Snakes: వర్షాకాలం వచ్చిందంటే పాములు హల్చల్ సృష్టిస్తాయి. ఇన్ని రోజులు నిద్రావస్థలో ఉన్న పాములు ఇప్పుడు బయటకు వచ్చి ఇళ్లల్లో సంచరిస్తుంటాయి. ఇప్పటికే పాము సంఘటనకు సంబంధించిన వీడియో వైరల్ అవుతున్నాయి. రెండు రోజుల క్రితం పాము కాటు అమ్మాయి బలైంది. ఇంటి చుట్టు పరిసర ప్రాంతాలను శుభ్రంగా ఉంచుకోకపోతే.. భారీ నష్టం చేకూరే అవకాశం ఉంటుంది. ఇంటి చుట్టూ శుభ్రంగా ఉంచుకోవడం, ఎలుకలు, పక్షులు రాకుండా చూసుకోవాలి.
⦿ ఎలుకలను తినేందుకు పాములు ఇంట్లోకి సంచరిస్తాయి. అలాగే పక్షులు గూడు కట్టుకున్నా పాములు ఇంట్లోకి వస్తాయి. కాబట్టి పాములు ఇంట్లోకి రాకుండా ఉండాలంటే.. ఇంటి పరిసరాలను పరిశుభ్రంగా ఉంచుకోవాలని నిఫుణులు సూచిస్తున్నారు. పాములు సాధారణంగా చెత్త, కలుపు మొక్కలు, రాళ్లు, రప్పల మధ్య ఉండేందుకు చాలా ఇష్టపడతాయి. కాబట్టి, ఇంటి చుట్టూ ఉన్న పొదలు, గడ్డి, చెత్త కుప్పలను తీసివేసి శుభ్రంగా ఉంచుకోండి. పచ్చని గడ్డిని కత్తిరించి, ఆకులు, పిచ్చి మొక్కలు వంటివి శుభ్రం చేయండి. ఇంటి బయట ఉన్న రాళ్ల కుప్పలను కూడా తొలగించడం మంచిది. ఎందుకంటే అవి పాములకు ఆశ్రయం కల్పించే అవకాశం ఎక్కువగా ఉంటుంది.
ALSO READ: ఇంట్లోకి దూరిన భారీ నాగుపాము.. వీడియో చూస్తే?
⦿ ఇంటి గోడలు, తలుపులు, కిటికీల వద్ద ఉన్న ఖాళీలను మూసివేయడం మంచిది. పాములు చిన్న రంధ్రాల ద్వారా కూడా సులభంగా ఇంట్లోకి రాగలవు. కాబట్టి, ఇంటి గోడలలో ఉన్న పగుళ్లను, తలుపుల కింది ఖాళీలను, లేదా కిటికీల వద్ద ఉన్న గ్యాప్‌లను సీలెంట్ లేదా సిమెంట్‌తో క్లోజ్ చేయండి. డోర్ స్వీప్‌లను ఉపయోగించడం వల్ల తలుపు కింది భాగంలో ఖాళీలు లేకుండా చేయవచ్చును.
ALSO READ: రాత్రికి రాత్రే ఈ రెండు నాగుపాములు..
⦿ పాములు కొన్ని వాసనలను అస్సలు ఇష్టపడవు. వెల్లుల్లి, ఉల్లిపాయలు, గంధకం (సల్ఫర్), లవంగ నూనె, దాల్చిన చెక్క నూనె వంటి వాటిని ఇంటి చుట్టూ చల్లడం లేదా వాటి స్ప్రేను ఉపయోగించడం వల్ల పాములు ఇంటి నుంచి దూరంగా ఉంటాయి. ఇంటి ముఖం వైపు కూడా చూడవు.అలాగే, వైట్ వెనిగర్ ను ఇంటి బయటి భాగంలో స్ప్రే చేయడం వల్ల కూడా యూజ్ ఉంటుంది. ఈ పదార్థాలు పాములకు హాని చేయకుండా వాటిని ఇంటికి దూరంగా ఉండేలా చేస్తాయి.
⦿ పాములు కొన్ని జీవులను ఆహారంగా తీసుకుంటుంది. ఎలుకలు, కప్పలు, చిన్న కీటకాలు వంటి వాటిని ఆహారంగా తీసుకుంటాయి. ఇంటి చుట్టూ ఎలుకలు లేకుండా చూసుకోవడానికి ఎలుకల బోనులు లేదా ఉచ్చులను ఉపయోగించండి. ఆహార పదార్థాలను గట్టి కంటైనర్లలో ఉంచడం వల్ల ఎలుకలు ఇంట్లోకి కాకుండా ఉంటాయి. దీంతో పాములు కూడా ఇంట్లోకి ప్రవేశించవు.
⦿ ఇంటి చుట్టూ ఫెన్సింగ్ ఏర్పాటు చేయడం వల్ల పాములను ఇంట్లోకి రాకుండా నివారించవచ్చు. చిన్న రంధ్రాలు లేని గట్టి మెష్ ఫెన్స్‌ను ఉపయోగించడం వల్ల పాములు ఇంటి పరిసరాల్లోకి రాకుండా అడ్డుకోవచ్చు. అలాగే, రాత్రి సమయంలో ఇంటి చుట్టూ లైటింగ్ ఏర్పాటు చేయడం వల్ల పాములు ఇంటివైపు రాకుండా చేయవచ్చు. అయనప్పటీకి మీ ఇంటి చుట్టు పరిసరాల్లో పాములు కనిపిస్తే.. నిపుణుల సహాయం తీసుకోవడం మంచింది. వారు ఇంటి పరిసరాలను పరిశీలించి, సరైన సూచనలు ఇస్తారు. పై చర్యలను అనుసరించడం వల్ల పాములు ఇంట్లోకి రాకుండా నివారించవచ్చు. సురక్షితమైన ఇంటి వాతావరణాన్ని సృష్టించవచ్చు.
Share
Building Rotation: 8 అంతస్తుల భవనాన్ని అవలీలగా పక్కకు జరిపేశారు.. చరిత్రలోనే అద్భుతం
World's Tallest Statue: ఏపీ సరిహద్దులో ఉన్నారా? ఈ అద్భుతం చూడకుంటే.. చాలా మిస్ అయినట్లే!
