Bangalore Tour: బెంగళూర్ టూర్.. తప్పకుండా చూడాల్సిన ప్రదేశాలు ఇవే !

Bangalore Tour: కర్ణాటక రాజధాని బెంగళూరు ఒక అందమైన నగరం. బెంగళూరును భారతదేశ సిలికాన్ వ్యాలీ లేదా ఐటీ రంగ కేంద్రం అని కూడా పిలుస్తారు. బెంగళూరు వాతావరణం ఏడాది పొడవునా ఆహ్లాదకరంగా ఉంటుంది. నగరం చుట్టూ చాలా అందమైన ప్రదేశాలు కూడా ఉంటాయి. వీకెండ్‌లో బెంగళూర్ ట్రిప్ వెళ్లి ఫుల్‌గా ఎంజాయ్ చేయొచ్చు.

బెంగళూరు నగరానికి సమీపంలో చాలా అందమైన, విశ్రాంతినిచ్చే ప్రదేశాలు చాలా ఉన్నాయి. వీటిని మీరు ఒక రోజులో చూసి సాయంత్రం వరకు తిరిగి రావచ్చు. మీరు ఒకరోజు రోడ్ ట్రిప్ వెళ్లాలనుకుంటే.. బెంగళూరు నుండి రెండు గంటల దూరంలో ఉన్న కొన్ని అద్భుతమైన ప్రదేశాలను చూడండి.

నంది కొండలు:
నంది కొండలు బెంగళూరు నుండి దాదాపు 60 కి.మీ దూరంలో ఉన్నాయి. రోడ్డు మార్గంలో ఇక్కడికి చేరుకోవడానికి ఒకటిన్నర నుండి రెండు గంటల సమయం పడుతుంది. నంది హిల్స్ లో సూర్యోదయం యొక్క అద్భుతమైన దృశ్యాలకు ప్రసిద్ధి చెందింది. ఇక్కడ మీరు టిప్పు సుల్తాన్ వేసవి కోటను కూడా చూడొచ్చు. ఈ ప్రదేశం ట్రెక్కింగ్ , సైక్లింగ్ కు అనువైనది. మీరు నంది హిల్స్ కు వెళ్తే.. టిప్పు డ్రాప్, నంది ఆలయం, యోగానందీశ్వర్ ఆలయాన్ని కూడా చూడొచ్చు.

శివగంగే:
మీకు ట్రెక్కింగ్ , రాక్ క్లైంబింగ్ అంటే ఇష్టమైతే బెంగళూరు నుండి 60 కి.మీ దూరంలో శివగంగ అనే ప్రదేశం ఉంటుంది. దాదాపు గంటన్నర ప్రయాణం తర్వాత దీనిని సులభంగా చేరుకోవచ్చు. శివగంగ చేరుకున్న తర్వాత.. మీరు చారిత్రాత్మక గుహ ఆలయం , సహజ జలపాతం యొక్క అందమైన దృశ్యాలను కూడా చూడొచ్చు. వారాంతపు పర్యటనలలో శివగంగ పర్వతం, పాత ఆలయం , గంగాధరేశ్వర ఆలయాన్ని కూడా చూడొచ్చు.

స్కందగిరి:
బెంగళూరు నుండి 70 కిలోమీటర్ల దూరంలో ఉన్న స్కందగిరి కర్ణాటకలోని ఒక అందమైన , ప్రసిద్ధ హిల్ స్టేషన్. వారాంతాల్లో పిక్నిక్ కోసం కూడా ఇక్కడికి రావచ్చు. రెండు గంటల దూరంలో ఉన్న స్కందగిరి చుట్టూ నంది కొండలు ఉన్నాయి. స్కందగిరి పర్వతాలపై ఎక్కడ చూసినా పచ్చదనం కనిపిస్తుంది. సాహసాలను ఇష్టపడే వారికి.. ఇక్కడ ట్రెక్కింగ్, హైకింగ్ , క్యాంపింగ్ అవకాశం లభిస్తుంది.

Also Read: ఎడాది పొడవునా మంచు, ఎత్తైన జలపాతాలు, లోయలు.. ఇంతకంటే బెస్ట్ ప్లేస్ ఉంటుందా ?

కనక్‌పుర:
హడావిడి నుండి దూరంగా ప్రశాంతంగా గడపడానికి.. మీరు కనక్‌పురకు రోడ్ ట్రిప్ ప్లాన్ చేసుకోవచ్చు. బెంగళూరు నుండి 60 కి.మీ దూరంలో ఉన్న ఈ ప్రదేశానికి చేరుకోవడానికి దాదాపు గంటన్నర సమయం పడుతుంది. ఇక్కడ మీరు తొట్టి కల్లు జలపాతాలు, ఉల్సూర్ సరస్సును చూడొచ్చు. అంతే కాకుండా ట్రెక్కింగ్ , క్యాంపింగ్ ఎంజాయ్ చేయొచ్చు.

తురహళ్లి అడవి:
తురహళ్లి అడవి బెంగళూరు నుండి 20 కి.మీ దూరంలో ఉన్న ఒక పెద్ద, దట్టమైన పచ్చని అడవి. నగర సందడికి దూరంగా ప్రశాంతంగా సమయం గడపడానికి ఇది ఒక గొప్ప ప్రదేశం.