మానవత్వం చాటుకున్న భువనగిరి ఎంపీ.. కంటిచూపు కోల్పోయిన చిన్నారికి కొండంత అండ

MP Chamala: భువనగిరి పట్టణంలో వీధి కుక్కల దాడికి గురై తీవ్రంగా గాయపడి, దురదృష్టవశాత్తు కంటిచూపు కోల్పోయిన చిన్నారి ప్రియాంష్ ఉదంతంపై భువనగిరి పార్లమెంట్ సభ్యులు చామల కిరణ్ కుమార్ రెడ్డి గారు తీవ్ర దిగ్భ్రాంతి వ్యక్తం చేశారు. హైదరాబాద్‌లోని ఎల్.వి. ప్రసాద్ కంటి ఆసుపత్రిలో చికిత్స పొంది డిశ్చార్జ్ అయిన బాలుడిని భువనగిరి ఎంపీ స్వయంగా పరామర్శించారు. చిన్న వయసులో ఇలాంటి ప్రమాదం జరగడం అత్యంత బాధాకరమని పేర్కొంటూ.. బాధితుడి కుటుంబ సభ్యులకు తన ప్రగాఢ సానుభూతిని తెలియజేసి వారికి ధైర్యం చెప్పారు.

బాలుడికి అందిన వైద్యంపై ఎంపీ ప్రత్యేక దృష్టి సారించారు. కంటికి సంబంధించిన ప్రాథమిక చికిత్స పూర్తయిన నేపథ్యంలో.. ఎల్.వి. ప్రసాద్ ఆసుపత్రి వైద్యులతో స్వయంగా మాట్లాడి బాలుడి ప్రస్తుత ఆరోగ్య స్థితిగతులను , భవిష్యత్తులో అవసరమయ్యే చికిత్సల వివరాలను అడిగి తెలుసుకున్నారు. చిన్నారికి ఎటువంటి ఇబ్బంది కలగకుండా అత్యుత్తమ వైద్యం అందేలా చూడాలని వైద్య బృందానికి సూచించారు.

ఈ ఘటనపై తక్షణమే స్పందించిన ఎంపీ.. యాదాద్రి భువనగిరి జిల్లా కలెక్టర్ అనురాగ్ జయంతి గారితో, బీబీనగర్ ఎయిమ్స్ (AIIMS) ఉన్నతాధికారులతో ఫోన్ ద్వారా చర్చించారు. ప్రియాంష్‌కు భవిష్యత్తులో అవసరమైన అత్యాధునిక వైద్య సహాయాన్ని బీబీనగర్ ఎయిమ్స్ ద్వారా ఉచితంగా , మెరుగ్గా అందేలా చర్యలు తీసుకోవాలని కలెక్టర్‌ను కోరారు. ప్రభుత్వ యంత్రాంగం బాధితుడికి పూర్తి స్థాయిలో సహకరించాలని ఆయన ఆదేశించారు.

ఆడుకోవాల్సిన వయసులో కుక్కల దాడి కారణంగా కంటిచూపు కోల్పోవడం వర్ణనాతీతమైన వేదన అని ఎంపీ చామల కిరణ్ కుమార్ రెడ్డి ఆవేదన వ్యక్తం చేశారు. బాధితుడి కుటుంబానికి ప్రభుత్వం తరపున అన్ని విధాలా అండగా ఉంటామని, చిన్నారి కోలుకునే వరకు తన వంతు సహాయ సహకారాలు అందిస్తామని ఆయన భరోసా ఇచ్చారు. ఇలాంటి సంఘటనలు పునరావృతం కాకుండా అధికారులు తగిన జాగ్రత్తలు తీసుకోవాలని ఈ సందర్భంగా ఆయన సూచించారు.

Also Read: ప్రేమ కోసం ప్రాణాలు తీసుకున్న లవర్స్.. వారికి గుడి కట్టి పెళ్లి చేస్తున్న గ్రామస్తులు

వీధి కుక్కల దాడిలో కంటిచూపు కోల్పోయిన బాలుడికి అండగా ఎంపీ చామల

భువనగిరి పట్టణంలో వీధి కుక్కల దాడిలో తీవ్రంగా గాయపడి, దురదృష్టవశాత్తూ కంటిచూపు కోల్పోయిన చిన్నారి ప్రియాంష్

చిన్నారి పరిస్థితి తెలుసుకుని ఆవేదన వ్యక్తం చేసిన భువనగిరి ఎంపీ చామల కిరణ్ కుమార్ రెడ్డి

హైదరాబాద్‌లోని… pic.twitter.com/jaxcMW69oz

— BIG TV Breaking News (@bigtvtelugu) March 28, 2026

Share

• 
• 
• 
• 
• 
•