Vande Bharat Express: భారతీయ రైల్వేలో ‘వందే భారత్’ ఎక్స్ ప్రెస్ రైలుకు ఆదరణ పెరుగుతోంది. అతి తక్కువ సమయంలో వేగంగా తమ గమ్యస్థానాలకు చేరుకోవాలనుకునేవారు వందే భారత్ రైలులో ప్రయాణిస్తున్నారు. చెన్నై సెంట్రల్-విజయవాడ మధ్య నడుస్తున్న వందే భారత్ రైళ్లను పశ్చిమగోదావరి జిల్లా నరసాపురం వరకు తాత్కాలికంగా పొడిగించినట్లు రైల్వే అధికారులు తెలిపారు.
ఈ మేరకు దక్షిణ మధ్య రైల్వే ఓ ప్రకటన చేసంది. చెన్నై సెంట్రల్-నరసాపురం వందే భారత్ ఎక్స్ప్రెస్(నెం.20677) ఈ నెల 15 నుంచి జనవరి 11 వరకు నడపనున్నారు. ఈ రైలు చెన్నై సెంట్రల్లో ఉదయం 5.30 గంటలకు బయల్దేరి 7.05 గంటలకు రేణిగుంట, 8.29 గంటలకు నెల్లూరు, 9.43 గంటలకు ఒంగోలు, 11.08 గంటలకు విజయవాడ చేరుకుంటుంది. మధ్యాహ్నం 12.29 గుడివాడ, 01.14 గంటలకు భీమవరం టౌన్, 2.10 గంటలకు నరసాపురం స్టేషన్ చేరుకుంటుంది.
అలాగే నర్సాపురం-చెన్నై సెంట్రల్ వందే భారత్ రైలు(నెం.20678) ఈ నెల 17 నుంచి జనవరి 11 వరకు నడపనున్నారు. ఈ రైలు నర్సాపురంలో మధ్యాహ్నం 2.50 గంటలకు బయల్దేరి 3.19 గంటలకు భీమవరం టౌన్, సాయంత్రం 4.04 గంటలకు గుడివాడ, 4.50 గంటలకు విజయవాడ, 6.29 గంటలకు ఒంగోలు, రాత్రి 7.39 గంటలకు నెల్లూరు చేరుకుంటుంది. రాత్రి 9.50 గంటలకు రేణిగుంట,11.45 గంటలకు చెన్నై సెంట్రల్ చేరుకుంటుందని దక్షిణ రైల్వే ప్రకటనలో తెలిపింది.
నర్సాపురం-చెన్నై మార్గంలో వ్యాపారులు నిత్యం ప్రయాణిస్తుంటారు. దీంతో వారు వందే భారత్ ను ఎక్కువగా వినియోగించుకునే అవకాశం కలిగింది. ఉపాధి, ఉద్యోగాల కోసం తమిళనాడులో ఉంటున్న వారు సంక్రాంతి సీజన్ కు స్వగ్రామాలకు వస్తుంటారు. దీంతో వీరు కూడా వందే భారత్ వైపు మొగ్గు చూపే అవకాశం ఉంది.
]
Share
Bhavani devotees vs Constable: నడిరోడ్డుపై కానిస్టేబుల్ను కొట్టిన భవానీలు.. అసలేం జరిగిందో చెప్పిన సీఐ
Samantha -Raj: పెళ్లి తర్వాత సమంత ఫస్ట్ ఫోటో చూశారా.. క్యూట్ గా ఉన్న కొత్త జంట!
