Ponguleti Srinivas Reddy : పొంగులేటికి షాక్.. ముఖ్య అనుచరుడు జంప్? ఇంకా ఉన్నారా?

Ponguleti Srinivas Reddy : పొంగులేటి శ్రీనివాసరెడ్డి ముఖ్య అనుచరుడు, భద్రాచలం నియోజక వర్గంలో ఆయనకు నమకస్తుడిగా ఉన్న డాక్టర్ తెల్లం వెంకట్రావు పార్టీ మార‌బోతున్నారు. తాను కాంగ్రెస్‌ను వీడి సొంత గూడైన బీఆర్‌ఎస్‌లో చేరబోతున్నట్టు ఆయన ప్రకటించారు. ఇటీవల కాంగ్రెస్ పార్టీలో పొంగులేటితో పాటు రాహుల్ సమక్షంలో కాంగ్రెస్ తీర్థం పుచ్చుకున్నారు. 2014 నుంచి పొంగులేటి శ్రీనివాసరెడ్డి దిశా నిర్దేశంలో నడిచిన ఆయన షాక్ ఇచ్చి బీఆర్ఎస్ పార్టీలో చేరనున్నారు.

2018లో బీఆర్ఎస్ నుంచి భద్రాచలం ఎమ్మెల్యేగా తెల్లం వెంకటరావు పోటీ చేశారు. ఆనాడు తెల్లంకు సీట్ దక్కెందుకు పొంగులేటి కృషి చేశారు. అయితే తాజాగా వెంక‌ట‌రావు కాంగ్రెస్ పార్టీని వీడాల‌ని నిర్ణయించుకున్నారు. ఇప్పటికే దీనికి సంబంధించిన చర్చలు ముగిసినట్టు తెలుస్తోంది. బీఆర్ఎస్ నేత‌లు ఇచ్చిన హామీతో వెంక‌ట‌రావు కాంగ్రెస్ కు, అలాగే పొంగులేటికి బైబై చెప్పి కారు గూటికి చేర‌నున్నట్లు తెల్లం అంటున్నారు.అయితే కార్యకర్తల కోరిక మేరకే ఆయన పార్టీ మారుతున్నట్టు ప్రకటించారు. నియోజకవర్గ అభివృద్ధి కోసమే ఈ నిర్ణయం తీసుకున్నానని ఆయన తెలిపారు.

ఇటీవల కాంగ్రెస్ పార్టీలో జరుగుతున్న పరిణామాలే వెంకట్రావు పార్టీ మారేందుకు కారణాలుగా తెలుస్తోంది. గతంలో పోటీ చేసిన వారికే సీట్లంటూ టీపీసీసీ చీఫ్‌ రేవంత్ రెడ్డి ప్రకటించడంతో తనకు ఈసారి కూడా టికెట్ రాదేమోనని వెంకట్రావు అనుమానిస్తున్నట్టు తెలుస్తోంది. అందుకే మళ్ళీ అధికార పార్టీ వైపు వెళ్లేందుకు ఆసక్తి కనబరుస్తున్నట్టు సమాచారం.

Share

• 
• 
• 
• 
• 
•