Police Band: 27వ ఆల్ ఇండియా పోలీస్ బ్యాండ్ పోటీలు (2026–27)లో రజత పతకం సాధించిన తెలంగాణ పోలీస్ బిగిల్ బృందాన్ని డీజీపీ సీ.వీ.ఆనంద్ అభినందించారు. జాతీయ స్థాయి పోటీల్లో తెలంగాణ పోలీస్ ప్రతిభను చాటడం గర్వకారణమన్నారు.
ఈనెల 16 నుంచి 20వ తేదీ వరకు హైదరాబాద్ లోని సీఆర్పీఎఫ్ గ్రూప్ సెంటర్ లో జరిగిన ఈ పోటీల్లో దేశవ్యాప్తంగా వివిధ రాష్ట్రాల, కేంద్ర పోలీస్ బలగాలకు చెందిన బ్యాండ్, బిగిల్ బృందాలు పాల్గొన్నాయి. ఈ సందర్భంగా డీజీపీ మాట్లాడుతూ భవిష్యత్తులో తెలంగాణ పోలీస్ బిగిల్, బ్యాండ్ బృందాలను మరింత సమర్థవంతంగా తీర్చిదిద్ది జాతీయ స్థాయిలో మరిన్ని విజయాలు సాధించేలా చర్యలు చేపడతామని తెలిపారు.
రజత పతకం సాధించిన వారిలో సంతోష్ (హెచ్సీ 1967), ఇంచార్జ్, కెప్టెన్, కె.స్వామి (హెచ్సీ 2562), వెంకటయ్య (హెచ్సీ 873), వెంకటస్వామి (హెచ్సీ 1427), భావన రుషి (హెచ్సీ 197), పీసీలు రామ్ లాల్ (పీసీ 3361), ఎస్.ప్రవీణ్ కుమార్ (పీసీ 10250) బృందంలో సభ్యులుగా ఉన్నారు. వీరు రాష్ట్రంలోని వివిధ పోలీస్ బెటాలియన్లు, పోలీస్ శిక్షణ సంస్థలు, హైదరాబాద్ సీఏఆర్ హెడ్క్వార్టర్స్ లో పని చేస్తున్నారు. కార్యక్రమంలో స్పోర్ట్స్ ఐజీ డాక్టర్ గజరావు భూపాల్, స్పోర్ట్స్ డీఎస్పీ డాక్టర్ రామారావుతోపాటు పలువురు పోలీస్ అధికారులు పాల్గొన్నారు.
Also Read: జబర్దస్త్ ప్రవీణ్ కూతురికి ఇంద్రజ అదిరిపోయే గిఫ్ట్.. నిజంగా గ్రేట్ అబ్బా..