Kishan Reddy: హైదరాబాద్ నగరం కేవలం తెలంగాణ రాష్ట్ర రాజధానిగా మాత్రమే కాక, దేశ భవిష్యత్తుకు మార్గం చూపించే ఫ్యూచర్ సిటీగా రూపాంతరం చెందుతోందని కేంద్ర మంత్రి కిషన్రెడ్డి అన్నారు. తెలంగాణ రైజింగ్ గ్లోబల్ సమ్మిట్ లో హైదరాబాద్ సాధిస్తున్న పురోగతిని, దాని ప్రాముఖ్యతను వివరించారు. ఈ నగరం దేశంలోనే అత్యంత వేగంగా అభివృద్ధి చెందుతున్న మెట్రోపాలిటన్ కేంద్రాలలో ఒకటిగా నిలుస్తోందని ఆయన పేర్కొన్నారు.
హైదరాబాద్ ఐటీ, ఫార్మా, ఏరోస్పేస్ రంగాల్లో ప్రపంచ స్థాయి కేంద్రంగా విస్తరిస్తోందని అన్నారు ఇక్కడ స్థిరపడుతున్న అగ్రశ్రేణి అంతర్జాతీయ సంస్థలు, పరిశోధనా కేంద్రాలు నగరానికి కొత్త గుర్తింపును తీసుకొచ్చాయని తెలిపారు. యువతకు ఉపాధి కల్పించడంలో నూతన ఆవిష్కరణలను ప్రోత్సహించడంలో ఈ నగరం కీలకపాత్ర పోషిస్తోందని చెప్పారు. తద్వారా ఇది కేవలం ఒక ప్రాంతీయ కేంద్రం కాకుండా జాతీయ అభివృద్ధిలో ఒక శక్తిగా మారుతోందని ఆయన అభిప్రాయపడ్డారు.
నగరంలో మౌలిక వసతుల కల్పన, మెరుగైన రవాణా సౌకర్యాల అభివృద్ధికి కేంద్ర ప్రభుత్వం కూడా తోడ్పాటు అందిస్తోందని అన్నారు. జాతీయ ప్రాజెక్టుల ద్వారా నగరాభివృద్ధికి నిధులు కేటాయిస్తున్నామని మంత్రి వివరించారు. కాలుష్యం, ట్రాఫిక్ సమస్యలు వంటి సవాళ్లు ఉన్నప్పటికీ.. సుస్థిరమైన ప్రణాళికలతో ఈ నగరాన్ని లివింగ్ సిటీగా, పౌరులు మెరుగైన జీవన ప్రమాణాలు కలిగిన నగరంగా తీర్చిదిద్దేందుకు కృషి జరగాల్సిన అవసరం ఉందని ఆయన సూచించారు.
బహుళ సాంస్కృతిక సమ్మేళనం, చారిత్రక వారసత్వం హైదరాబాద్ ప్రత్యేకత. ప్రపంచంలోని వివిధ ప్రాంతాల నుండి ఇక్కడికి తరలివస్తున్న నిపుణులతో, పెట్టుబడులతో నగరం ఆర్థిక కార్యకలాపాలను పెంచుకుంటోందని కిషన్రెడ్డి ప్రశంసించారు. తెలంగాణ రాష్ట్రాన్ని దేశ ఆర్థిక వ్యవస్థను ముందుకు నడిపించడంలో హైదరాబాద్ నగరం అత్యంత ముఖ్యమైన పాత్ర పోషించగలదని.. దీనిని దృష్టిలో ఉంచుకుని అన్ని వర్గాలు మరింత చొరవతో పనిచేయాలని ఆయన పిలుపునిచ్చారు. హైదరాబాద్ విజయం భారతదేశ విజయం అవుతుందని.. ఈ నగరాన్ని భవిష్యత్తు నగరంగా తీర్చిదిద్దడానికి ప్రతి ఒక్కరూ భాగస్వామ్యం కావాలని కిషన్రెడ్డి కోరారు.
ALSO READ: CM Revanth Reddy: తెలంగాణ అభివృద్ధిలో దూసుకెళ్తోంది.. గ్లోబల్ సమ్మిట్లో సీఎం కీలక వ్యాఖ్యలు
Share
Rashmika: ఆ దివంగత నటి బయోపిక్ లో నేషనల్ క్రష్.. రష్మిక రిస్క్ చేస్తుందా?
Cyber scam: 32 మంది డాక్టర్లను బురిడీ కొట్టించిన సైబర్ కేటుగాళ్లు
