Tata Altroz Offer: కొత్త ఆల్ట్రోజ్ వచ్చేసింది, ఏకంగా రూ. 1.4 లక్షల డిస్కౌంట్ తో!

New Tata Altroz 2025: భారతీయ ఆటో మోబైల్ దిగ్గజ సంస్థ వినియోగదారులను ఆకట్టుకునేలా సరికొత్త కార్లను మార్కెట్లోకి తీసుకొస్తుంది. అదిరిపోయే డిజైన్, ఆకట్టుకునే ఫీచర్లతో కస్టమర్లను ఫిదా చేస్తోంది. గత నెలలో టాటా మోటార్స్ దేశీయ మార్కెట్ లోకి కొత్త ఆల్ట్రోజ్ ఫేస్‌ లిఫ్ట్‌ ను విడుదల చేసింది. ఈ ప్రీమియం హ్యాచ్‌ బ్యాక్ కొన్ని ముఖ్యమైన అప్‌గ్రేడ్‌లను పొందింది. ఈ కారులోకి ఇప్పుడు అదనపు ఫీచర్ల జాబితాను చేర్చింది. లేటెస్ట్ ఎక్ట్సీరియర్, ఇంటీరియర్ డిజైన్‌ ను యాడ్ చేసింది. అంతేకాదు, అదిరిపోయే డిస్కౌంట్లతో పాటు పవర్ ఫుల్ ఇంజిన్‌ తో ఆల్ట్రోజ్‌ను కొనుగోలు చేయవచ్చు!

టాటా ఆల్ట్రోజ్ రేసర్ డిస్కౌంట్

టాటా మోటార్స్ ఇటీవల కొత్త ఆల్ట్రోజ్ ఫేస్‌లిఫ్ట్‌ను విడుదల చేసింది. ఇది కొత్త డిజైన్, కొత్త ఫీచర్లను పొందుతుంది. శక్తివంతమైన టర్బో పెట్రోల్ ఇంజిన్‌ను తొలగించి సరికొత్త ఇంజిన్ ను అమర్చారు. బ్రాండ్ 1.2-లీటర్ టర్బో పెట్రోల్ ఇంజిన్ (118bhp & 170Nm)తో కూడిన ఆల్ట్రోజ్ రేసర్ ఎడిషన్‌ను విడుదల చేసింది. ప్రస్తుతం ఈ ఇంజిన్ టాటా నెక్సాన్‌కు కూడా అందుబాటులో ఉంది. అదే యూనిట్ ను ఇప్పుడు ఆల్ట్రోజ్ కు యాడ్ చేశారు. బ్రాండ్ ఆల్ట్రోజ్ రేసర్ మూడు వేరియంట్‌లను ప్రారంభించింది. అవి R1, R2 & R3. అయితే, ఇంజిన్, రేసర్ ఎడిషన్ ఫేస్‌ లిఫ్ట్ అవతార్‌ లో కనిపించలేదు. అయితే, ఇది చాలా పాత ప్రొడక్ట్ కావడంతో, రేసర్ ఎడిషన్ MY2024 మోడళ్లకు రూ. 1.40 లక్షల తగ్గింపు ఆఫర్ ప్రకటించింది. ఇది వెంటిలేటెడ్ సీట్లను కూడా కలిగి ఉంటుంది. ఫేస్‌ లిఫ్ట్‌లో ఈ ఫీచర్ లేదు.

కొత్త ఆల్ట్రోజ్ ప్రత్యేకత ఏంటి?

కొత్త టాటా కారుకు టర్బో పెట్రోల్ ఇంజిన్ కాకుండా, ఆల్ట్రోజ్ 1.2-లీటర్ NA పెట్రోల్ & 1.5-లీటర్ డీజిల్ ఇంజిన్ ఎంపికలతో అందుబాటులోకి వచ్చింది. వాస్తవానికి, పెట్రోల్ ఇంజిన్ రెండు ఆటోమేటిక్ ట్రాన్స్‌మిషన్‌లకు ఎంపికలను పొందుతుంది. అలాగే, దేశంలో సరదాగా డ్రైవ్ చేయడానికి డీజిల్ ఇంజిన్‌ను అందించే ఏకైక హ్యాచ్‌బ్యాక్ ఇదే కావడం విశేషం. ఇది LED హెడ్‌ ల్యాంప్‌ లు, 10.25-అంగుళాల టచ్‌ స్క్రీన్ సిస్టమ్, 10.25-అంగుళాల డిజిటల్ ఇన్‌ స్ట్రుమెంట్ క్లస్టర్, ఎలక్ట్రిక్ సన్‌ రూఫ్, టచ్ బేస్డ్ AC కంట్రోల్స్ తో పాటు మరెన్నో లేటెస్ట్ ఫీచర్లను కలిగి ఉంది. అలాగే, కొత్త మోడల్ ఎక్స్‌ టెండెడ్ థై సపోర్ట్‌ ను పొందుతుంది, ఇది ప్రయాణీకుల సౌకర్యాన్ని మెరుగుపరుస్తుంది. ప్రస్తుతం, ఆల్ట్రోజ్ ఫేస్‌ లిఫ్ట్ ధర రూ. 8.13 లక్షల నుంచి రూ. 13.68 లక్షల (ఆన్-రోడ్, ముంబై) మధ్య ఉంది.