Jasprit Bumrah Reveals Who His Favourite Captain Is Virat, Rohit or Dhoni: టీమ్ ఇండియా తురుపు ముక్కగా పేరుపొందిన ఫాస్ట్ బౌలర్ జస్ప్రీత్ బుమ్రా ఎక్కువగా నోరు తెరిచి మాట్లాడాడు. భావోద్వేగాలను తనలోనే దాచుకుంటాడు. కెప్టెన్ కావాలనే తన ఆశను అప్పుడప్పుడు వ్యక్తీకరిస్తుంటాడు. అది కూడా ముంబయి జట్టుకి పాండ్యాని కెప్టెన్ ని ఎంపిక చేసినప్పుడు, తన ఆవేదన వ్యక్తం చేశాడు. ఇది నెట్టింట బాగా వేడి పుట్టించింది.
ప్రస్తుతం తను మళ్లీ కెప్టెన్సీపై పెదవి విప్పాడు. అయితే అది కూడా చెప్పీ చెప్పకుండా అతి తెలివిగా చెప్పాడు. ఇంతకీ విషయం ఏమిటంటే.. మీ కెరీర్ లో మీకు నచ్చిన కెప్టెన్ ఎవరు? అని అడిగిన ప్రశ్నకు తను వెరైటీగా సమాధానం చెప్పాడు. అదేమిటంటే.. నాకు ఎవరూ ఇష్టం లేదు. నేను కెప్టెన్ అయితే, నాకు నేనే పెద్ద ఫ్యాన్ అని అన్నాడు.
అలా అంటూనే తన కెరీర్ లో తనకెదురైన ముగ్గురు ప్రముఖ కెప్టెన్లపై అభిప్రాయాన్ని చెప్పాడు. తొలిగురువు అయిన ధోనీ గురించి మాట్లాడాడు. తన హయాంలోనే క్రికెట్ లోకి ఆరంగేట్రం చేశాడు. ధోనీకి పెద్దగా ప్లానింగ్ ఉండదు. ఇలా ఆడాలి, అలా ఆడాలని గ్రౌండులోకి రాడు. ఆట జరిగేటప్పుడు పరిస్థితులకి తగినట్టుగా ప్లాన్ చేస్తాడు. వాటికి తిరుగుండదు. తను ప్లాన్ చేస్తే గన్ షాట్ గా తగలాల్సిందేనని అన్నాడు. అందుకు తను ఆ టైమ్ లో కుర్రాళ్లపై ఎక్కువ నమ్మకం పెట్టుకుంటాడు. విఫలమవుతున్నా పలు అవకాశాలిస్తాడు. ఇంతదూరం వచ్చారంటే, వారిలో ఏదో విషయం ఉంది, అది వెలుగులోకి తేవడమే కెప్టెన్ గా నాపని అని అంటాడు. అలా ఆటగాళ్లకు భద్రత కల్పించడంలో తనే ముందుంటాడని తెలిపాడు.
Also Read: రెండో టెస్టులో విండీస్ చిత్తు..సౌతాఫ్రికాదే సిరీస్
రోహిత్ శర్మ గురించి చెబుతూ.. తను ఓ మంచి కెప్టెన్ అని అన్నాడు. జట్టులోని ప్రతి సభ్యుల మంచీ చెడులు తెలుసుకుంటాడు. సానుభూతి వ్యక్తం చేస్తాడు. వారి కష్టంలో ఆదుకుంటాడు. తనూ బాధపడతాడు. కుటుంబానికి ప్రాధాన్యత ఎక్కువ ఇవ్వాలని పదే పదే చెబుతుంటాడు.
గేమ్ లో ఉన్నప్పుడు..ఎవరైనా బౌలింగులో క్యాచ్ డ్రాప్ చేస్తే, నాకెంతో బాధ కలుగుతుంది. నాకన్నా కెప్టెన్ కి ఎక్కువ బాధ ఉంటుంది. అందుకే రోహిత్ సీరియస్ అవుతాడు. అది అందరూ అర్థం చేసుకుంటారని అన్నాడు.
ఇలా తన కెరీర్ లో అత్యంత విలువైన ముగ్గురు కెప్టెన్లతో ఆడటం వల్ల, వారి సూచనలతో బౌలర్ గా మరింత రాణించానని తెలిపాడు.
Share
West Indies vs South Africa: రెండో టెస్టులో విండీస్ చిత్తు..సౌతాఫ్రికాదే సిరీస్
Bulk SIM card New Rules| ప్రైవేట్ కంపెనీలపై కేంద్రం ఆంక్షలు.. బల్క్ సిమ్ కార్డులు కొనుగోలుపై పరిమితి..
