్ మీడియాలో ప్రచారం జరుగుతోంది. కానీ శాంసంగ్ నుంచి అధికారిక సమాచారం లేదు. దాదాపు ఏడేళ్లుగా ఫోల్డబుల్ డివైజ్‌లపై పనిచేస్తున్న కంపెనీకి ఈ రంగంలో మంచి అనుభవం ఉంది. ఈ టాబ్లెట్ నిజంగా అందుబాటులోకి వస్తే.. పెద్ద స్క్రీన్ కావాలనుకునే వారికి కొత్త ఎంపికగా మారొచ్చు. ధర, ఫీచర్లు, లాంచ్ తేదీ వంటి వివరాల కోసం మరికొంత కాలం వేచి చూడాల్సిందే.
Also Read: వాట్సప్‌లో ఇలాంటి మెసేజ్ వస్తే వెంటనే ఆ పని చేయండి.. లేదంటే మొత్తం ఊడ్చేస్తారు!
Share
అల్లా మీద ఒట్టు... 2027 వరల్డ్ కప్ కూడా షాహీన్ అఫ్రిది అందుకుంటాడు
ఎన్నికల్లో అరాచకాలు.. పులివెందులలో రీపొలింగ్కు జగన్ డిమాండ్, మళ్లీ సుప్రీంకోర్టుకు వెళ్తాం
