సీఎం రేవంత్ రెడ్డికి ‘ఫోరమ్ ఫర్ గుడ్ గవర్నెన్స్’ లేఖ!

TNGOs Land: హైదరాబాద్ TNGOs భూముల కేటాయింపులో అక్రమాలు జరిగాయని, హైదరాబాద్‌లో రూ.2,500 కోట్ల విలువైన 50 ఎకరాల భూమిపై వివాదం తెరపైకి వచ్చింది. దీంతో TNGOs భూముల వ్యవహారంపై ACB విచారణ జరిపించండి అంటూ.. సీఎం రేవంత్ రెడ్డికి ఫోరమ్ ఫర్ గుడ్ గవర్నెన్స్ లేఖ రాసింది.

సీఎం లేఖలో..

అయితే TNGOs హౌసింగ్ సొసైటీకి కేటాయించిన భూమిలో భారీ అక్రమాలు జరిగాయంటూ ఫోరం ఆరోపణలు చేసింది. 2003లో ప్రభుత్వమే ఉచితంగా కేటాయించిన భూమిలో నిబంధనలకు విరుద్ధంగా ప్లాట్ల పంపిణీ జరిగిందని అధికారులు సీఎం లేఖలో పేర్కోన్నారు. సొసైటీ సభ్యులు కాని వ్యక్తులకు వందలాది ప్లాట్లు కేటాయింపులు చేసారని అన్నారు. పోలీసు అధికారులు, వైద్యులు, సచివాలయంలోని సీనియర్ అధికారులు లబ్ధిదారులుగా ఉన్నారంటూ ఆరోపణలు చేస్తున్నారు. ప్రతి ప్లాట్ కేటాయింపుదారుడి నుంచి దాదాపుగా రూ.4 లక్షల వరకు వసూలు చేసారంటూ సోసైటీ వాల్లు తెలిపారు.

సీబీఐ విచారణ..

అర్హుల జాబితా అడిగినా సహకార శాఖకు అందించని సొసైటీ.. ప్లాట్లు పొందిన వారి వివరాలు వెల్లడించకుండా వ్యవహరించారంటూ ఆరోపణలు చేస్తున్నారు. దీంతో 2019లోనే ACB/CBI విచారణకు జిల్లా కలెక్టర్ సిఫార్సు చేసినట్టు సమాచారం. అక్రమ కేటాయింపులు రద్దు చేయాలని కూడా ప్రభుత్వానికి నివేదించినట్లు ఫోరం వెల్లడించింది. ఖాళీగా ఉన్న ప్లాట్లను స్వాధీనం చేసుకోవాలని డిమాండ్ చేసింది. మిగిలిన ప్లాట్లను విక్రయిస్తే రూ.1,000 కోట్లకు పైగా ఆదాయం వస్తుందని ఫోరం అంచనా వేస్తుంది. TNGOs భూముల వ్యవహారంపై ACB విచారణ జరిపించి.. అక్రమాలపై సమగ్ర దర్యాప్తు చేసి బాధ్యులపై చర్యలు తీసుకోవాలని సీఎం రేవంత్ రెడ్డికి పద్మనాభరెడ్డి విజ్ఞప్తి చేసారు.

Also Read: బంపర్ ఆఫర్ కొట్టేసిన కావ్య.. అంతా సుధీర్ దయ?