Transgender Row: ట్రాన్స్ జెండర్లు ఏదైనా అంటే ఏదో జరిగిపోతుందన్న నమ్మకాలు.. జనాన్ని హడలెత్తిస్తున్నాయ్. అసలే శుభకార్యం. ఏమైనా అంటే ఎందుకొచ్చిన గొడవ అంటూ చాలా మంది అడిగింది ఇచ్చుకుంటున్నారు. నిజానికి ఇచ్చింది తీసుకోవాలి. వెళ్లిపోవాలి. కానీ కొందరు ట్రాన్స్ జెండర్లు అలా కాదు.. అడిగింది ఇవ్వకపోతే నానా రచ్చ చేస్తున్నారు. ఇటీవల హైదరాబాద్లోని చింతల్లో జరిగిన ఓ గృహప్రవేశానికి సంబంధించిన వీడియో సోషల్ మీడియాలో వైరల్ అయింది. ట్రాన్స్జెండర్ల బృందం భారీ మొత్తంలో డబ్బు డిమాండ్ చేసిందని, ఇవ్వలేమని చెప్పడంతో అసభ్యంగా ప్రవర్తించారన్న ఆరోపణలు వచ్చాయ్. ఈ తరహా ఫిర్యాదులు పెరగడంతో డీజీపీ సీవీ ఆనంద్ కూడా సీరియస్ అయ్యారు. రాష్ట్రవ్యాప్తంగా పోలీస్ కమిషనర్లు, ఎస్పీలతో స్పెషల్ డ్రైవ్ చేపట్టాలని ఆదేశించారు. కొందరి చర్యలతో మొత్తం ట్రాన్స్జెండర్ కమ్యూనిటీకి ఇబ్బంది వస్తోంది. నిజానికి వీళ్లు గౌరవప్రదంగా జీవించేందుకు తెలంగాణ ప్రభుత్వం చాలా అవకాశాలు కల్పిస్తోంది. ట్రాఫిక్ అసిస్టెంట్లు, HYDRAAలో పనిచేస్తున్న పలువురు ట్రాన్స్ జెండర్లు మంచి పేరు తెచ్చుకుంటున్నారు. మరి స్పెషల్ డ్రైవ్ ఇలాంటి బలవంతపు వసూళ్లకు చెక్ పెడుతుందా?
Share
చంద్రబాబును అరెస్ట్ చేసి మూడేళ్లు.. లోకేశ్ ఏమన్నారంటే?
ఏపీ లోకల్ వార్.. చంపడమా? చావడమా?
