111 Movie: త్రిబుల్ వన్ జీవోపై సినిమా.. సర్కారుకు షాకేనా?

111 Movie: టాలీవుడ్‌లో 111 పేరిట వస్తున్న సినిమా సర్వత్రా ఉత్కంఠ రేపుతోంది. ఇటీవలే 111 జీవోను తెలంగాణ ప్రభుత్వం ఎత్తివేసింది. దీనిపై భిన్నాభిప్రాయాలు ఉన్నాయి. ఎలక్షన్‌ సమయంలో ఇదే పేరుతో సినిమాను రూపొందించటం పొలిటికల్ అటెన్షన్ క్రియేట్ చేస్తోంది.

111 జీవో ఎత్తేసింది కేవలం రియల్ ఎస్టేట్ వ్యాపారం కోసమేనని పర్యావరణ వేత్తలు విమర్శలు చేస్తున్నారు. అయితే.. ఈ సినిమా ద్వారా దర్శకుడు ఏం చెప్పబోతున్నాడనే విషయం ఉత్కంఠగా మారింది. ట్రైలర్‌ చూస్తే మాత్రం.. భూముల అంశాలని చిత్ రయూనిట్ టచ్ చేసినట్లు స్పష్టంగా తెలుస్తోంది. అయితే.. ప్రభుత్వం తీసుకొచ్చిన జీవోకు ఈ సినిమా వ్యతిరేకంగా ఉంటుందా లేక పాజిటివ్‌గా ఉంటుందా? అనేది ప్రేక్షకులతో పాటు రాజకీయ వర్గాల్లో ఉత్కంఠ రేకెత్తిస్తోంది.

అభివృద్దికోసమే జీవో ఎత్తేస్తున్నామంటున్నప్రభుత్వం చెబుతుండగా.. దర్శకుడు సినిమా ద్వారా అదే చెప్పబోతున్నాడా.. లేక ఇతర సందేశం ఉంటుందా? అనేది సస్పెన్స్‌గా మారింది. నూతన నటీనటులతో దర్శకుడు విజయ రాఘవేంద్ర తెరకెక్కించి.. జీవీ 111 కాన్సెప్ట్ టీజర్‌ సోషల్‌ మీడియాలో సంచలనంగా మారింది.

111 జీవో పరిధిలో వేల ఎకరాల భూమి ఉంది. జీవో ఎత్తేస్తే ఆ భూములు బంగారమే. కోట్లలో ధర పలుకుతుంది. భూమి అమ్ముకుంటే రైతు కూలీగా మారతాడంటూ.. టీజర్‌లో చెప్పించాడు డైరెక్టర్. అంటే, ఈ మూవీ ప్రభుత్వ జీవోకు వ్యతిరేకంగానే ఉంటుందా? ఉంటే ఎలక్షన్ టైమ్‌లో ఈ సినిమా కేసీఆర్ సర్కారుకు మైనస్‌గా మారుతుందా? చూడాలి.