Vikarabad Accident: వికారాబాద్ జిల్లాలో ఘోర రోడ్డు ప్రమాదం జరిగింది. పెండ్లిమడుగు గ్రామానికి చెందిన ఒకే కుటుంబ సభ్యులు పని నిమిత్తం ఆటోలో కేరెల్లి గ్రామానికి బయలుదేరారు. వీరు ప్రయాణిస్తున్న ఆటో బుగ్గారామేశ్వరం సమీపంలోని ఓ ప్రమాదకర మలుపు వద్దకు రాగానే.. ఎదురుగా దూసుకొచ్చిన లారీ బలంగా ఢీకొట్టింది. ఈ ప్రమాద తీవ్రతకు ఆటో పూర్తిగా నుజ్జునుజ్జు అయ్యింది. అందులో ఉన్న నలుగురు అక్కడికక్కడే ప్రాణాలు కోల్పోయారు.
సమాచారం అందుకున్న పోలీసులు వెంటనే ఘటనా స్థలానికి చేరుకున్నారు. మృతులను ఆటో డ్రైవర్ నాగేశ్తో పాటు చంద్రమ్మ, పార్వతమ్మ, సరితగా గుర్తించారు. ఒకే కుటుంబానికి చెందిన నలుగురు మృతి చెందడంతో స్వగ్రామాల్లో విషాద ఛాయలు అలుముకున్నాయి. మృతదేహాలను పోస్టుమార్టం నిమిత్తం స్థానిక ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.
వికారాబాద్లో ఘోర ప్రమాదం.. నలుగురి మృతి
వికారాబాద్ జిల్లాలో ఆటో, లారీ ఢీకొన్నాయి. ఈ ఘటనలో ఒకే కుటుంబానికి చెందిన నలుగురు మృతి చెందారు. వికారాబాద్ మండలం పెండ్లిమడుగు నుంచి కేరెల్లికి ఆటోలో వెళుతుండగా బుగ్గరామేశ్వరం సమీపంలో మలుపు వద్ద ఈ ప్రమాదం జరిగింది. మృతుల్లో ముగ్గురు… pic.twitter.com/FDTJFORcz1
— BIG TV Breaking News (@bigtvtelugu) November 22, 2026