T20 World Cup 2024 – England Won by 10 Wickets against United States: టీ 20 ప్రపంచకప్ లో సూపర్ 8 నుంచి ఇంగ్లండ్ సెమీస్ కి చేరినట్టుగానే అనుకోవాలి. గ్రూప్ దశ నుంచి చచ్చీచెడి గెలిచిన ఇంగ్లండ్ సూపర్ 8లో అమెరికాపై అద్భుతమైన రన్ రేట్ తో ఆడి ముందడుగు వేసింది. 9.4 ఓవర్లలోనే 117 పరుగులు చేసి, విజయం సాధించింది. నెట్ రన్ రేట్ 1.992 తో రేస్ లో నిలిచింది. అయితే సౌతాఫ్రికా వర్సెస్ వెస్టిండీస్ మ్యాచ్ పై ఇంగ్లండ్ సెమీస్ ఎంట్రీ ఆధారపడి ఉంది.
సూపర్ 8లో భాగంగా అమెరికా వర్సెస్ ఇంగ్లండ్ మధ్య కింగ్స్ టన్ స్టేడియంలో జరిగిన మ్యాచ్ ఏకపక్షంగా సాగింది. టాస్ గెలిచిన ఇంగ్లండ్ మొదట బౌలింగు తీసుకుంది. దీంతో బ్యాటింగ్ కి వచ్చిన అమెరికా 18.5 ఓవర్లలో 115 పరుగులకు ఆలౌట్ అయ్యింది. లక్ష్య ఛేదనలో ఇంగ్లండ్ 9.4 ఓవర్లలోనే 117 పరుగులు చేసి జయభేరి మోగించింది.
వివరాల్లోకి వెళితే.. 116 పరుగుల లక్ష్యంతో బ్యాటింగ్ ప్రారంభించిన ఇంగ్లండ్ సాధికారికంగా ఆడింది. ఓపెనర్లు ఇద్దరూ భయం లేకుండా ఆడారు. ముఖ్యంగా కెప్టెన్ జోస్ బట్లర్ అయితే కళ్లు మూసుకుని ఆడినట్టు ఆడాడు. 38 బంతుల్లో 7 సిక్స్ లు, 6 ఫోర్ల సాయంతో 83 పరుగులు చేసి నాటౌట్ గా నిలిచాడు.
Also Read: టీమిండియా సెమీస్ చేరాలంటే అలా జరగాల్సిందే..?
మరో ఓపెనర్ ఫిల్ సాల్ట్ 21 బంతుల్లో 2 ఫోర్ల సాయంతో 25 పరుగులు చేసి నాటౌట్ గా ఉన్నాడు. మొత్తానికి ఇంగ్లండ్ వికెట్ నష్టపోకుండా 9.4 ఓవర్లలో 117 పరుగులు చేసి ఘన విజయం సాధించింది.
అమెరికా బౌలింగులో హర్మీత్ సింగ్ 2 ఓవర్లలో 36 పరుగులు సమర్పించు కున్నాడు. ఒక ఓవర్ లో అయితే జోస్ బట్లర్ 5 సిక్స్ లు కొట్టడం విశేషం. ఒక్క బౌలరు కూడా వికెట్ తీయలేకపోయాడు. అటు బ్యాటింగ్, ఇటు బౌలింగు అన్నింటా అమెరికా దారుణంగా విఫలమైంది.
అంతకుముందు బ్యాటింగ్ చేసిన అమెరికా ఏ దశలోనూ పోరాట పటిమ చూపించలేదు. పాకిస్తాన్ ని ఓడించి, టీమ్ ఇండియాని వణికించిన జట్టేనా? ఇది అని అంతా అనుకున్నారు. ఓపెనర్లు స్టీవెన్ టేలర్ (12), ఆండ్రిస్ గౌస్ (8) చేసి అవుట్ అయిపోయారు. తర్వాత వచ్చిన నితీష్ కుమార్ (30) కాసేపు పోరాడి అవుట్ అయిపోయాడు.
కెప్టెన్ ఆరోన్ జోన్స్ (10), ఆండర్సన్ (29), మిలింద్ కుమార్ (4), హర్మీత్ సింగ్ (21) చేశారు. తర్వాత ముగ్గురు ఆలిఖాన్, కెనిగే, నేత్రావల్కర్ వరుసగా డక్ అవుట్లు అయ్యారు. అందులో ఇద్దరు గోల్డెన్ డకౌట్లు అయ్యారు. దీంతో 18.5 ఓవర్లలో 115 పరుగులకి అమెరికా కథ ముగిసిపోయింది.
ఇంగ్లండ్ బౌలింగులో రీస్ టోప్లే 1, సామ్ కర్రన్ 2, ఆదిల్ రషీద్ 2, లివింగ్ స్టోన్ 1, జోర్డాన్ 4 వికెట్లు పడగొట్టారు.
Share
Best Offers on Smartwatches: కిక్కిచ్చే స్మార్ట్‌వాచ్‌లు.. ఇవి పెట్టుకుంటే హాస్పిటల్‌కి పోవాల్సిన అవసరమే లేదు..!
Parliament 1st Session: నేటి నుంచి పార్లమెంట్ సమావేశాలు..నేడు, రేపు సభ్యుల ప్రమాణ స్వీకారం..!
