కోపం, బాధను కొంత మంది అంత త్వరగా కంట్రోల్ చేసుకోలేరు. కొన్నిసార్లు ఆ బాధ నుంచి బయటపడేందుకు ఏం చేస్తున్నారో అర్థం కాదు. ఇంట్లో ఏదైనా గొడవ అయినప్పుడు కొంత మంది కాసేపు బయటకు వెళ్లి వస్తారు. మరికొంత మంది కొంత సమయం పాటు మాట్లాడకుండా సైలెంట్ గా ఉంటారు. ఇంకొంత మంది తమ కోపాన్ని ఇంట్లోని వస్తువులను విరగ్గొట్టడం, పగలగొట్టడం మీద చూపిస్తారు. కానీ, ఓ వ్యక్తి అదేదో సినిమాలో చెప్పినట్లు చేతులు జేబులో పెట్టుకుని అలా నడుచుకుంటూ వెళ్లిపోయాడు. ఒకటి.. రెండు కిలో మీటర్లు కాదు. ఏకంగా 450 కిలో మీటర్లు వెళ్లిపోయాడు.
2020లో ఇటలీలో ఓ విచిత్రమైన ఘటన జరిగింది. ఒక రోజు ఇంట్లో భార్యతో కాస్త గొడవ అయ్యింది. మాటా మాటా పెరిగింది. గట్టి గట్టిగా అరుచుకున్నారు. భర్తకు ఎక్కడలేని కోపం వచ్చింది. మనసులోని బాధను తగ్గించుకునేందుకు ఇంటి నుంచి బయటకు వచ్చాడు. మనసులో ఎవేవో ఆలోచనలు వస్తున్నాయి. నడుచుకుంటూ వెళ్తున్నాడు. రోజు రోజుకూ, అడుగు తర్వాత అడుగు.. గమ్యం తెలియని ప్రయాణం కొనసాగుతూనే ఉంది. రాత్రి లేదు. పగలు లేదు. ఆకలి లేదు. దాహం లేదు. వెళ్లిపోతూనే ఉన్నాడు. పదే పదే గొడవనే తలుచుకుంటున్నాడు. ఇంకా అడుగులు వేగంగా ముందుకు వెళ్తున్నాయి. కానీ, మనసులోని బాధ తగ్గడం లేదు.
2020లో కరోనా విజృంభణ కొనసాగుతోంది. ఈ నేపథ్యంలో ఫానో పట్టణంలో పోలీసులు అతడిని ఆపారు. అప్పటికే తను ఇంటి నుంచి నడక ప్రారంభించి వారం రోజులు అయ్యింది. ఎంత దూరం వచ్చానని వెనక్కి తిరిగి చూసుకుంటే, ఏకంగా 450 కిలో మీటర్లు వచ్చేసినట్లు తెలిసింది. రోజుకు సగటును 60 కి.మీలు నడిచాడు. దారిలో అతడికి ఫుడ్, వాటర్ ఎవరో ఒకరు ఇచ్చేవారు. కొన్నిసార్లు ఏమీ తినకుండానే వెళ్లిపోయేవాడు.
Read Also: ఉల్లి పెట్టిన లొల్లి.. భార్యకు విడాకులిచ్చిన భర్త, ఇంత చిన్న కారణానికే?
కరోనా సమయంలో ఇటలీలోనూ కర్ఫ్యూ విధించారు. ఆయన ఆ రూల్స్ ను అతిక్రమించి బయట తిరిగినందుకు గాను, అక్కడి పోలీసులు జరిమానా విధించారు. కానీ, అతడి గురించి తెలుసుకుని బాధపడ్డారు. పోలీసులు అతడికి సర్ధి చెప్పే ప్రయత్నం చేశారు. అతడి భార్యకు ఫోన్ ద్వారా సమాచారం అందించారు. అప్పటికే ఆమె స్థానిక పోలీస్ స్టేషన్ లో తన భర్త తప్పిపోయాడంటూ ఫిర్యాదు చేసింది. విషయం తెలుసుకుని వెంటనే ఫానోకు చేరుకుంది. వెళ్లి భర్తను హగ్ చేసుకుంది. పట్టుకుని ఏడ్చింది. తనను ఓదార్చి వెనక్కి తీసుకొచ్చింది. ఈ ఘటన అప్పట్లో ఇటలీలో సంచలనం సృష్టించింది. మనసులో బాధ ఉన్నప్పుడు మనుషులు ఎంతలా తమను తాము మర్చిపోతారో ఈ ఘటన నిరూపించిందన్నారు నిపుణులు.
Read Also: ఉల్లి పెట్టిన లొల్లి.. భార్యకు విడాకులిచ్చిన భర్త, ఇంత చిన్న కారణానికే?
Share
The Girl Friend : ది గర్ల్ ఫ్రెండ్ సినిమా పై మళ్లీ ట్రోలింగ్, బూతులు మొదలుపెట్టిన రాహుల్
Tirumala Break Darshan: తిరుమల శ్రీవారి భక్తులకు అలర్ట్.. డిసెంబర్, జనవరిలో వీఐపీ బ్రేక్ దర్శనాలు రద్దు
