SAMSUNG GALAXY A06 5G Sale: శాంసంగ్ 5G స్మార్ట్​ఫోన్ ధర రూ.10,500లోపే.. సూపర్ ప్రాసెసర్‌తోపాటు అదిరిపోయే ఫీచర్లు

SAMSUNG GALAXY A06 5G Sale| శాంసంగ్ మోబైల్‌ ఫోన్ల అభిమానులకు గుడ్ న్యూస్. శాంసంగ్ తమ కొత్త మోడల్ ‘శాంసంగ్ A06 5G’ ను బడ్జెట్ ధరలో మార్కెట్లో లాంచ్ చేసింది. ఈ ఫోన్ ధర రూ. 10,499 నుండి ప్రారంభమవుతుంది. ఈ శాంసంగ్ ఫోన్‌ ఆకర్షణీయమైన కలర్ ఆప్షన్లు, అదిరే డిజైన్లతో కంపెనీ అందుబాటులో తీసుకువచ్చింది. గత సంవత్సరం ఈ ఫోన్ 4G వేరియంట్‌లో లాంచ్ చేయబడింది, కానీ ఇప్పుడు 5G నెట్‌వర్క్‌ సపోర్ట్‌తో దీన్ని మార్కెట్లోకి రీ లాంచ్ చేసింది. అంతేకాక ఈ ఫోన్‌కు ఆండ్రాయిడ్‌ అప్‌డేట్లను కూడా అందిస్తామని శాంసంగ్ ప్రకటించింది. దీని ధర, ఫీచర్లు, స్పెసిఫికేషన్ల గురించి మరిన్ని వివరాలు ఇలా ఉన్నాయి.

శాంసంగ్ గెలాక్సీ A06 5G స్పెసిఫికేషన్లు, ఫీచర్లు:

డిస్‌ప్లే:

ఈ ఫోన్ 6.7 అంగుళాల హెచ్‌డీ+ డిస్‌ప్లేతో వస్తుంది. ఇది 90Hz రిఫ్రెష్ రేటు సపోర్ట్‌తో ఉంటుంది, అందువల్ల స్క్రోల్ చేయడం, వీడియోస్ చూసే అనుభవం మృదువుగా ఉంటుంది.

కెమెరా సెటప్:

ఈ ఫోన్ వెనక భాగంలో 50MP ప్రధాన కెమెరా, 2MP డెప్త్ సెన్సార్‌ కెమెరా ఉండి, అద్భుతమైన ఫోటోలు తీసుకోవడానికి సహాయపడుతుంది. సెల్ఫీల కోసం, ముందు భాగంలో 8MP కెమెరా ఉంది.

ప్రాసెసర్:
ఈ ఫోన్‌లో డైమెన్సిటీ 6300 చిప్‌సెట్ ఉపయోగించారు, ఇది ఫోన్ యొక్క పనితీరు కోసం బలమైన ప్రాసెసర్. ర్యామ్ ప్లస్ ఫీచర్ ద్వారా 12GB వరకు ర్యామ్‌ను పెంచుకోవచ్చు.

బ్యాటరీ:
ఈ ఫోన్‌లో 5000mAh బ్యాటరీ ఉంది, ఇది 25W ఫాస్ట్ ఛార్జింగ్‌కు సపోర్ట్ చేస్తుంది. దీని వల్ల మీరు త్వరగా మీ ఫోన్‌ను చార్జ్ చేసుకోవచ్చు.

ఆపరేటింగ్ సిస్టమ్:
ఈ ఫోన్ ఆండ్రాయిడ్ 15తో కూడిన వన్‌యూఐ 7తో వస్తుంది. కంపెనీ నాలుగేళ్లపాటు మేజర్‌ ఆండ్రాయిడ్‌ అప్‌డేట్లు, నాలుగేళ్లపాటు సెక్యూరిటీ అప్‌డేట్స్‌ను అందించనున్నట్లు ప్రకటించింది.

ప్రొటెక్షన్:
ఈ ఫోన్ IP54 రేటింగ్‌తో వస్తుంది. అంటే ఇది డస్ట్, వాటర్ రెసిస్టెంట్. దుమ్ము, నీరు వల్ల ఫోన్ భాగాలకు రక్షణ ఉంటుంది.

5G సపోర్ట్:
శాంసంగ్ ఈ ఫోన్‌లో 12 5G బ్యాండ్లకు సపోర్ట్ చేస్తుందని తెలిపింది, ఇది పలు 5G నెట్‌వర్క్‌లతో అద్భుతంగా పని చేస్తుంది.

కలర్ ఆప్షన్లు:
ఈ ఫోన్ మార్కెట్లో మూడు అందమైన కలర్ ఆప్షన్లలో లభిస్తుంది. వాటిలో బ్లాక్, గ్రే, లైట్ గ్రీన్ ఉన్నాయి.

Also Read: మీ సెల్‌ఫోన్ డేటా డిలీట్ అయిపోయిందా? ఏం పర్లేదు.. ఈ టిప్స్ పాటిస్తే రికవరీ ఈజీ!

వేరియంట్లు:

4GB RAM + 64GB స్టోరేజ్
4GB RAM + 128GB స్టోరేజ్
6GB RAM + 128GB స్టోరేజ్

ధరలు:
వేరియంట్ల ఆధారంగా ధరలు ఈ విధంగా ఉన్నాయి:

4GB RAM + 64GB స్టోరేజ్ వేరియంట్ ధర: రూ. 10,499
4GB RAM + 128GB స్టోరేజ్ వేరియంట్ ధర: రూ. 11,499
6GB RAM + 128GB స్టోరేజ్ వేరియంట్ ధర: రూ. 12,999

సేల్స్ డీటెయిల్స్:
ఈ బడ్జెట్ స్మార్ట్ ఫోన్.. శాంసంగ్ ఎక్స్‌క్లూజివ్‌ స్టోర్లతో పాటు అన్ని రిటైల్‌ ఔట్‌లెట్లలో అందుబాల లభిస్తుంది. బాక్స్‌లో కేవలం టైప్-C కేబుల్ మాత్రమే ఉంటుంది, అయితే ఛార్జింగ్‌ అడాప్టర్‌ను విడిగా కొనుగోలు చేయాల్సి ఉంటుంది. అదనంగా, రూ. 129 చెల్లించి శాంసంగ్‌ కేర్+ సబ్‌స్క్రిప్షన్‌ను తీసుకుంటే, ఈ ఫోన్‌కు ఏడాది పాటు స్క్రీన్‌ రీప్లేస్ వారెంటీ లభిస్తుంది.

శాంసంగ్ A06 5G తన అధిక ఫీచర్లతో, బడ్జెట్ ధరలో అద్భుతమైన స్మార్ట్ ఫోన్. 5G సపోర్ట్‌తో కూడిన ఈ ఫోన్, స్మూత్‌ ప్రదర్శన, పవర్ ఫుల్ కెమెరా సిస్టమ్‌తో ఉన్న ఈ ఫోన్ తక్కువ ధరలో ఉండడంతో మధ్యతరగతి ప్రజలు ఇది మంచి ఛాయిస్.

Share

• 
• 
• 
• 
• 
•