BRS party latest news(Telangana news today): తెలంగాణలో కారు పార్టీ పరిస్థితి ఏంటి? షెడ్‌కు వెళ్లిన కారు బయటకు వస్తుందా? బయటకు రాదని ఖరాఖండిగా చెబుతున్నారు నేతలు. ఆ పార్టీ పనైపోయిందని ఒక్కముక్కలో తేల్చేస్తున్నారు. తెలంగాణ అసెంబ్లీ ఎన్నికల ఫలితాలు వచ్చిన 15 రోజుల నుంచి కారు పార్టీకి చెందిన ఇళ్లను చక్కబెట్టుకోవడం మొదలుపెట్టారు. అధికార కాంగ్రెస్, బీజేపీ వైపు వెళ్లిపోవడం మొదలైంది.
మారుతున్న రాజకీయాలకు అనుగుణంగా లేకుంటే తమ పొలిటికల్ ఛాప్టర్ క్లోజ్ అవుతుందని భావించిన నేతలు కండువాలు మార్చుకుంటున్నారు. ఈ విషయంలో బాగా నష్టపోయిన పార్టీలో బీఆర్ఎస్ ఒకటి. ఇప్పటికే ఆ పార్టీకి చాలామంది ఎమ్మెల్యేలు, మాజీలు రాంరాం చెప్పేశారు. ఇక జిల్లాల పరిస్థితి చెప్పనక్కర్లేదు.
తాజాగా కొండాపూర్ బీఆర్ఎస్ కార్పొరేటర్ షేక్ హమీద్ కాంగ్రెస్ పార్టీ తీర్థం పుచ్చుకున్నారు. సీఎం రేవంత్రెడ్డి స్వయంగా హమీద్‌కు కండువా కప్పి పార్టీలోకి ఆహ్వానించారు. లోక్‌సభ ఎన్నికల తర్వాత మరికొందరు ఆ పార్టీకి గుడ్ బై చెప్పేందుకు సిద్ధంగా ఉన్నట్లు వార్తలు లేకపోలేదు. ముఖ్యంగా జిల్లా జెడ్పీటీసీలతోపాటు ఎమ్మెల్యేలు కూడా ఈ జాబితాలో ఉన్నారట. ఈ లెక్కన గ్రేటర్ ఎన్నికల లోపు కారు పార్టీ దాదాపుగా ఖాళీ అవుతుందని కాంగ్రెస్ నేతలు చెప్పుకోవడం గమనార్హం.
Share
BJP Strategies : బీజేపీ ప్రచారాస్త్రాలు వర్కౌట్ అవుతాయా?
Mallikarjun Kharge: మోదీ మరో ఐదేళ్లు అధికారంలో ఉంటే దేశం సర్వనాశనమే: ఖర్గే
