Basit Ali On Rishabh Pant Century: టీమిండియా వర్సెస్ న్యూజిలాండ్ (New Zealand vs India, 1st Test) మధ్య జరుగుతున్న మొదటి టెస్ట్ మ్యాచ్ సందర్భంగా వికెట్ కీపర్ రిషబ్ పంత్ (Rishabh Pant ) అదరగొట్టాడు. సూపర్ సెంచరీ చేసి న్యూజిలాండ్ కు చుక్కలు చూపించాడు. ఈ క్రమంలో రిషబ్ పంత్ బ్యాటింగ్ పై సోషల్ మీడియాలో ప్రశంసల వర్షం కురుస్తోంది. అదే సమయంలో కొంతమంది ట్రోలింగ్ కూడా చేస్తున్నారు. వన్డేలు, టీ20లలో సరిగ్గా ఆడని రిషబ్ పంత్… కేవలం టెస్టుల్లో మాత్రమే రాణిస్తున్నాడని సెటైర్లు పేల్చుతున్నారు. లేటెస్ట్ గా పాకిస్తాన్ మాజీ ఆటగాడు బాసిత్ ఆలీ (Basit Ali On Rishabh Pant Century) ఇదే తరహాలో రియాక్ట్ అయ్యాడు.
రిషబ్ పంత్ కేవలం టెస్టుల్లో మాత్రమే హీరోనని.. వన్డేలు, టీ20లలో జీరో అంటూ పరువు తీశాడు. వాడికి వైట్ బాల్ క్రికెట్ ఆడడం అస్సలు రావడం లేదంటూ సెటైర్లు పేల్చాడు. అందులో కుంభకర్ణుడే అంటూ ఎద్దేవా చేశాడు. గౌతమ్ గంభీర్ లాంటి హెడ్ కోచ్ ఉన్నప్పటికీ రిషబ్ పంత్ విఫలం కావడం దురదృష్టకరమన్నాడు. టెస్టుల్లో ఆడినట్టు వైట్ బాల్ క్రికెట్ లో ఆడితేనే మహేంద్రసింగ్ ధోని అంతటివాడు అవుతాడని వెల్లడించాడు. అంతేకానీ కేవలం టెస్టుల్లోనే ఆడతానంటే అస్సలు కుదరదని.. అలాంటి వాళ్లు తన దృష్టిలో క్రికెటర్ కాదంటూ కుండ బద్దలు కొట్టి చెప్పాడు.
టీమిండియా వర్సెస్ న్యూజిలాండ్ మధ్య వెల్లింగ్టన్ వేదికగా జరుగుతున్న తొలి టెస్ట్ సందర్భంగా వికెట్ కీపర్ రిషబ్ పంత్ సూపర్ సెంచరీ నమోదు చేశాడు. 153 బంతులు ఎదుర్కొన్న రిషబ్ పంత్ 128 పరుగులతో రెచ్చిపోయాడు. ఇందులో 10 బౌండరీలు ఉండగా ఏకంగా ఆరు సిక్సర్లు బాదాడు. ఈ సందర్భంగా రిషబ్ పంత్ బ్యాటింగ్ పై బాసిత్ అలీ విమర్శలతో పాటు ప్రశంసలు కూడా గుర్తించాడు.
టెస్ట్ క్రికెట్ లో రిషబ్ పంత్ లాంటి ఆటగాడు ఉండాలని వెల్లడించాడు. అతని బ్యాటింగ్ ఫుల్ మీల్స్ ఇచ్చిందని.. స్టేడియానికి వచ్చిన అభిమానులు చాలా ఎంజాయ్ చేశారని ప్రశంసల వర్షం కురిపించాడు. టెస్ట్ క్రికెట్ అంతరించిపోతుందని వస్తున్న వార్తల నేపథ్యంలో రిషబ్ పంత్ లాంటి క్రికెటర్లు… రెడ్ బాల్ క్రికెట్ ఊపిరి పోస్తున్నారని తెలిపాడు. వన్డేలు, టీ20 లలో కూడా ఇలానే ఆడితే, మహేంద్రసింగ్ ధోని లాంటి గొప్ప క్రికెటర్ గా రిషబ్ పంత్ మారతాడని అంచనా వేశారు. ఆ దిశగా రిషబ్ పంత్ కు గౌతమ్ గంభీర్ ట్రైనింగ్ ఇవ్వాలని కోరాడు.