Balmuri Venkat: కాంగ్రెస్ ఎమ్మెల్సీ బల్మూరి వెంకట్ ప్రయాణిస్తున్న కారుకు తృటిలో పెను ప్రమాదం తప్పింది. తిరుపతి పర్యటన ముగించుకుని కుటుంబ సభ్యులతో కలిసి హైదరాబాద్ తిరిగి వస్తుండగా ఈ ఘటన చోటుచేసుకుంది. రంగారెడ్డి జిల్లా కొత్తూరు మండల పరిధిలోని జాతీయ రహదారిపై దర్గా చౌరస్తా వద్దకు రాగానే ఆయన ప్రయాణిస్తున్న కారు అదుపుతప్పి ముందు వెళ్తున్న లారీని బలంగా ఢీకొట్టింది. ఈ ప్రమాద ధాటికి కారు ముందు భాగం పూర్తిగా నుజ్జునుజ్జయింది.
ప్రమాద సమయంలో కారులో బల్మూరి వెంకట్ దంపతులతో పాటు ఆయన సోదరుడు చాణక్య, డ్రైవర్ శ్రీకాంత్ ఉన్నారు. అయితే ఎయిర్ బెలూన్లు సమయానికి తెరుచుకోవడంతో బల్మూరి వెంకట్ దంపతులకు ఎలాంటి గాయాలు కాలేదు, వారు పూర్తి క్షేమంగా బయటపడ్డారు. డ్రైవర్ శ్రీకాంత్, సోదరుడు చాణక్యకు మాత్రం స్వల్ప గాయాలయ్యాయి. సమాచారం అందుకున్న స్థానికులు, పోలీసులు వెంటనే ఘటనా స్థలానికి చేరుకుని క్షతగాత్రులను చికిత్స నిమిత్తం ఆసుపత్రికి తరలించారు. అనంతరం దెబ్బతిన్న వాహనాన్ని పక్కకు తొలగించి హైవేపై ట్రాఫిక్ను క్లియర్ చేశారు.
ఎమ్మెల్సీ బల్మూరి వెంకట్ కారుకు ప్రమాదం
కాంగ్రెస్ ఎమ్మెల్సీ బల్మూరి వెంకట్ ప్రయాణిస్తున్న కారుకు ప్రమాదం జరిగింది. తిరుపతి నుంచి హైదరాబాద్ వస్తుండగా రంగారెడ్డి జిల్లా కొత్తూరు మండలం జాతీయ రహదారిపై దర్గా చౌరస్తా వద్ద ఆయన కారు లారీని ఢీకొట్టింది. ఈ ఘటనలో కారు ధ్వంసం కాగా, డ్రైవర్… pic.twitter.com/TCNxw6ve14
— BIG TV Breaking News (@bigtvtelugu) November 18, 2026
Also Read: మైక్రోసాఫ్ట్ నుంచి బ్యాంకుల వరకు.. అమెరికాలో అసలేం జరుగుతోంది?