KGBV Staff: దసరా సెలవులు ముగిశాయా? లేక కేజీబీవీలో ఇంకా సెలవులే కొనసాగుతున్నాయా? అన్న సందేహాలు రామచంద్రాపురం మండలం ఉస్మాన్‌నగర్ కస్తూర్బా గాంధీ బాలిక విద్యాలయం పరిస్థితిని చూస్తే కలుగుతున్నాయి. సెలవుల అనంతరం పాఠశాలలు పునఃప్రారంభం కావాల్సి ఉండగా వంట సిబ్బంది కొరత విద్యార్థినులకు సమస్యగా మారింది. పాఠశాలలో భోజన వసతుల నిర్వహణలో ఇబ్బందులు తలెత్తడంతో విద్యార్థినులు చదువులకు దూరమవుతున్నారనే విమర్శలు వ్యక్తమవుతున్నాయి. బడికి వెళ్లి చదువుకోవాల్సిన బాలికలు నిర్వహణ సమస్యల కారణంగా ఇబ్బందులు ఎదుర్కోవడం ఆందోళన కలిగిస్తోంది.
పాఠశాలలో వంట సిబ్బంది కొరత ఉంటే ప్రత్యామ్నాయ ఏర్పాట్లు చేయాల్సిన బాధ్యత అధికారులదే. విద్యార్థినులకు భోజన వసతి కల్పించలేని పరిస్థితి ఎందుకు ఏర్పడింది? ముందుగానే సిబ్బందిని సమకూర్చే చర్యలు ఎందుకు తీసుకోలేదు? చిన్న సమస్యను సకాలంలో పరిష్కరించకపోవడంతో బాలికల చదువులకు ఆటంకం కలగడం ఎంతవరకు సమంజసం? అన్న ప్రశ్నలు తలెత్తుతున్నాయి.
కేజీబీవీల నిర్వహణపై నిరంతరం పర్యవేక్షించాల్సిన విద్యాశాఖ అధికారుల బాధ్యత ఏమిటి? పాఠశాలలో సిబ్బంది కొరత ఉందనే విషయం ఉన్నతాధికారులకు ముందుగా తెలియదా? విద్యార్థినులకు భోజన వసతి కల్పించలేని పరిస్థితి ఎందుకు ఏర్పడింది? సమస్య పరిష్కారానికి ప్రత్యామ్నాయ చర్యలు ఎందుకు చేపట్టలేదు? స్పెషల్ ఆఫీసర్ స్థాయి నుంచి జిల్లా విద్యాశాఖ అధికారుల వరకు బాధ్యతాయుతంగా వ్యవహరించాల్సిన అవసరం ఉందని తల్లిదండ్రులు కోరుతున్నారు.
కేజీబీవీలు పేద కుటుంబాల బాలికల భవిష్యత్తుకు భరోసా కల్పించే విద్యాసంస్థలు. అలాంటి చోట కనీస భోజన సదుపాయాల నిర్వహణలో సమస్యలు తలెత్తడం ఆందోళనకరం. పాఠశాలకు దూరమయ్యే ప్రతి రోజు విద్యార్థినుల చదువుపై ప్రభావం చూపే అవకాశం ఉంది. జిల్లా కలెక్టర్, డీఈఓ తక్షణమే స్పందించి పాఠశాల పరిస్థితులపై విచారణ చేపట్టాలని, వంట సిబ్బంది కొరతను పరిష్కరించి విద్యార్థినుల చదువులు నిరంతరాయంగా సాగేలా చర్యలు తీసుకోవాలని తల్లిదండ్రులు కోరుతున్నారు.
ఈ సమస్యను ఇప్పటికే సంబంధిత అధికారుల దృష్టికి తీసుకెళ్లామని, సమస్య పరిష్కారానికి అవసరమైన చర్యలు చేపట్టాలని అధికారులను కోరినట్లు ప్రిన్సిపాల్ కవిత పేర్కొన్నారు.
Also Read: హైదరాబాద్‌లో అంగరంగ వైభవంగా ‘ఏక్ భారత్.. శ్రేష్ఠ భారత్’ వేడుకలు!
Share
హైదరాబాద్‌లో అంగరంగ వైభవంగా 'ఏక్ భారత్.. శ్రేష్ఠ భారత్' వేడుకలు!
రూ.40 కోట్ల టార్గెట్.. కల్ట్ ఇప్పటివరకు కొట్టిందెంత?
