మావోయిస్ట్ పార్టీకి బిగ్ షాక్.. 36 ఆయుధాలు, 800 గ్రాముల బంగారంతో 42 మంది లొంగుబాటు

తెలంగాణ మావోయిస్టు ఉద్యమ చరిత్రలో ఒక కీలక పరిణామం చోటుచేసుకుంది. ఛత్తీస్‌గఢ్ దండకారణ్యంలో అత్యంత శక్తివంతమైన విభాగంగా పేరున్న పీపుల్స్ లిబరేషన్ గెరిల్లా ఆర్మీ (PLGA) మొదటి బెటాలియన్ దాదాపుగా తుడిచిపెట్టుకుపోయింది. ఈ బెటాలియన్ డిప్యూటీ కమాండర్ సోది కేశాలు అలియాస్ మల్లా అలియాస్ నిఖిల్ తన అనుచరులతో కలిసి తెలంగాణ పోలీసుల ముందు లొంగిపోయారు. కేశాలుతో పాటు మరో 42 మంది మావోయిస్టులు జనజీవన స్రవంతిలో కలిశారు. గతంలో ఈ బెటాలియన్‌కు సారథ్యం వహించిన హిడ్మా దండకారణ్య స్పెషల్ జోన్ కమిటీకి పదోన్నతిపై వెళ్లిన తర్వాత బాధ్యతలు బడ్సే దేవాకు దక్కాయి. కొద్దిరోజుల క్రితమే దేవా పోలీసులకు లొంగిపోవడంతో బెటాలియన్ పగ్గాలు కేశాలు చేతికి వచ్చాయి.

మావోయిస్టు పార్టీకి వెన్నుముక లాంటి పీపుల్స్ ప్రిపరేషన్ కెరీర్ ఆర్మీ ఉనికి కనుమరుగైందని డీజీపీ శివధర్ రెడ్డి అధికారికంగా ప్రకటించారు. సరిహద్దుల్లోని కర్రెగుట్టల మీదుగా ములుగు భూపాలపల్లి జిల్లాల ద్వారా ఈ బృందం తెలంగాణలోకి ప్రవేశించింది. సమాచారం అందుకున్న పోలీసులు వారిని ప్రత్యేక వాహనాల్లో హైదరాబాద్‌కు తరలించారు. లొంగిపోయిన వారిలో కీలక నేతలతో పాటు దళ సభ్యులు ఉన్నారు. ఈ పరిణామం మావోయిస్టు పార్టీకి కోలుకోలేని దెబ్బగా భద్రతా దళాలు భావిస్తున్నాయి. అగ్రనేతల నిష్క్రమణ క్షేత్రస్థాయి క్యాడర్ నైతిక స్థైర్యాన్ని దెబ్బతీసినట్లు స్పష్టమవుతోంది.

పోలీసుల ఎదుట లొంగిపోయిన మావోయిస్టులు భారీగా ఆయుధాలను అప్పగించారు. వీటిలో 5 ఏకే-47 తుపాకులు 4 ఎస్ఎల్ఆర్ ఆయుధాలు ఉన్నాయి. మొత్తం 36 రకాల తుపాకులతో పాటు 1007 తూటాలను పోలీసులు స్వాధీనం చేసుకున్నారు. వీటితో పాటు 800 గ్రాముల బంగారాన్ని కూడా పార్టీ నుంచి తీసుకొచ్చి పోలీసులకు అప్పగించారు. మావోయిస్టుల అమ్ములపొదిలో అత్యంత కీలకమైన ఆయుధాలు ఇప్పుడు ప్రభుత్వం వశమయ్యాయి. పార్టీ సిద్ధాంతాల పట్ల ఆకర్షితులై వెళ్లిన వారు ఇప్పుడు అభివృద్ధి పథకాల వైపు మొగ్గు చూపుతున్నారు.

ఛత్తీస్‌గఢ్ తెలంగాణ సరిహద్దుల్లో మావోయిస్టుల కదలికలపై నిఘా పెంచిన పోలీసులు ఈ భారీ లొంగుబాటును విజయవంతంగా పూర్తి చేశారు. హిడ్మా వంటి వ్యూహకర్తలు పార్టీ అంతర్గత కమిటీలకు పరిమితం కావడం క్షేత్రస్థాయిలో నాయకత్వ లోపం స్పష్టంగా కనిపిస్తోంది. బడ్సే దేవా బాటలోనే కేశాలు కూడా లొంగిపోవడంతో బెటాలియన్ వ్యవస్థ కుప్పకూలింది. ప్రభుత్వ పునరావాస పథకాలకు ఆకర్షితులై లొంగిపోయినట్లు మావోయిస్టులు వెల్లడించారు. హింసను వీడి శాంతియుత మార్గంలోకి రావాలని కోరుకునే వారికి ప్రభుత్వం పూర్తి సహకారం అందిస్తుందని డీజీపీ భరోసా ఇచ్చారు.

ఈ భారీ లొంగుబాటుతో దండకారణ్యంలో మావోయిస్టుల పట్టు సడలిపోయింది. ఆయుధ పోరాటం ద్వారా మార్పు సాధ్యం కాదని గుర్తించిన వారు స్వచ్ఛందంగా బయటకు వస్తున్నారు. ఒకప్పుడు గెరిల్లా యుద్ధతంత్రంతో దడ పుట్టించిన PLGA బెటాలియన్ ఇప్పుడు నామమాత్రంగా మిగిలిపోయింది. ప్రభుత్వం కల్పిస్తున్న జీవనోపాధి అవకాశాలను అందిపుచ్చుకుని సాధారణ పౌరులుగా జీవించేందుకు వీరు సిద్ధమయ్యారు. రాబోయే రోజుల్లో మరిన్ని లొంగుబాట్లు ఉండే అవకాశం ఉందని నిఘా వర్గాలు అంచనా వేస్తున్నాయి.

ALSO READ: Assembly Elections 2026: రికార్డు స్థాయిలో అసెంబ్లీ ఎన్నికల పోలింగ్.. కేరళం, అసోం, పుదుచ్చేరి ఎంతంటే..