మరికొన్ని గంటల్లో తెలంగాణ చరిత్రలో మరో కీలక ఘట్టం ఆవిష్కృతం కానుంది. తెలంగాణ రెండో సీఎంగా రేవంత్రెడ్డి ఇవాళ మధ్యాహ్నం ప్రమాణస్వీకారం చేయనున్నారు. ఈ నేపథ్యంలో హైదరాబాద్ జూబ్లీహిల్స్ లోని సీబీఐ కాలనీలో ఆయన నివాసం వద్ద సందడి వాతావరణం నెలకొంది. భారీ భద్రత ఏర్పాటు మేరకు పెద్ద ఎత్తున పోలీసులు మోహరించారు. అలాగే రేవంత్ నివాసానికి వెళ్లే మార్గంలో అడుగడుగునా భారీ ఫ్లెక్సీలు ఏర్పాటు చేశారు.
ఇక రేవంత్రెడ్డి ప్రమాణస్వీకారం నేపథ్యంలో నగరంలో ట్రాఫిక్ ఆంక్షలు అమలు చేశారు అధికారులు. ఉదయం 10 గంటల నుంచి సాయంత్రం 5 గంటలకు ఈ ఆంక్షలు అమలులో ఉండనునున్నాయి. ఈ మేరకు ఏఆర్ పెట్రోల్ పంపు నుంచి వచ్చే ట్రాఫిక్ను బీజేఆర్ విగ్రహం వైపు వెళ్లకుండా నాంపల్లి, చాపెల్ రోడ్డు వైపు మళ్లించనున్నారు. ఎస్బీఐ గన్ఫౌండ్రీ నుంచి వచ్చే ట్రాఫిక్ను బీజేఆర్ సర్కిల్ వైపు వెళ్లకుండా.. ఎస్బీఐ గన్ఫౌండ్రీ వద్ద చాపెల్ రోడ్డు వైపు మళ్లిస్తారు.
అలాగే బషీర్బాగ్ నుంచి బీజేఆర్ విగ్రహం వైపు వచ్చే ట్రాఫిక్ను బషీర్బాగ్ వద్ద కింగ్కోఠి, ఓల్డ్ ఎమ్మెల్యే క్వార్టర్స్ రహదారి వైపు మళ్లిస్తారు. వాహనదారులు ఎల్బీ స్టేడియం సమీపంలో ఉన్న పలు జంక్షన్ల వైపు వెళ్లకుండా ప్రత్యామ్నాయ మార్గాల ద్వారా గమ్యస్థానాలు చేరుకోవాలని ట్రాఫిక్ పోలీసులు సూచించారు.
Share
Cricket players Life : క్రికెటర్ల జీవితాల్లో తెరవెనుక.. ఎన్నో విషాదాలు
Telangana CM Oath Ceremony : సీఎంగా రేవంత్ ప్రమాణస్వీకారం.. ఎల్బీ స్టేడియం రూట్ మ్యాప్ ఇదే..
