Food Safety Officials Attack on Vivaha Bhojanambu : సినిమాల్లో నటిస్తూ.. సక్సెస్ కోసం ప్రయత్నాలు చేస్తున్న సందీప్ కిషన్ కు రెస్టారెంట్ బిజినెస్ ఉందన్న విషయం తెలిసిందే. హీరో సందీప్‌కిషన్‌కు చెందిన “వివాహభోజనంబు” హోటల్‌ పై ఫుడ్ సేఫ్టీ అధికారులు రెయిడ్ చేశారు. అక్కడ గలీజ్ వాతావరణం ఉందని నోట్ చేసుకున్నారు. ఈ దాడుల్లో.. హాటల్ లో కాలం చెల్లిన సరుకులు, సింథటిక్ ఫుడ్ కలర్స్, సరిగ్గా లేబుల్ చేయని ఆహార పదార్థాలు వాడుతున్నట్టు గుర్తించారు. కనీసం.. డస్ట్‌బిన్‌లపై మూతలు కూడా లేవన్నారు ఫుడ్‌సేఫ్టీ అధికారులు.

వంటగదిలో మురికి నీరు నిలిచిపోయిందని,పెస్ట్ కంట్రోల్ రికార్డులు లేవని స్పష్టం చేశారు. 2022 వరకే వాడేందుకు ప్యాక్ చేసి ఉన్న 25 కేజీల చిట్టిముత్యాలు బియ్యం బ్యాగ్ తో పాటు అరకేజీ కొబ్బరి పొడిని స్వాధీనం చేసుకున్నారు. ఆహార తయారీలో నాణ్యతా ప్రమాణాలను పాటించడం లేదని గుర్తించారు. ఫ్రిడ్జ్ లో నిల్వ చేసిన ఆహార పదార్థాలను సీజ్ చేశారు. వండిన ఆహారాలను ఫ్రిడ్జ్ లో నిల్వ చేసి.. మళ్లీ వాటినే వేడి చేసి పెడుతున్నట్లు గుర్తించారు. అంతేకాదు.. వంట చేసేందుకు వాడే నీరు కూడా మురికిగా ఉన్నట్లు తెలిపారు.

కిచెన్ లో ఆహారాలను తయారు చేసే వాళ్ల మెడికల్ రిపోర్టులు కూడా లేవని తెలిపారు. వంటకు ఉపయోగించిన సామాన్లను శుభ్రం చేయగా.. ఆ నీరు కూడా అక్కడే నిల్వ ఉన్నట్లు గుర్తించారు. ఈ వివరాలన్నింటినీ ఫుడ్ సేఫ్టీ అధికారులు X లో పోస్ట్ చేశారు. ఇటీవలే హైదరాబాద్ వ్యాప్తంగా ఫుడ్ సేఫ్టీ అధికారులు రెస్టారెంట్లపై దాడులు నిర్వహించారు. నాసిరకం పదార్థాలతో ఆహారం తయారు చేయడం, కుళ్లిన ఆహారాన్ని అలాగే ఉంచడం, వంటి ఘటనలు వెలుగుచూశాయి. అవన్నీ చూసిన ఆహారప్రియులు.. రెస్టారెంట్లలో తినాలంటేనే జంకుతున్నారు.

𝗩𝗶𝘃𝗮𝗵𝗮 𝗕𝗵𝗼𝗷𝗮𝗻𝗮𝗺𝗯𝘂, 𝗦𝗲𝗰𝘂𝗻𝗱𝗲𝗿𝗮𝗯𝗮𝗱
08.07.2024

* FSSAI license true copy was displayed at the premises.

* Chittimutyalu Rice (25kg) was found with Best Before date as 2022 and 500gms of Coconut Grates found with synthetic food colours. Stock has been… pic.twitter.com/yY5yWkknk1

— Commissioner of Food Safety, Telangana (@cfs_telangana) July 10, 2024

Share

• 
• 
• 
• 
• 
•