Car Subscription : మీరు ఈ దీపావళికి కొత్త కారు కొంటున్నారా? రెండు మూడేళ్ల తర్వాత దీన్ని మార్చాలనే ఆలోచన కూడా ఉందా? అయితే మీరు కారు సబ్స్క్రిప్షన్ గురించి తెలుసుకోవాల్సిందే. కొత్త కారు కొనేవారిలో నూటికి 90 మంది డౌన్ పేమెంట్ కట్టి, ఆపై ఈఎంఐలు కడుతూ ఉంటారు. ఈలోపు మార్కెట్లోకి మరో మంచి మోడల్ రాగానే.. పాత కారు అమ్మి కొత్తది కొనాలనుకుంటారు. కానీ.. పాత కారు ధర.. సగానికి పైగా పడిపోతుంది. అదే మీరు కారు సబ్‌స్ర్కిప్షన్ తీసుకుంటే.. ఈ ఇబ్బందే ఉండదు.
ఇదీ సంగతి..
మీకు నచ్చిన కొత్త కారుకు నెలకు కొంత మొత్తం కట్టి.. దాన్ని వాడుకోవచ్చు. తీసుకునేటప్పుడు డ్రైవింగ్ లైసెన్స్‌, ఆదాయ రుజువు పత్రాలు కారు కంపెనీకి ఇవ్వాలి. ఏడాది నుంచి నాలుగేళ్ల వరకూ కారుని సబ్‌స్క్రైబ్ చేసుకోవచ్చు. రోడ్ ట్యాక్స్, సర్వీసింగ్‌, రిజిస్ట్రేషన్‌, వారంటీ, రిపేర్లు వంటివన్నీ ప్యాకేజీలో భాగంగా ఉంటాయి. మార్కెట్లోకి కొత్త మోడల్ వస్తే వాడే కారుని ఇచ్చి, కొత్తదానికి మారిపోవచ్చు.
సెలక్ట్ చేసుకున్న టైం పీరియడ్ వరకూ కారుకు మీరే ఓనర్లుగా ఉంటారు.
పరిమితులు..
ఈ కార్లకు సబ్స్క్రిప్షన్ ఛార్జీ కాస్త ఎక్కువే ఉంటుంది. అలాగే కిలోమీటర్ల లిమిట్ కూడా ఉంటుంది. లిమిట్ కంటే ఎక్కువ దూరం తిరిగితే అదనంగా చెల్లించాలి. కారుకి స్టికర్స్, డిజైనింగ్ మార్పుల వంటివి కుదరదు. కారు మోడల్‌ను బట్టి కొన్నిసార్లు.. ఈఎంఐ కంటే ఎక్కువ సబ్స్క్రిప్షన్ ఛార్జి కట్టాల్సి ఉంటుంది. ప్రస్తుతం మార్కెట్లో ప్రధాన కారు కంపెనీలన్నీ సబ్స్క్రిప్షన్ మోడల్‌ను అందిస్తున్నాయి. తరచూ కారును మార్చేవారికి ఇది మంచి ఛాయిస్. కానీ.. కారుని అవసరంగా భావించి, వీలున్నన్ని రోజులు దానినే వాడేవారికి మాత్రం ఈఎంఐ మీద సొంతకారు కొనుక్కోవడమే బెటర్.
Share
Rashmika Mandanna : ఆ వీడియో వైరల్.. రష్మిక రియాక్షన్ ..
Kubernetes : క్యూబర్‌నెటిస్‌ అంటే ఏంటి..? ఈ ఉద్యోగాలకు డిమాండ్ పెరిగిందా?
