IND vs BAN: టీమిండియా బ్యాటర్లు చెలరేగిపోయారు. డబుల్ సెంచరీ, సెంచరీలతో బంగ్లా బౌలర్లను చితక్కొట్టుడు కొట్టారు. సిరీస్ చేజారిన ప్రతీకారమో ఏమో.. బిగ్ స్కోర్ సాధించారు.
ఓపెనర్‌ ఇషాన్ కిషన్ ఏకంగా డబుల్ సెంచరీ బాదేశాడు. 134 బంతుల్లో 24 ఫోర్లు, 10 సిక్స్‌లతో 210 రన్స్ చేశాడు. వన్డేల్లో డబుల్ సెంచరీ చేసిన నాలుగో భారత ఆటగాడిగా చరిత్రకెక్కాడు. అంతర్జాతీయంగా డబుల్ సెంచరీ చేసిన ఎనిమిదో బ్యాటర్‌ ఇషాన్ కిషన్. 85 బాల్స్ లో సెంచరీ చేసిన ఇషాన్.. ఇంకో 41 బంతుల్లోనే మరో శతకం బాదేసి.. డబుల్ సెంచరీ కొట్టేశాడు.
ఇషాన్ కు తోడుగా విరాట్ కోహ్లీ సైతం బంగ్లా బౌలింగ్ ను ఆటాడుకున్నాడు. వన్డేల్లో 27వ శతకం సాధించాడు. 85 బంతుల్లో 11 ఫోర్లు, ఒక సిక్స్ తో సెంచరీ కంప్లీట్ చేశాడు. దాదాపు మూడేళ్ల విరామం తర్వాత విరాట్.. వన్డేల్లో సెంచరీ మైలురాయి దాటాడు.
Share
Rahul Gandhi : మాట నిలబెట్టుకున్న రాహుల్.. విద్యార్థుల హెలికాప్టర్ టూర్..
Puri Jagannadh : చాలా గ్యాప్ తరువాత "పూరీ మ్యూజింగ్స్" తడ్కా..
