Lausanne Diamond League 2024: భారతదేశం బంగారు బాబు, జావెలిన్ త్రోయర్ నీరజ్ చోప్రా మరోసారి మరో చోట మెరిశాడు. ఈసారి స్విట్జర్లాండ్ లో జరుగుతున్న లుసానె డైమండ్ లీగ్ 2024లో తన సత్తా చాటాడు. ఈసారి తన బల్లాన్ని 89.49 మీటర్లు విసిరి రెండో స్థానంలో నిలిచాడు. అయితే 90 మీటర్ల కల నెరవేరకపోయినా, ఈ సీజన్ లో అత్యుత్తమ ప్రదర్శన చేశాడు.
ఈ లీగ్ లో మొదటి ప్రయత్నంలో నీరజ్ చోప్రా అందరినీ నిరాశపరిచాడు. 82.10 మీటర్లు మాత్రమే విసిరి నాలుగో స్థానంలో నిలిచాడు. అంతా అయిపోయిందని అనుకున్నారు.
కానీ తర్వాత మనోడు తేరుకుని వరుసగా 83.21, 83.13, 85.58 మీటర్లు విసిరాడు. ఇక చివరి ప్రయత్నంలో గ్రెనెడా ప్లేయర్ అండర్సన్ పీటర్స్ ఏకంగా 90.61 మీటర్లు జావెలిన్ను విసిరి అగ్రస్థానంలోకి దూసుకెళ్లాడు. ఇక లాభం లేదనుకుని, పారిస్ ఒలింపిక్స్ కోసం చేసిన ప్రాక్టీస్ ను గుర్తు చేసుకున్న నీరజ్ పరుగెత్తి, పరుగెత్తి తన బలాన్నంతా ఉపయోగించి బల్లాన్ని విసిరాడు.
అంతే అది 89.49 మీటర్ల దూరంలో పడింది. దీంతో ఎప్పటిలా రెండో స్థానం దక్కింది. జర్మన్ ప్లేయర్ వెబర్ జులియన్ 87.08 మీటర్లతో మూడో స్థానాన్ని పొందాడు. పారిస్ ఒలింపిక్స్ లో గోల్డ్ మెడల్ సాధించిన పాకిస్తాన్ జావెలిన్ త్రోయర్ అర్షద్ నదీమ్ ఈ టోర్నీకి దూరంగా ఉన్నాడు. గాయం కారణంగానే అతను బరిలోకి దిగలేదని తెలుస్తోంది.
Also Read: ఇక ఆడింది చాలు.. చదువుకుంటా: అర్చన కామత్
బంగారు బాబు నీరజ్ చోప్రా.. నెమ్మదిగా ఏడాది ఏడాదికి డౌన్ అవుతున్నాడని అంటున్నారు. టోక్యో ఒలింపిక్స్ లో గోల్డ్ మెడల్ సాధించిన నీరజ్ చోప్రా పారిస్ ఒలింపిక్స్ కి వచ్చేసరికి సిల్వర్ మెడల్ కి పరిమితమయ్యాడు. ఇప్పుడు కూడా డైమండ్ లీగ్ 2022లో గోల్డ్ మెడల్ సాధించి.. 2024కి వచ్చేసరికి సిల్వర్ మెడల్ కి పరిమితమయ్యాడు.
ఇక్కడ గుడ్డిలో మెల్ల ఏమిటంటే మెడల్స్ తగ్గుతున్న, కాలంతో, యువతతో పోటీ పడుతున్నాడు. ఏడాదికేడాది తను విసురుతున్న జావెలిన్ దూరం మాత్రం పెరుగుతోంది. ఇదొక ఆశావాహ పరిణామమని కోచ్ లు వ్యాఖ్యానిస్తున్నారు.
🇮🇳🥈 Neeraj Chopra shines again! A proud second-place finish at the Lausanne Diamond League 2024.
⏩ His final throw of 89.49m secured him this spot.
📷 Getty • #NeerajChopra #LausanneDL #DiamondLeague #TeamIndia #BharatArmy pic.twitter.com/eC2TRYHyVf
— The Bharat Army (@thebharatarmy) August 22, 2024
Share
Megha Akash: ప్రియుడితో ఎంగేజ్ మెంట్ చేసుకున్న టాలీవుడ్ హీరోయిన్.. కుర్రాళ్లకు హార్ట్ బ్రేక్
Free Ride Service: అదంతా ఫేక్ న్యూస్.. ఫ్రీ రైడ్ సర్వీస్ పై క్లారిటీ ఇచ్చిన హైదరాబాద్ పోలీసులు
