Elon Musk Family : ఊహించని నిర్ణయాలు, అనుకోని ట్వీట్లతో ఎప్పుడూ వార్తల్లో నిలిచే స్పెస్ ఎక్స్ అధినేత ఎలాన్ మస్క్.. ఈసారి తన కుటుంబం కారణంగా వార్తల్లోనిలిచారు. టెక్సాస్ తీరాన గత శనివారం జరిగిన రాకెట్ స్టార్ షిప్ ప్రయోగం విఫలమైనా.. మస్క్ కుటుంబంలో మాత్రం ఆనందం నెలకొంది. అందుకు కారణం.. దాదాపు ఏడేళ్ల తర్వాత ఎలాన్ మస్క్ తన ఫ్యామిలీని కలవడమే. మనుషులను అంగారకుడు, చంద్రుడిపైకి పంపేందుకు స్పేస్ ఎక్స్ సంస్థ చేపట్టిన స్టార్ షిప్ ప్రయోగానికి ఎలాన్ మస్క్ తన తండ్రి ఎరాల్ ను కూడా ఆహ్వానించినట్లు జాతీయ మీడియాలో వార్తలొచ్చాయి.
ఎలాన్ మస్క్ తండ్రి ఎరాల్.. ఈ కార్యక్రమానికి తన మాజీ భార్య హౌడ్, మనవరాలు కోరాతో కలిసి హాజరయ్యారు. ఎలాన్ ను చూసిన తండ్రి ఎరాన్ ఒక్కసారిగా భావోద్వేగానికి గురై కన్నీరు పెట్టుకున్నారని అతని మాజీ భార్య హైడ్ వెల్లడించారు. ఎలాన్ సైతం భావోద్వేగానికి గురయ్యాడని, కుటుంబాన్ని చూసి చాలా సంతోషించాడని తెలిపారు. వారిద్దరూ కూర్చుని చాలాసేపు ముచ్చటించారని, ఆ క్షణాలను తాను, తన కూతుళ్లు చూసి సంతోషించామన్నారు. ఏడేళ్ల తర్వాత తమ కుటుంబంలో ఇలాంటి భావోద్వేగపూరితమైన క్షణాలు వచ్చాయని తెలిపారు.
కాగా.. స్టార్ షిప్ ప్రయోగ సమయంలో మస్క్ కుటుంబం వీఐపీ గ్యాలరీలో కూర్చుని ప్రయోగాన్ని వీక్షించింది. ఎంఆర్ఎన్ఏ ప్రయోగం, ఆర్థోపెడిక్ సర్జరీ సంబంధిత విషయాలు, రక్తంలో కొలెస్ట్రాల్ స్థాయిలను తగ్గించే స్టాటిన్స్ అనే ఔషధాల వాడకం వల్ల కలిగే ముప్పు వంటి విషయాలపై ఇద్దరూ చర్చించినట్లు ఎరాల్ చెప్పారని హైడ్ వెల్లడించారు. ఎలాన్ చివరిగా తన తండ్రిని 2016లో కలిశారు. సోదరుడు కింబల్ మస్క్ తో కలిసి సౌతాఫ్రికాలోని కేప్ టౌన్ లో ఆయన 70వ పుట్టినరోజు వేడుకలను నిర్వహించారు.
Share
Revanth Reddy : కాంగ్రెస్ అభ్యర్థులపై ఐటీ దాడులు.. బీఆర్ఎస్, బీజేపీ కుట్రే.. తెలంగాణ ప్రజలకు రేవంత్ బహిరంగ లేఖ..
Rainbow Tree : యూకలిప్టస్‌కు రెయిన్‌బో రంగులు
