Basit Ali On Harshit Rana: రైజింగ్ స్టార్స్ ఆసియా కప్ 2026 టోర్నమెంట్ (ACC Men’s Asia Cup Rising Stars 2026) గ్రూప్ స్టేజ్ లో టీమిండియా – ఏ జట్టు శుభారంభం చేసింది. దోహా వేదికగా నిన్న టీమిండియా వర్సెస్ నేపాల్ (India A vs Nepal, 4th Match, Group B) జూనియర్ జట్ల మధ్య బిగ్ ఫైట్ జరిగింది. ఇందులో అద్భుతంగా రాణించిన టీమిండియా 306 పరుగులతో విక్టరీ సాధించింది. అయితే ఈ మ్యాచ్ లో చాలా రోజుల తర్వాత రీ-ఎంట్రీ ఇచ్చిన హర్షిత్ రాణా 4 వికెట్లతో చెలరేగాడు. దీంతో అతని పేరు సోషల్ మీడియాలో మారుమోగుతోంది. ఇక ఈ మ్యాచ్ లో హర్షిత్ రాణా (Harshit Rana) ప్రదర్శనపై పాకిస్తాన్ మాజీ క్రికెటర్లు కూడా ప్రశంసల వర్షం కురిపించారు.
నేపాల్ జూనియర్ జట్టు పై నాలుగు వికెట్లు పడగొట్టిన హర్షిత్ రాణాను ( Harshit Rana) మెచ్చుకున్న పాకిస్తాన్ మాజీ ఆటగాడు బాసిత్ ఆలీ (Basit Ali )… సెటైరికల్ కామెంట్స్ చేశాడు. హర్షిత్ రాణాను వెంటనే న్యూజిలాండ్ సిరీస్ కు గంభీర్ తీసుకువెళ్లాలని ఎద్దేవా చేశాడు. నాలుగు వికెట్లు తీసిన విషయం తెలిసిన వెంటనే అతని కోసం ఫ్లైట్ టికెట్లు గంభీర్ బుక్ చేస్తాడని పేర్కొన్నాడు. హర్షిత్ రాణా…గంభీర్ పెద్ద కొడుకు అంటూ ఆడుకున్నాడు. 2027 వన్డే వరల్డ్ కప్ లో రోహిత్ శర్మ, విరాట్ కోహ్లీ లేకపోయినా హర్షిత్ రాణాకు ప్లేస్ మాత్రం గ్యారెంటీ అన్నాడు.
హర్షిత్ రాణాపై బాసిత్ అలీ సెటైరికల్ కామెంట్స్ చేయగా… టీమిండియా జూనియర్ జట్టుపై కమ్రాన్ అక్మల్ ప్రశంసలు కురిపించాడు. పసికూన నేపాల్ పై టీమిండియా కుర్రాళ్ళు అదరగొట్టారని వ్యాఖ్యానించాడు. తిలక్ వర్మ, కుమార్ కుషాగ్ర సెంచరీలు కూడా అద్భుతం అన్నాడు. బౌలింగ్ లో ప్రిన్స్ యాదవ్, హర్షిత్ రాణా ఇరగదీసారని మెచ్చుకున్నాడు. టీమిండియా సీనియర్ల జట్టుతో పాటు దేశవాళీ క్రికెటర్లు బాగా ఆడతారని.. అందుకే ఇలా దూసుకు వెళ్తున్నారని పేర్కొన్నాడు. ఇది ఇలా ఉండగా శుక్రవారం జరిగిన నేపాల్ వర్సెస్ టీమిండియా మ్యాచ్ లో తిలక్ వర్మ సేన సూపర్ విక్టరీ అందుకుంది. ఈ మ్యాచ్ లో మొదటి బ్యాటింగ్ చేసిన టీమిండియా జూనియర్ జట్టు 50 ఓవర్లు ఆడి 9 వికెట్ల నష్టానికి 332 పరుగులు సాధించింది. ఈ క్రమంలో చేజింగ్ కు దిగిన నేపాల్ జట్టు 11.3 ఓవర్లు ఆడి 26 పరుగులకు కుప్పకూలింది.