KL Rahul Survives LBW Scare: టీమిండియా వర్సెస్ న్యూజిలాండ్ (New Zealand vs India, 1st Test) మధ్య తొలి టెస్ట్ చాలా ఉత్కంఠ భరితంగా సాగుతోంది. మొదటి రోజు న్యూజిలాండ్ బ్యాటర్లు ఇరగదీయగా… రెండో రోజు టీమిండియా కూడా దూకుడుగా ఆడుతోంది. ఇప్పటికే కేఎల్ రాహుల్ ( KL Rahul), యశస్వి జైశ్వాల్ (Yashasvi Jaiswal) వాళ్ళిద్దరూ అర్థ సెంచరీలు నమోదు చేసుకున్నారు. ఈ నేపథ్యంలో కేఎల్ రాహుల్ కు వరుసగా రెండు లైఫ్ లు వచ్చాయి. నాలుగో ఓవర్ లో ఒకసారి ఔట్ కాకుండా బయటపడ్డ కేఎల్ రాహుల్… ఏడవ ఓవర్ లో న్యూజిలాండ్ రివ్యూ తీసుకోకపోవడంతో లక్కీగా బయటపడ్డాడు. రెండు లైఫ్ లు వచ్చిన నేపథ్యంలో అద్భుతంగా రాణించిన కేఎల్ రాహుల్ అర్ధ సెంచరీ ఫినిష్ చేసుకున్నాడు.
రెండో రోజు ఫస్ట్ ఇన్నింగ్స్ ప్రారంభించిన టీమిండియా దూకుడుగా ముందుకు వెళ్తోంది. ఈ క్రమంలో నాలుగో ఓవర్ కైల్ జేమీసన్ వేశాడు. ఆ సమయంలో కేఎల్ రాహుల్ ప్యాడ్లకు బంతి తగిలింది. కానీ అంపైర్ కుమార ధర్మసేన మాత్రం నాటౌట్ గా ప్రకటించాడు. ఈ క్రమంలో న్యూజిలాండ్ రివ్యూ తీసుకోగా… అల్ట్రాఎడ్జ్ లో బ్యాట్, ప్యాడ్లకు ఒకేసారి తగిలినట్టు కనిపించింది. కానీ బాల్ ట్రాకింగ్ ఇంపాక్ట్ ఆఫ్ స్టంప్ వెలుపల ఉన్న నేపథ్యంలో ధర్మసేన నిర్ణయానికి కట్టుబడి నాటౌట్ గా థర్డ్ అంపైర్ ప్రకటించేశారు. దీంతో న్యూజిలాండ్ రివ్యూ కోల్పోవాల్సి వచ్చింది. ఏడో ఓవర్ మాట్ హెన్రీ సందించాడు.
ఈ క్రమంలో ఇన్ స్వింగర్ ను ఎదుర్కొనే క్రమంలో ఇబ్బంది పడ్డ కేఎల్ రాహుల్… వికెట్ల ముందు మళ్ళీ దొరికిపోయాడు. అప్పుడు కూడా ధర్మసేన నాటౌట్ గా ప్రకటించాడు. ఆ సమయంలో అంపైర్ మాట్ హెన్రీ రివ్యూ తీసుకోవాలని కెప్టెన్ టామ్ లాథమ్ ను రిక్వెస్ట్ చేసినా… మళ్లీ రివ్యూ కోల్పోతామని భయంతో వెనకడుగేశాడు. కానీ రిప్లై లో కెఎల్ రాహుల్ ఔట్ గా తేలింది. ఈ క్రమంలో మాట్ హెన్రీ ఆగ్రహం వ్యక్తం చేస్తూ తన స్వెటర్ ను నేలకేసి కొట్టాడు. కెప్టెన్ టామ్ లాథమ్, అంపైర్ ధర్మసేన పట్ల అసహనం వ్యకం చేశాడు. ఈ సంఘటనలో ఇప్పుడు వైరల్ గా మారాయి. ఇది ఇలా ఉండగా ఇప్పటి వరకు 37 ఓవర్లు ఆడిన టీమిండియా ఒకే ఒక్క వికెట్ నష్టపోయి 151 పరుగులు సాధించింది. న్యూజిలాండ్ కంటే 217 పరుగులు వెనుకబడి ఉంది. అటు 368 పరుగులకు ఇవాళ ఉదయం న్యూజిలాండ్ ఆలౌట్ అయింది.