Hyderabad job mela October 2026: నిరుద్యోగ యువతకు అదిరిపోయే గుడ్ న్యూస్! అక్టోబర్ 10న మాసబ్ ట్యాంక్‌లో భారీ నాన్-ఐటీ జాబ్ మేళా నిర్వహించనున్నారు. సుమారు 50కి పైగా ప్రముఖ కంపెనీలు పాల్గొంటున్న ఈ డ్రైవ్‌లో ఫ్రెషర్స్ , అనుభవం ఉన్న అభ్యర్థులు నేరుగా పాల్గొనొచ్చు. ఇంటర్వ్యూ అయిన వెంటనే ఎంపికైన వారికి స్పాట్‌లోనే ఆఫర్ లెటర్స్ అందజేయనున్నాయి కంపెనీలు. ప్రస్తుతం మంచి ఉద్యోగం కోసం చూస్తున్న వారికి ఈ వేదిక సువర్ణావకాశం అందించనుంది. ఈ జాబ్ మేళాకు సంబంధించిన పూర్తి వివరాలు..
ఈ జాబ్ మేళా మాసబ్ ట్యాంక్ (బంజారాహిల్స్ రోడ్)దగ్గర్లో ఉన్న ఖాజా మెన్షన్ ఫంక్షన్ హాల్‌లో జరగనుంది. అక్టోబర్ 10న ఉదయం 8 గంటల నుంచి మధ్యాహ్నం 1 గంట వరకు ఇంటర్వ్యూలు కొనసాగుతాయి. కేవలం హైదరాబాద్‌ వారే కాకుండా ఇతర జిల్లాల నుంచి, వేరే రాష్ట్రాల నుంచి కూడా అభ్యర్థులు ఈ డ్రైవ్‌కు హాజరుకావచ్చని నిర్వాహకులు తెలిపారు.
ఈ జాబ్ మేళాలో సుమారు 50 ప్రముఖ కంపెనీలు పాల్గొంటున్నాయి. నాన్-ఐటీ రంగానికి చెందిన వివిధ విభాగాలలో ఖాళీల భర్తీ కోసం కంపెనీలు ఇంటర్వ్యూలు నిర్వహిస్తాయి. అర్హులైన అభ్యర్థులకు అక్కడికక్కడే ఆఫర్ లెటర్స్ అందించడం ఈ మేళా ప్రత్యేకత.
ఇంటర్, ఏదైనా డిగ్రీ లేదా పీజీ పూర్తి చేసిన వారు ఎవరైనా ఈ జాబ్ మేళాకు అర్హులే. గతంలో ఏ సంవత్సరంలో ..పాసైనా సరే, ఫ్రెషర్లతో పాటు అనుభవం ఉన్న అభ్యర్థులు కూడా ఎలాంటి ముందస్తు రిజిస్ట్రేషన్ లేకుండా నేరుగా హాజరు కావచ్చు.
ఇంటర్వ్యూలకు హాజరయ్యే అభ్యర్థులు తగినన్ని కాపీల రెజ్యూమ్‌లను (కనీసం 10 CV కాపీలు) తమ వెంట తెచ్చుకోవాలని
సూచించారు. మరింత సమాచారం కోసం 8374315052 నంబర్‌ను సంప్రదించవచ్చు.
Share
పిడుగురాళ్లలో దారుణం.. పోలీస్ స్టేషన్ ముందే మహిళను నరికి చంపిన సైకో!
చేపలు లేవు.. అయినా ఈ రెసిపీ పేరు బొమ్మిడాల చారు.. రాయలసీమ సీక్రెట్ రెసిపీ ఇదే!
