Andhra tourism: ఇండియాలో చూసేందుకు అనేక కోటలు ఉన్నాయ్. కానీ ఒకటి మాత్రం కనిపించగానే సినిమా ఫ్రేమ్‌లోకి వెళ్లిపోయినట్టు ఫీలింగ్ కలుగుతుంది. అక్కడ అడుగుపెడితే చాలు.. చుట్టూ పచ్చని కొండలు, అడుగడుగునా రాళ్లమీద శిల్పకళ, దూరంగా పారుతున్న నది.. అన్నీ కలిపితే ఏదో హాలీవుడ్ ఫిలిం సెట్స్‌లో ఉన్నట్టు అనిపిస్తుంది. అక్కడి మౌనాన్ని చెదిపించే గాలి గుసగుసలు, కాలం చెరిపేసిన గోడలు, మారుతున్న ఆవరణం.. ఇవన్నీ కలిసి ఓ వింత అనుభూతిని పంచుతాయి. అక్కడ ఏ కోణంలో చూసినా కెమెరా కంటికి స్వర్గమే.
గతంలో అక్కడ ఎవరూ పెద్దగా వెళ్లేవారు కాదు. కానీ ఇప్పుడు? అక్కడికి వెళ్లాలంటే ముందు బుక్ చేసుకోవాల్సిందే. ఎందుకంటే ఇప్పుడు అది ఒక కోట మాత్రమే కాదు.. ఇంకేదో అయిపోయింది. ఏపీలో ఉంది ఈ ప్రదేశం. చాలామంది తెలుసుకోనిదే పక్క నుంచి వెళ్లిపోతుంటారు. కానీ ఒకసారి చూసినవాళ్లకి మాత్రం మళ్లీ వెళ్లాలనే తపన మిగులుతుంది. మరి మీరు చూసారా? లేక ఇంకా మిస్ అయ్యారా?
గండికోట సరికొత్తగా..
రాయలసీమ గర్వంగా నిలిచే ప్రకృతి రమణీయత గండికోట ఇప్పుడు పర్యాటకుల గమ్యస్థానంగా మరింత ఆకర్షణీయంగా మారుతోంది. మైదాన ప్రాంతాల్లో అరుదుగా కనిపించే గండుల మధ్య ప్రవహించే పెన్నా నది ఒడ్డున గల గండికోట.. ఇప్పటివరకు ఎక్కువగా చరిత్రలో ఆసక్తి ఉన్నవాళ్లకు, నెచ్చెలికైనా ఫొటోషూట్లకైనా పేరున్న ప్రదేశం. అయితే ఇప్పుడు ఆ విస్తీర్ణాన్ని పర్యాటక రంగంలో ఒక బ్రాండ్‌గా తీర్చిదిద్దే ప్రయత్నంలో భాగంగా ఒక భారీ ప్రాజెక్ట్ రూపుదిద్దుకుంటోంది.
ఈ ప్రాజెక్ట్ స్పెషల్ ఏంటంటే?
ఈ పర్యాటక ప్రాజెక్టు మొత్తం రూ.77.91 కోట్ల వ్యయంతో రూపొందించబడుతోంది. దీనిలో ప్రధాన ఆకర్షణగా నిలిచేది టెంట్ సిటీ. ఇది పూర్తిగా ఎకో ఫ్రెండ్లీ మోడల్‌లో రూపుదిద్దుకుంటోంది. ప్రకృతి ప్రేమికులు, అడ్వెంచర్ లవర్స్‌ కోసం ప్రత్యేకమైన అనుభూతి కలిగించే ఈ టెంట్ సిటీ గండికోటను మరింత జీవంతో నింపనుంది. సుందరమైన పెన్నా నది ఒడ్డున టెంట్లు వేసి ఉండే విధంగా, పర్యాటకులు సాయంత్రం వేళ సూర్యాస్తమయాన్ని ప్రత్యక్షంగా ఆస్వాదించేలా వ్యూ పాయింట్స్ ఏర్పాటు చేయనున్నారు.
ఇక్కడి సరికొత్త సదుపాయాలు..
పర్యాటకులను ఆకట్టుకునేలా వివిధ అనుభూతులను కలిగించే విధంగా ఈ ప్రాజెక్ట్‌లో వ్యూయింగ్ డెక్స్‌లు, వాక్ వేలు, నీటి ఆటలు (వాటర్ అడ్వెంచర్ స్పోర్ట్స్), బోటింగ్ సదుపాయాలు ఏర్పాటు చేయనున్నారు. పర్యాటకులకు భద్రతతో పాటు సరదా కలగాలనే ఉద్దేశంతో ఈ అనుభవాలను సాంకేతికంగా సజీవంగా తీర్చిదిద్దే కార్యక్రమం సాగుతోంది. వాటర్ స్పోర్ట్స్ కోసం ప్రత్యేకమైన బోట్లు, జెట్ స్కీలు, కయాకింగ్ వంటివి అందుబాటులోకి రానున్నాయి.
లైట్ షో అదుర్స్..
ఇందులో భాగంగా గండికోట ఫోర్ట్ చుట్టూ అభివృద్ధి పనులు కూడా చేపట్టనున్నారు. పర్యాటకులు చరిత్రను, ప్రకృతిని ఒకేసారి అనుభవించేలా అక్కడ లైట్ అండ్ సౌండ్ షో ఏర్పాటు చేయనున్నారు. ఇందుకోసం ప్రాచీన గండికోట కోటలో దృశ్య శ్రవ్య హంగులతో కూడిన షోనూ ప్రవేశపెడతారు. ఇది పర్యాటకులకు ఆ ప్రాంత చరిత్రను సమగ్రమైన దృశ్యముగా అందించనుంది.
టెంట్ సిటీ ప్రాజెక్టులో భాగంగా ఫుడ్ కోర్టులు, పార్కింగ్ సదుపాయాలు, పర్యాటకులకు అవసరమైన ప్రాథమిక మౌలిక సదుపాయాలన్నీ రూపొందించనున్నారు. శుభ్రత, వాతావరణ అనుకూలత, సురక్షితమైన గృహావసతుల కలయికతో కూడిన టెంట్ కాంప్లెక్స్ అక్కడి ప్రకృతిని కించపరచకుండా, కాపాడుతూ, అనుభవానికి ప్రాధాన్యత ఇస్తూ రూపొందించనున్నారు.
గండికోట మాత్రమే కాకుండా, రాష్ట్రవ్యాప్తంగా మరిన్ని ప్రాంతాల్లో పర్యాటక ప్రాజెక్టులు కూడా ప్రారంభమయ్యాయి. వాటిలో ముఖ్యంగా తిరుపతిలో రూ.165 కోట్ల విలువైన పర్యాటక అభివృద్ధి పనులు ఉండడం గమనార్హం. తిరుపతిలో ప్రారంభమైన లెమన్ ట్రీ ప్రీమియర్ హోటల్ పర్యాటకులకు అంతర్జాతీయ స్థాయి సౌకర్యాలు అందించనుంది. తిరుమల వెళ్లే భక్తులకు గమ్యం దగ్గరే హైక్లాస్ వసతి అందించేందుకు ఇది ఒక విలువైన ఆప్షన్‌గా నిలవనుంది.
Also Read: Mysterious temples: వెహికల్ తరచూ యాక్సిడెంట్ అవుతోందా? మీ నెంబర్ ఇక్కడ రాసి వస్తే చాలట!
ఈ హోటల్‌లో వందకు పైగా రూములు, మల్టీ క్యూయిజిన్ రెస్టారెంట్లు, స్పా, స్విమ్మింగ్ పూల్, కాన్ఫరెన్స్ హాల్స్ వంటి వసతులు ఉంటాయి. ఇది తిరుపతి నగర అభివృద్ధికి తోడ్పడటంతో పాటు, అక్కడి యువతకు ఉద్యోగ అవకాశాలు కల్పించనుంది. ఈ హోటల్ ప్రారంభం రాష్ట్రంలో ప్రైవేట్ రంగ పెట్టుబడులకు మార్గం వేసేలా ఉంటుంది.
గండికోట కు తప్పక వెళ్లి రండి!
గండికోట ప్రాజెక్టు పర్యాటక రంగాన్ని స్థానిక స్థాయిలో బలోపేతం చేయడమే కాకుండా, ప్రాంతీయ అభివృద్ధికి బీజం వేస్తోంది. ఈ ప్రాజెక్టు ద్వారా స్థానికులకు స్వయం ఉపాధి అవకాశాలు కలుగుతాయి. హోమ్ స్టేలు, ఫుడ్ స్టాల్స్, గైడ్ సర్వీసులు వంటి వాటికి డిమాండ్ పెరగనుంది. అంతేగాక, ఈ ప్రాంతం పర్యాటక మ్యాప్‌పై ప్రత్యేక స్థానం సంపాదించనుంది.
ప్రాజెక్టులో టూరిజం ఇన్ఫర్మేషన్ సెంటర్, బార్డర్ వాచ్ టవర్లు, వాతావరణ కేంద్రాలు కూడా ఏర్పాటు చేయబోతున్నారు. దీని వల్ల పర్యాటకులు ప్రదేశం గురించి పూర్తి సమాచారం పొందే అవకాశం ఉంటుంది. అలాగే, ప్రయాణ భద్రతను మెరుగుపరిచేందుకు సీసీ కెమెరాలు, సెక్యూరిటీ సిబ్బంది సైతం నియమించనున్నారు.
ఈ ప్రాజెక్టుల ద్వారా రాష్ట్రం మొత్తం పర్యాటక రంగంలో మైలురాయిగా నిలవనుంది. ప్రత్యేకంగా గండికోట ప్రాజెక్ట్ ప్రకృతి అందాలను, చరిత్రను కలిపే విధంగా రూపుదిద్దుకుంటోంది. ఇది రాష్ట్రంలో ఎకో – అడ్వెంచర్- హిస్టారికల్ టూరిజం కు చిహ్నంగా నిలవనుంది. ఇలాంటి ప్రాజెక్టులు పర్యాటకులకు కొత్త అనుభవాలను అందించడమే కాకుండా, స్థానిక ఆర్థిక వ్యవస్థను కూడా బలోపేతం చేయనున్నాయి.
Share
Potato Birth: ఏంటీ? బంగాళ దుంప తల్లి.. టమోటానా? శాస్త్రవేత్తల మైండ్ బ్లోయింగ్ డిస్కవరీ!
Karimnagar Temple: తెలంగాణలోని ఆ ఆలయంలో 700 ఏళ్లుగా వెలుగుతున్న దీపం, నిజంగా అద్భుతం!
