Mohsin Naqvi missing from U19 Asia Cup trophy presentation: అండర్ 19 ఆసియా కప్ టోర్నమెంట్ 2026 (ACC Men’s U19 Asia Cup 2026) విజేతగా టీమిండియా జూనియర్ జట్టు నిలిచింది. పాకిస్తాన్ తో ఒమన్ వేదికగా శనివారం జరిగిన మ్యాచ్ కేవలం ఒకే ఒక్క వికెట్ తేడాతో టీమిండియా గెలిచి, ఛాంపియన్ గా నిలిచింది. ఈ తరుణంలోనే భారత జూనియర్ క్రికెటర్ల సంబరాలు అంబరాన్ని అంటాయి. అటు భారత దేశంలోనూ క్రికెట్ ఫ్యాన్స్ పటాకులు పేల్చుతూ తమ ఆనందాన్ని వ్యక్తం చేస్తున్నారు. గతంలో ఆసియా కప్ గెలిచినా ట్రోఫీ తీసుకోకుండానే రెండుసార్లు టీమిండియా జట్లు వెనుదిరిగాయి. కానీ అండర్ 19 టీమిండియా మాత్రం టైటిల్ తీసుకునే వస్తోంది. దీంతో ప్లేయర్ల ఉత్సాహాం రెట్టింపు అయింది.
అండర్ 19 ఆసియా కప్ టోర్నమెంట్ 2026 విజేతగా నిలిచిన టీమిండియాకు మొహ్సిన్ నఖ్వీ ట్రోఫీ అందించలేదు. అతడు మ్యాచ్ కు హాజరుకాకపోవడంతో నఖ్వీ స్థానంలో ఆసియా క్రికెట్ కౌన్సిల్ ప్రతినిధి షేక్ అబ్దులజీజ్ బిన్ సౌద్ ట్రోఫీని టీమిండియాకు అందించాడు. శనివారం రోజున పాకిస్తాన్ కేబినేట్, ఇతర కార్యక్రమాలు ఉన్నాయని సమాచారం. అందుకే ఒమన్ లోని మస్కట్ లో జరిగిన ట్రోఫీ ప్రధానోత్సవానికి మొహ్సిన్ నఖ్వీ రాలేకపోయాడు. నఖ్వీ హాజరుకాకపోవడం టీమిండియాకు కలిసి వచ్చింది. దీంతో ఆసియా క్రికెట్ కౌన్సిల్ ప్రతినిధి షేక్ అబ్దులజీజ్ బిన్ సౌద్ చేతుల మీదుగానే ట్రోఫీని తీసుకున్నారు.
ఆసియా క్రికెట్ కౌన్సిల్ చైర్మన్ పదవిలో మొహ్సిన్ నఖ్వీ ఉన్న సంగతి తెలిసిందే. దీంతో ఆసియా కప్ ఎప్పుడు, ఎక్కడ జరిగినా నఖ్వీనే ట్రోఫీని అందించాల్సి ఉంటుంది. అయితే, రెండు దేశాల మధ్య ఉన్న గొడవల నేపథ్యంలో దాయాది జట్టు ప్లేయర్లకు టీమిండియా ఆటగాళ్లు షేక్ హ్యాండ్ కూడా ఇవ్వడం లేదు. ఈ తరుణంలోనే 2025లో జరిగిన పురుషుల ఆసియా కప్ టోర్నమెంట్ లో ఛాంపియన్ గా నిలిచిన సూర్య కుమార్ యాదవ్ సేన, ట్రోఫీ తీసుకోలేదు. మొహ్సిన్ నఖ్వీ చేతుల మీదుగా టైటిల్ తీసుకోవద్దని స్పష్టమైన ఆదేశాలు బీసీసీఐ నుంచి రావడంతో సూర్య సేన ఉట్టి చేతులతోనే ఇండియాకు వచ్చింది. 2026 హర్మన్ ప్రీత్ కౌర్ జట్టు కూడా ఛాంపియన్ గా నిలిచి, చేతులు ఊపుకుంటూ వచ్చింది. కానీ ఈ సారి నఖ్వీ గైర్హాజరు కావడంతో అండర్ 19 టీమిండియాకు ట్రోఫీ దక్కింది. పహల్గమ్ సంఘటన జరిగిన తర్వాతనే రెండు దేశాల మధ్య ఈ పరిస్థితులు చోటు చేసుకుంటున్నాయి.
Share
చిన్నపిల్లల్లో మధుమేహం.. తల్లిదండ్రులు ఈ లక్షణాలు అస్సలు నిర్లక్ష్యం చేయకూడదు
