WaQar Azam On IND VS PAK Asia Cup Rising Stars 2026: రైజింగ్ స్టార్స్ ఆసియా కప్ 2026 టోర్నమెంట్ (ACC Men’s Asia Cup Rising Stars 2026) నిన్న భారీ అంచనాల నడుమ ప్రారంభమైంది. మొదటి మ్యాచ్ లో హంకాంగ్ వర్సెస్ బంగ్లాదేశ్ జూనియర్ జట్లు తలపడ్డాయి. ఇక ఇవాళ మొదటి మ్యాచ్ లో భాగంగా యునైటెడ్ అరబ్ ఎమిరేట్స్ తో పాకిస్తాన్… నేపాల్ తో టీమిండియా తలపడనున్నాయి. వన్డే ఫార్మాట్ లో జరగనున్న ఈ మెగా టోర్నమెంట్ గ్రూప్ స్టేజిలో దాయాదుల పోరు కూడా ఎల్లుండి ఉండనుంది. నవంబర్ 22వ తేదీన మధ్యాహ్నం మూడున్నర గంటలకు దోహా వెస్ట్ అండ్ పార్క్ అంతర్జాతీయ క్రికెట్ స్టేడియం (West End Park International Cricket Stadium, Doha) వేదికగా పాకిస్తాన్ వర్సెస్ టీమ్ ఇండియా మధ్య బిగ్ ఫైట్ ఉంటుంది.
నవంబర్ 22వ తేదీన ఇండియా వర్సెస్ పాకిస్తాన్ (India A vs Pakistan A, 8th Match) మధ్య మ్యాచ్ ఉన్న నేపథ్యంలో పాకిస్తాన్ మాజీలు సోషల్ మీడియాలో రకరకాల కామెంట్స్ చేస్తున్నారు. అండర్ 19 ఆసియా కప్ ఫైనల్స్ సందర్భంగా జరిగిన అవమానానికి ప్రతీకారం తీర్చుకుంటామని హెచ్చరిస్తున్నారు. ఇక లేటెస్ట్ గా దీనిపై పాకిస్తాన్ వీరాభిమాని వకార్ అజమ్ (WaQar Azam) కూడా సంచలన ప్రకటన చేశాడు. టీమిండియాలో ఆదివారం రోజున కచ్చితంగా పాకిస్తాన్ ఓడిస్తుందని శపథం చేశాడు. తిలక్ వర్మ ఆధ్వర్యంలోని టీమిండియాను ఓడించి.. అధికారం తీర్చుకుంటామని వెల్లడించాడు. ఒకవేళ ఆ రోజున పాకిస్తాన్ ఓడిపోతే, టీమిండియా జెర్సీని తాను ఆరు గంటల పాటు ధరిస్తానని సంచలన స్టేట్మెంట్ ఇచ్చాడు.
టీమిండియా జెర్సీ ధరించి ఆరు గంటల పాటు ఫేస్ బుక్ లో ఫోటోను ఉంచుతానని వెల్లడించాడు. తాను సవాల్ విసిరానంటే పారిపోయే వ్యక్తిని కాదన్నాడు. ఒకవేళ పాకిస్తాన్ గెలిస్తే, సంబరాలు చేసుకుంటానని… ఓడిపోతే హిందుస్థాన్ జెర్సీ ధరించి మాట నిలబెట్టుకుంటాడని వెల్లడించాడు. దీంతో వకార్ అజమ్ (WaQar Azam) చేసిన వ్యాఖ్యలు వైరల్ గా మారాయి. కాగా… టీమిండియా వర్సెస్ న్యూజిలాండ్ ( IND VS NZ ODI) మధ్య వన్డే సిరీస్ సందర్భంగా కూడా వకార్ అజమ్ ఇలాంటి తరహా స్టేట్మెంట్ ఇచ్చాడు. న్యూజిలాండ్ గడ్డపై టీమిండియా వన్డే సిరీస్ గెలిస్తే గుండు గీయించుకుంటానని ప్రకటన చేశాడు. ఈ తరుణంలోనే టీమ్ ఇండియా విక్టరీ కొట్టగా… చాలెంజ్ విసిరినట్టుగానే గుండు గీయించుకొని వీడియో పోస్ట్ చేశాడు.