IND vs SA-Women Test: భారత మహిళలు టెస్టు క్రికెట్‌లో సరికొత్త రికార్డు నెలకొల్పారు. టెస్టుల్లో ఫస్ట్ వికెట్‌కు రికార్డు భాగస్వామ్యం పరుగులు నమోదు చేసిన ఘనతను సొంతం చేసుకున్నారు. ఓపెనర్లు స్మృతి మంధాన- షఫాలీవర్మలు సెంచరీలతో చెలరేగిపోయారు. వీరిద్దరు తొలి వికెట్‌కు 292 పరుగులు జోడించి కొత్త రికార్డును నెలకొల్పారు.
చెన్నై వేదికగా భారత్- సౌత్‌ఆఫ్రికా మహిళల మధ్య ఏకైక టెస్టు మ్యాచ్ శుక్రవారం మొదలైంది. తొలుత టాస్ గెలిచిన టీమిండియా బ్యాటింగ్ ఎంచుకుంది. ఓపెనర్లుగా స్మృతిమంధాన- షఫాలీవర్మ దిగారు. ఆదిలో కాస్త తడబడిన ఈ జంట, ఆ తర్వాత విశ్వరూపం చూపించారు. లంచ్ బ్రేక్ సమయానికి వికెట్ నష్టపోకుండా 130 పరుగులు చేసింది.
వీరిద్దరూ మైదానం నలుమూలలా చూడచక్కని షాట్లతో సౌతాఫ్రికా బౌలర్లపై విరుచుకుపడ్డారు. ఈ జోడిని విడగొట్టేందుకు సౌతాఫ్రికా ఆటగాళ్లు రకరకాలు ప్రయత్నాలు చేసినప్పటికీ ఫలించలేదు. అటు షషాలీ వర్మ అయితే సిక్స్‌ల మోత మోగించింది. కేవలం 52 ఓవర్లలో 292 పరుగులు చేసింది ఈ జోడి.
ఓపెనర్లు స్మృతిమంధాన- షఫాలీవర్మ సెంచరీలు నమోదు చేశారు. ఇప్పటివరకు మహిళా టెస్టు క్రికెట్ చరిత్రలో తొలి వికెట్‌కు 241 పరుగులు చేసిన కిరన్ బలుచ్-సజ్జిదా షా జోడి రికార్డును భారత్ ఓపెనర్లు అధిగమించారు. మరింత దూకుడుగా ఆడే క్రమంలో స్మృతిమంధాన 149 పరుగుల వ్యక్తిగత స్కోర్ వద్ద ఔటయ్యింది. స్మృతికి టెస్టుల్లో ఇదే తొలి సెంచరీ. వన్డేల్లో రెండు సెంచరీలు చేసింది కూడా.
సెకండ్ సెషన్‌లో ఓ వికెట్ నష్టానికి 340 పరుగులు చేసింది టీమిండియా మహిళల జట్టు. వర్మ 167 పరుగులతో నాటౌట్‌గా నిలిచింది. ఈ లెక్కన తొలిరోజు రికార్డు స్కోర్ నమోదు చేయడం ఖాయం.
MAIDEN TEST CENTURY FOR SHAFALI VERMA. 🌟
– What a moment! 🫡 pic.twitter.com/5GPLv6dKB5
— Mufaddal Vohra (@mufaddal_vohra) June 28, 2024
Share
Surya Mahagochar in August 2024: సింహరాశిలోకి సూర్యుడు.. ఆగస్టు తర్వాత ఈ 4 రాశుల వారి జీవితాల్లో ఎదురేలేదు..!
Tamannaah Bhatia - Ranveer Singh: పాఠ్యపుస్తకాల్లో తమన్నా, రణ్‌వీర్ సింగ్ లైఫ్ స్టోరీ.. ఫైర్ అవుతున్న విద్యార్థుల తల్లిదండ్రులు..!
