RTC Bus: మద్యం మత్తులో మనుషులు ఎన్నో విచిత్రమైన పనులు చేస్తూ ఉంటారు. మామూలుగా మద్యం మత్తులో బైకో, కారో దొంగిలించడం చూసుంటాం.. కానీ ఒక వ్యక్తి ఏకంగా ఆర్టీసీ బస్సునే లేపేశాడు. తాగాడనే స్పృహ కూడా లేకుండా దాన్ని రోడ్డెక్కించి, కిలోమీటర్ల మేర నడిపి, చివరికి టోల్గేట్ దగ్గర అడ్డంగా బుక్కైపోయాడు. జనగామ జిల్లాలో జరిగిన ఈ వింత చోరీ అధికారుల సైతం షాక్కి గురి చేసింది.
బస్టాండ్లో బస్సు మాయం!
జనగామ డిపోకు చెందిన ఒక అద్దె బస్సు (హైర్ బస్సు) సర్వీస్ ముగించుకుని రాత్రి సమయంలో జనగామ బస్టాండ్లో పార్క్ చేసి ఉంది. అదే సమయంలో పాలకుర్తి మండలానికి చెందిన వెంకన్న అనే వ్యక్తి పూర్తి మద్యం మత్తులో అక్కడికి వచ్చాడు. బస్టాండ్లో ఖాళీగా ఉన్న ఆ బస్సును చూసి, ఎలాగైనా దాన్ని నడపాలనే పిచ్చి ఆలోచన వచ్చిందేమో.. డ్రైవర్, కండక్టర్ అక్కడ లేకపోవడాన్ని గమనించి.. సీట్లోకి ఎక్కి కూర్చున్నాడు. మత్తులో ఉన్నప్పటికీ ఎలాగోలా బస్సును స్టార్ట్ చేసి, బస్టాండ్ నుంచి రోడ్డుపైకి తెచ్చాడు.
21 కిలోమీటర్ల హైస్పీడ్ రైడ్
బస్సు చేతికి దొరకడమే ఆలస్యం.. వెంకన్న సూర్యాపేట హైవే వైపు బండిని పోనిచ్చాడు. రాత్రి వేళ, పైగా ఫుల్లుగా తాగి ఉండటంతో బస్సును ఇష్టమొచ్చినట్టు వేగంగా నడిపాడు. అలా దాదాపు 21 కిలోమీటర్ల మేర రోడ్డుపై వెళ్తున్న వాహనదారులను భయభ్రాంతులకు గురిచేస్తూ బస్సును ముందుకు తీసుకెళ్లాడు. బస్సు మాయమైన విషయం గమనించిన ఆర్టీసీ సిబ్బంది అప్పటికే పోలీసులకు సమాచారం అందించారు.
టోల్గేట్ వద్ద క్లైమాక్స్
ఈ ప్రమాదకరమైన ప్రయాణానికి సింగరాజుపల్లి టోల్ గేట్ వద్ద బ్రేక్ పడింది. టోల్ ప్లాజా వద్దకు రాగానే మద్యం మత్తులో ఉన్న వెంకన్నకు బస్సుపై నియంత్రణ తప్పింది. బస్సు వేగంగా వెళ్లి టోల్గేట్ వద్ద ఉన్న సిమెంట్ దిమ్మెను (డివైడర్) బలంగా ఢీకొట్టింది. ఆ దెబ్బకు బస్సు ముందు భాగం పూర్తిగా దెబ్బతిని అక్కడికక్కడే ఆగిపోయింది. లక్కీగా ఈ ప్రమాదంలో టోల్ సిబ్బందికి గానీ, నిందితుడికి గానీ ఎలాంటి పెద్ద గాయాలు కాలేదు.
సమాచారం అందుకున్న పోలీసులు వెంటనే ఘటనా స్థలానికి చేరుకుని వెంకన్నను అదుపులోకి తీసుకున్నారు. కేసు నమోదు చేసి, విచారణ జరుపుతున్నారు. మత్తు దిగాక తానేం చేశాడో తెలిసి సదరు కిలాడీ దొంగ లబోదిబోమంటున్నాడు.
మద్యం మత్తులో RTC బస్సును ఎత్తుకెళ్లాడు
TG: జనగామ బస్టాండ్లో నిలిపి ఉన్న ఆర్టీసీ అద్దె బస్సును ఓ వ్యక్తి మద్యం మత్తులో దొంగిలించి తీసుకెళ్లాడు. పాలకుర్తికి చెందిన వెంకన్న, బస్సును స్టార్ట్ చేసి సూర్యాపేట వైపు సుమారు 21 కిలోమీటర్లు ప్రయాణించాడు. సింగరాజుపల్లి టోల్ గేట్ వద్ద… pic.twitter.com/9H2URxfgCf
— ChotaNews App (@ChotaNewsApp) July 10, 2026
Share
స్టెల్త్ ఎడిషన్ లో కొత్త హారియర్, సఫారీ.. లుక్ చూస్తేనే ఫిదా అవుతారు!
ఆషాఢ మాసం వచ్చేసింది.. కొత్త దంపతుల ఎడబాటు కష్టాలు, దాని వెనుక సీక్రెట్ అదే
