Bathukamma: రాష్ట్ర వ్యాప్తంగా బతుకమ్మ సంబరాలు

Bathukamma: బతుకమ్మ పాటలు..ఆడబిడ్డల ఆటలతో తెలంగాణ మార్మోగింది. రాష్ట్ర వ్యాప్తంగా బతుకమ్మ సంబురాలు ఘనంగా ప్రారంభం అయ్యాయి. తొలి రోజు ఎంగిలి పూల బతుకమ్మ వేడుకలు అంబరాన్ని అంటేలా జరిగాయి. పల్లె, పట్నమనే తేడా లేకుండా అన్ని ప్రాంతాల్లో మహిళలు ఎంగిలిపూల బతుకమ్మ వేడుకల్లో ఉత్సాహంగా పాల్గొన్నారు. పూలతో అందంగా పేర్చిన బతుకమ్మల చుట్టూ ఆటపాటలతో సందడిగా వాతావరణం ఏర్పడింది. బతుకమ్మ బతుకమ్మ ఉయ్యాలో… ఒక్కేసి పువ్వేసి సందమామా.. పాటలతో వీధులన్నీ మార్మోగాయి.

హనుమకొండలోని వెయ్యి స్తంభాల ఆలయం వద్ద ఘనంగా బతుకమ్మ సంబరాలు
మరోవైపు బతుకమ్మ పండుగను రాష్ట్ర ప్రభుత్వం ప్రతిష్టాత్మకంగా తీసుకుంది. సర్కార్ ఆధ్వర్యంలో మొదటిరోజు హనుమకొండ వేయి స్తంభాల గుడి వద్ద బతుకమ్మ ఉత్సవాలను ఘనంగా నిర్వహించారు. ఆడపడుచులతో ఆలయం కిక్కిరిసిపోయింది. ముఖ్య అతిథులుగా ఉప ముఖ్యమంత్రి భట్టి విక్రమార్క, మంత్రులు కొండా సురేఖ, సీతక్క, జూపల్లి కృష్ణారావు, పొంగులేటి శ్రీనివాసరెడ్డి పాల్గొన్నారు.

తీరొక్క పూలతో తొమ్మిది రోజులపాటు పూజలందుకొనే బతుకమ్మ దీవెనలతో రాష్ట్రంలో సుఖశాంతులు వెల్లివిరియాలని ఆకాంక్షించారు రాష్ట్ర మంత్రులు. మహిళలు ఆర్థికంగా ఎదిగేలా, తెలంగాణ సుభిక్షంగా ఉండేలా గౌరమ్మ ఆశీర్వదించాలని కోరారు. బతుకమ్మ మన సంస్కృతి, సంప్రదాయాలను ప్రతిబింబిస్తుందని, మహిళలను సంఘటితం చేస్తుందన్నారు.

వేడుకల ప్రారంభోత్సవంలో మంత్రి సురేఖ చిత్తూ చిత్తుల బొమ్మ.. శివునీ ముద్దులగుమ్మ అంటూ బతుకమ్మ పాటను ఆలపించగా..పక్కనే ఉన్న మంత్రి సీతక్క, గ్రేటర్‌ వరంగల్‌ మేయర్‌ గుండు సుధారాణి గొంతు కలిపారు. వేదికకు ఎదురుగా ఉన్న మహిళలు ఉత్సాహంగా నృత్యం చేశారు.

తెలంగాణ సంస్కృతికి చిహ్నహైన బతుకమ్మ సంబరాలు దేశ విదేశాల్లోనూ అంబరాన్నంటేలా ఘనంగా జరుగుతున్నాయి. ఎక్కడున్న వారి సంస్కృతి, నేపథ్యం మరువమని చెప్పేలా అంతా ఒకచోట చేరి పండుగలు చేసుకుంటున్నారు. అమెరికాలోని న్యూజెర్సీలో తెలంగాణ అమెరికా తెలుగు సంఘం ఆధ్వర్యంలో వేడుకలు జరిగాయి. 2వేల మంది మహిళలు ఒక్కచోట చేరి ఆడిపాడారు. తీరొక్క పూలతో … బతుకమ్మ పాటలతో తెలంగాణ సంప్రదాయం మురుసింది.. మహిళలు సంప్రదాయ వస్త్రధారణలో తళుక్కుమనారు.

Also Read: ఎమ్మెల్సీ తాతా మధుపై ఖమ్మం జిల్లా నేతల తిరుగుబాటు!

పలు ప్రాంతాల్లో అయితే వర్షాన్ని సైతం ఆలోచించకుండా బతుకమ్మ ఆడారు.. కోలాటాలు వేశారు. ఈ పండుగ తెలంగాణ మహిళల సామూహిక ఆనందం, సంస్కృతి సంరక్షణకు మంచి ఉదాహరణ.

రాష్ట్ర ప్రభుత్వ తరపున సాంస్కృతి శాఖ ఆధ్వర్యంలో బతుకమ్మ కార్నివాల్..

హనుమకొండలోని వెయ్యి స్తంభాల ఆలయం వద్ద ఘనంగా బతుకమ్మ సంబరాలు

బతుకమ్మ పండుగ సందర్ఫంగా తెలంగాణ ఆడబిడ్డలకు శుభాకాంక్షలు తెలిపిన డిప్యూటీ సీఎం భట్టి, మంత్రులు పొంగులేటి, జూపల్లి, కొండా సురేఖ, సీతక్క

బతుకమ్మ… pic.twitter.com/aUfeYCvPml

— BIG TV Breaking News (@bigtvtelugu) September 21, 2025

ఊరువాడా మొదలైన బతుకమ్మ సంబరాలు

నిన్న ఎంగిలి పూల బతుకమ్మతో ఉత్సవాలు ప్రారంభం

తీరొక్క పూలతో బతుకమ్మలను అందంగా పేర్చి ఆడిపాడిన మహిళలు

వర్షాన్ని సైతం లెక్క చేయకుండా బతుకమ్మ ఆడిన మహిళలు pic.twitter.com/35oWa5k0sn

— BIG TV Breaking News (@bigtvtelugu) September 22, 2025

Share

• 
• 
• 
• 
• 
•