Rohit Sharma : వరల్డ్ కప్ లో జరుగుతున్న మ్యాచ్ ల్లో మెరుపులు లేకపోయినా ఆటలో చమక్కులకు మాత్రం కొదవలేదన్నట్టుగా ఉంది. ఇండియా పాక్ మ్యాచ్ లో పలు వింతలు చోటు చేసుకున్నాయి. అందులో ఒకటి రోహిత్ శర్మ పాక్ బౌలింగ్ ని చీల్చి చెండాడాడు. స్టార్ పేసర్లు షాహీన్ షా ఆఫ్రిది, హ్యారీస్ రవూఫ్ లను ఒక ఆట ఆడుకున్నాడు. 63 బంతుల్లో 6 ఫోర్లు, 6 సిక్సర్లతో 86 పరుగులు చేసి అవుట్ అయ్యాడు.
అది 15వ ఓవర్.. హ్యారీస్ రవూఫ్ 141.1 కిమీ వేగంతో వేసిన బాల్ ని, రోహిత్ తన ట్రేడ్ మార్క్ అయిన ఫుల్ షాట్ ఆడాడు. అది అంతకన్నా వేగంగా గాలిల్లోకి దూసుకుపోయి, ఎక్కడో స్టాండ్ అవతల పడింది. అది చూసిన ఫీల్డ్ అంపైర్ సౌత్ ఆఫ్రికా కి చెందిన ఎరాస్మస్ షాక్ అయ్యాడు. వెంటనే రోహిత్ దగ్గరకు వచ్చి అంత సింపుల్ గా ఎలా కొట్టావ్? నీ బ్యాట్ లో ఏదో పవర్ ఉంది అన్నాడు. దానికి రోహిత్ నవ్వుతూ బ్యాట్ లో కాదు, నా మజిల్ పవర్ అంటూ సరదాగా చూపించాడు. ఇది సామాజిక మాధ్యమాల్లో తెగ వైరల్ అయ్యింది.
మ్యాచ్ అనంతరం బీసీసీఐకి ఇచ్చిన ఇంటర్వ్యూలో హార్దిక్ తో మాట్లాడిన రోహిత్ ఇదే విషయమై స్పందించాడు. అంత ఈజీగా సిక్సర్లు ఎలా కొడుతున్నావని అంపైర్ నన్ను అడిగాడు. అది బ్యాట్ పవర్ కాదు, నా పవర్ అని చెప్పా..అని నవ్వుతూ అన్నాడు.
అయితే ఇతర బ్యాట్స్ మెన్లు సిక్స్ కొట్టాలంటే చాలా కష్టపడతారు. తమ శక్తినంతా ఉపయోగించి ఆడతారు. కానీ రోహిత్ శర్మ అంత ఈజీగా కొట్టడానికి కారణం ఏమిటంటే..టైమింగ్.. అని చెబుతున్నారు. బాల్ ని కరెక్ట్ టైమింగ్ లో ఎటమ్ చేస్తే..చాలా సులువుగా సిక్స్ లు కొట్టవచ్చునని క్రీడా నిపుణులు చెబుతున్నారు. అయితే, ఆ షాట్ టైమింగ్ అనేది రోహిత్ శర్మ ప్రధాన అస్త్రాలలో ఒకటని కూడా చెబుతున్నారు.
Share
Hamas Attack: హత్తుకుని.. మృత్యువును స్వాగతించి.. విషాద గాథలెన్నో..!
Chandrababu Naidu : చంద్రబాబు క్వాష్ పిటిషన్.. తీర్పు రిజర్వ్
