Telangana rainfall update(TS news updates) : తెలంగాణను మరోసారి వానలు ముంచెత్తనున్నాయి. ఆగస్టు 1 భారీ వర్షాలు పడతాయని హైదరాబాద్‌ వాతావరణ కేంద్రం ప్రకటించింది. ఆదిలాబాద్‌, నిర్మల్‌, కుమురంభీం ఆసిఫాబాద్‌, మంచిర్యాల, మహబూబాబాద్‌, భూపాలపల్లి, ములుగు, భద్రాద్రి కొత్తగూడెం జిల్లాల్లో భారీగా వర్షాలు పడే అవకాశం ఉందని పేర్కొంది. ఈ నేపథ్యంలో వాతావరణశాఖ ఎల్లో అలెర్ట్ జారీ చేసింది.
సోమవారం తేలికపాటి నుంచి ఓ మోస్తరు వానలు కురుస్తాయని వాతావరణ కేంద్ర ప్రకటించింది. ఆదివారం సంగారెడ్డి జిల్లా జన్నారంలో 40.3 మిల్లీ మీటర్లు, మేడ్చల్‌ లో 37.5 మిల్లీ మీటర్లు, మెదక్‌ జిల్లా కాగజ్‌ మద్దూర్ లో 35 మిల్లీ మీటర్ల, యాదాద్రి జిల్లా బీబీనగర్ లో 27.5 మిల్లీ మీటర్లు, నిర్మల్‌ జిల్లా విశ్వనాథ్‌పూర్ లో 27 మిల్లీ మీటర్లు, సంగారెడ్డి జిల్లా లక్ష్మిసాగర్ లో 26.8 మిల్లీ మీటర్లు, మేడ్చల్‌ జిల్లా కేశవరంలో 26 మిల్లీ మీటర్లు, ఆలియాబాద్‌ లో 25 మిల్లీ మీటర్ల వర్షపాతం నమోదైంది.
వికారాబాద్‌, సంగారెడ్డి, ఆదిలాబాద్‌, మంచిర్యాల, జగిత్యాల, నిజామాబాద్‌, పెద్దపల్లి, కరీంనగర్‌, జనగామ, మహబూబాబాద్‌, ఖమ్మం, సూర్యాపేట జిల్లాలతోపాటు, జీహెచ్‌ఎంసీ పరిధిలో వానలు పడ్డాయి.
గతేడాదితో పోలిస్తే ప్రస్తుత సీజన్‌లో వర్షాలు 19 శాతం తక్కువగా ఉన్నాయని వాతావరణ కేంద్రం వెల్లడించింది. గత ఏడాది జూన్‌ నుంచి జులై 30 మధ్య 687.1 మిల్లీ మీటర్ల వర్షపాతం నమోదైందని వివరించింది. ఈ ఏడాది వర్షాకాల సీజన్ లో ఇప్పటి వరకు 559.1 మిల్లీమీటర్ల వర్షపాతం నమోదైందని తెలిపింది.
Share
Firing in Mumbai train: జైపూర్-ముంబై ఎక్స్ ప్రెస్ లో కాల్పులు.. నలుగురు మృతి..
Vizag : వృద్ధురాలి దారుణ హత్య.. వాలంటీరే నిందితుడు..
