Kaushal Manda:బిగ్ బాస్ తెలుగు సీజన్ 10లో ఎలిమినేషన్ల పర్వం ఊహించని మలుపులు తిరుగుతోంది. “బిగ్ బాస్ టైటిల్ నాదే.. అగ్నిపరీక్షలో నా ప్రతాపం చూశారుగా, ఫినాలే రోజు కప్పు ఎత్తేది నేనే” అంటూ ఆరంభంలోనే భారీ కాన్ఫిడెన్స్ చూపించిన కంటెస్టెంట్ రోహిత్ నాయుడు హౌస్ నుంచి ఎలిమినేట్ అయ్యాడనే వార్త నెట్టింట హల్‌చల్ చేస్తోంది. అయితే ఈ ప్రచారంపై మాజీ కంటెస్టెంట్ కౌశిక్ తీవ్రంగా స్పందిస్తూ బిగ్ బాస్ లవర్స్‌కు ఒక బిగ్ ట్విస్ట్ ఇచ్చే కౌంటర్ ఇచ్చారు. ఆ వివరాలు ఇప్పుడు చూద్దాం..
శనివారం నాటి ఎపిసోడ్‌లో హోస్ట్ నాగార్జున ఈ వారం డబుల్ ఎలిమినేషన్ ఉంటుందని, ఒకరు ఓటింగ్ ద్వారా మరొకరు బిగ్ బాస్ నిర్ణయం ద్వారా బయటకు వెళ్తారని స్పష్టం చేశారు. ఇప్పటికే సింగర్ ఝాన్సీ ఎలిమినేట్ కాగా, సుధీర్‌ను సేవ్ చేసిన డ్రామా తర్వాత కూడా బిగ్ బాస్ ఊహించని విధంగా రోహిత్ నాయుడిని ఎలిమినేట్ చేశారనే వార్త నెట్టింట వైరల్ అయింది. అంతటి దమ్మున్న ప్లేయర్ ఒక్కసారిగా బయటకు వచ్చాడనే టాక్ వినగానే అభిమానులు షాక్‌కు గురయ్యారు.
సోషల్ మీడియాలో రోహిత్ ఎలిమినేషన్‌పై విపరీతంగా మెసేజ్‌లు రావడంతో కౌశిక్ తన అధికారిక పోస్ట్‌లో ఘాటుగా స్పందించారు. “రోహిత్ నాయుడు ఎలిమినేట్ అయ్యాడనే వార్తలను నేను ఇప్పటికీ నమ్మడం లేదు. స్వయంగా వినటానికి బయటకు వెళ్లడం లేదా షో రూల్స్ అతిక్రమించడం జరిగితే తప్ప కేవలం ఓట్ల ప్రాతిపదికన ఇలాంటి బిగ్ కంటెస్టెంట్స్ నిష్క్రమణలు జరగవు” అని తేల్చి చెప్పారు.
రోహిత్‌ను షో నుంచి పంపించడానికి బిగ్ బాస్ అంత పిచ్చివాడేమీ కాదని కౌశిక్ విశ్లేషించారు. “రోహిత్ ఈ సీజన్‌కు ఒక ట్రంప్ కార్డ్ లాంటివాడు. హోస్ట్ నాగార్జున ఇచ్చిన హెచ్చరికల తర్వాత రోహిత్ తన ఆటను మరింత మెరుగుపరుచుకోవాలి. హౌస్‌లో గట్టిగా అరిచే పోటీదారులు బయటకు వెళ్లినందున, తన ఆటను కొత్తగా ప్రారంభించి స్ట్రాంగ్‌గా నిలబడటానికి రోహిత్‌కు ఇది మంచి అవకాశం” అని అభిప్రాయపడ్డారు.
also read:సమంతకు కవల పిల్లలా? హింట్ ఇచ్చిన స్టార్ హీరోయిన్!
ఎలిమినేషన్ వార్తలు ఎందుకు విపరీతంగా ప్రచారమవుతున్నాయో ప్రశ్నిస్తూ.. “బిగ్ బాస్ అధికారికంగా ప్రకటించే వరకు ఎలాంటి ఫైనల్ నిర్ణయానికి రాకండి. కొన్నిసార్లు అతిపెద్ద ట్విస్టులు ముందుకు రాబోతున్నాయి. రోహిత్ ప్రయాణం నిజంగా ముగిసిపోయిందా? నేను అలా అనుకోవడం లేదు” అంటూ బిగ్ బాస్ లవర్స్‌కు కౌశిక్ క్లారిటీ ఇచ్చారు.
ఇక మొత్తానికి చూస్తే, రోహిత్ నాయుడు ఎలిమినేట్ అయ్యాడనే ప్రచారం బిగ్ బాస్ వీక్షకుల్లో తీవ్ర ఆందోళన రేపినప్పటికీ, కౌశిక్ ఇచ్చిన స్ట్రాంగ్ కౌంటర్‌తో షోపై ఉత్కంఠ మరింత పెరిగింది. ఈ వారం అసలు బిగ్ బాస్ హౌస్ నుంచి రోహిత్ అవుట్ అయ్యాడా లేదా అనేది రాబోయే ఎపిసోడ్‌లోనే స్పష్టం కానుంది.
?utm_source=ig_web_copy_link&srtk=MzRlODBiNWFlZA==
Share
వారణాసి-ఢిల్లీ మధ్య వందే భారత్ స్లీపర్ రైలు.. సోమవారం నుంచే రెగ్యులర్ సర్వీసులు!
హైదరాబాద్లోని ప్రముఖ హోటళ్లపై ఫుడ్ సేఫ్టీ దాడులు.. 14 హోటళ్లు సీజ్.. పిస్తా హౌస్, ఫలక్నుమా ప్యాలెస్లకు నోటీసులు!
