Telangana News: తెలంగాణ కాంగ్రెస్ నేత సునీల్ కుమార్ అరెస్ట్.. ఆయన్ని విచారిస్తున్న అధికారులు

Telangana News:  జీఎస్టీ పన్ను ఎగవేత కేసులో తెలంగాణ కాంగ్రెస్ నేత సునీల్ కుమార్ అరెస్టు అయ్యారు. దాదాపు రూ. 28 కోట్ల పన్ను ఎగవేసినట్టు తెలుస్తోంది. ప్రస్తుతం ఆయన కాంగ్రెస్ బాల్కొండ నియోజకవర్గ ఇన్చార్జ్ గా ఉన్నారు. అంతేకాదు ఆరెంజ్ ట్రావెల్స్ కంపెనీ ఎండిగా ఉన్నట్లు తెలుస్తోంది. ప్రస్తుతం సునీల్ కుమార్‌ను విచారిస్తున్నారు జీఎస్టీ ఇంటలిజెన్స్ అధికారులు.

తెలంగాణ కాంగ్రెస్ నేత సునీల్ కుమార్ అరెస్ట్

ఇయర్ ముగింపు రావడంతో పన్ను ఎగవేత దారులపై జీఎస్టీ అధికారులు దృష్టి సారించారు. ఈ క్రమంలో పన్ను ఎగవేస్తున్నవారికి నోటీసులు ఇస్తున్నారు. నోటీసులకు స్పందించని వారిని అదుపులోకి తీసుకుంటున్నారు. తాజాగా తెలంగాణ కాంగ్రెస్ నేత, బాల్కొండ నియోజకవర్గం ఇన్ ఛార్జ్ సునీల్ కుమార్‌ని అరెస్టు చేశారు జీఎస్టీ ఇంటెలిజెన్స్ అధికారులు.

ఆరెంజ్ ట్రావెల్ ఓనరైన సునీల్‌కుమార్, దాదాపు రూ. 28 కోట్ల పైచిలుకు పన్ను ఎగవేసినట్టు ఆయనపై ఆరోపణలు ఉన్నాయి. దీనిపై అధికారులు నోటీసులు ఇచ్చినా ఆయన స్పందించలేదని సమాచారం. చివరకు బుధవారం ఉదయం ఆయన్ని అదుపులోకి తీసుకున్నారట.  ప్రస్తుం జీఎస్టీ ఇంటెలిజెన్స్ విభాగం ఆయన్ని విచారణ చేస్తోంది. 

జీఎస్టీ పన్ను ఎగవేత.. ఆయన్ని విచారిస్తున్న అధికారులు

గత ఎన్నికల్లో కాంగ్రెస్ తరపున పోటీ చేసి ఓడిపోయారు సునీల్‌కుమార్. బీఆర్ఎస్ అభ్యర్థి వేముల ప్రశాంత్‌రెడ్డి ఆయన్ని ఓడించారు. అయితే రాష్ట్రంలో జరుగుతున్న రాజకీయాలను గమనించిన ఆయన మూడేళ్లు కిందట బీజేపీలోకి చేరాలని భావించారు. ఎందుకోగానీ అక్కడి ఎంపీ అడ్డుకున్నట్లు అప్పట్లో వార్తలు వచ్చాయి. బహుశా వ్యాపారం నిమిత్తం కమలం తీర్థం పుచ్చుకోవాలని భావించారట ఆయన.

దీన్ని ముందుగానే పసిగట్టిన సదరు ఎంపీ అడుగడుగునా అడ్డుపుల్ల వేసినట్టు పొలిటికల్ సర్కిల్స్ ప్రచారం సాగుతోంది. ఇప్పుడు ఏకంగా జీఎస్టీ అధికారులు ఆయన్ని అరెస్టు చేశారు.  సునీల్‌ కుమార్ అరెస్టుతో కొందరు నేతల్లో గుబులు మొదలైంది. రాజకీయాల్లో ఉంటూ వ్యాపారాలు చేస్తున్న పలువురు నేతల్లో టెన్షన్ మొదలైంది. పన్ను ఎగవేస్తే తమను అరెస్టు చేస్తారేమోనన్న భయం వాటిని వెంటాడుతోంది.

ALSO READ: కవిత రాజీనామాను ఆమోదించిన మండలి ఛైర్మన్ గుత్తా

సునీల్ కుమార్‌ను నాంపల్లి కోర్టులో హాజరుపరిచిన జీఎస్టీ అధికారులు

రూ.28 కోట్ల జీఎస్టీ ఎగవేత కేసులో కాంగ్రెస్ నాయకుడు, ఆరెంజ్ ట్రావెల్స్ ఎండీ సునీల్ కుమార్ అరెస్ట్ https://t.co/80GnHcZu6A pic.twitter.com/aSb7QeNg5s

— BIG TV Breaking News (@bigtvtelugu) January 7, 2026

Share

• 
• 
• 
• 
• 
•