Hyderabad: ప్రేమ పేరుతో మైనర్ బాలికలను ట్రాప్ చేసి, వారి జీవితాలతో ఆడుకుంటూ లక్షల రూపాయలు వసూలు చేస్తున్న ఒక కిలేడీ ఉదంతం తెలుగు రాష్ట్రాల్లో కలకలం రేపుతోంది. గుంటూరు జిల్లాకు చెందిన కోడూరి చంద్రశేఖర్ ఆజాద్ (23) అనే యువకుడు అర్జున్ పేరుతో సామాజిక మాధ్యమాల్లో నటిస్తూ రెండేళ్లలో సుమారు 20 మందికి పైగా బాలికలను మోసం చేశాడు. నిందితుడిపై పోక్సో చట్టం కింద కేసులు నమోదు చేసిన జూబ్లీహిల్స్ పోలీసులు ఆదివారం అతడిని అరెస్ట్ చేశారు.
నిందితుడి నేర శైలి చాలా పక్కాగా ఉండేది. హైదరాబాద్లోని సంపన్న వర్గాల ఇళ్ల వద్ద వాచ్మెన్లు, తోటమాలీలతో స్నేహం చేసి, ఆ ఇళ్లలోని అమ్మాయిల వివరాలు తెలుసుకునేవాడు. సోషల్ మీడియాలో ఖరీదైన కార్లు, పబ్బుల్లో దిగిన ఫోటోలు చూపిస్తూ తాను కూడా పెద్ద కోటీశ్వరుడినని నమ్మించేవాడు. మాటలతో బాలికలను బుట్టలో వేసుకుని, వారితో ఏకాంతంగా గడిపిన సమయంలో రహస్యంగా ఫోటోలు, వీడియోలు తీసేవాడు. ఆ తర్వాత అసలు స్వరూపం బయటపెట్టి, ఆ దృశ్యాలను తల్లిదండ్రులకు చూపిస్తానని బెదిరిస్తూ లక్షల రూపాయలు, బంగారు ఆభరణాలు వసూలు చేసేవాడు.
తాజాగా జూబ్లీహిల్స్కు చెందిన ఒక 15 ఏళ్ల బాలిక ఈ కేటుగాడి వలలో పడింది. గతంలోనే ఇతడిపై పోక్సో కేసు పెట్టి జైలుకు పంపినా, బయటకు వచ్చాక మళ్ళీ అదే బాలికను వెంటాడాడు. ఆ ఇంటి డ్రైవర్ భార్య సహాయంతో బాలికను కలిసి, ఆమెను బ్లాక్మెయిల్ చేసి ఏకంగా 13 లక్షల రూపాయలు కాజేశాడు. ఈ వ్యవహారంలో డ్రైవర్ భార్య కూడా బాలికను బెదిరించి మరో 10 లక్షలు వసూలు చేయడం గమనార్హం. మొత్తం మీద ఇంట్లో ఉన్న 29 లక్షల రూపాయలను బాలిక వీరిద్దరికీ ఇచ్చుకోవాల్సి వచ్చింది. అలాగే నార్సింగికి చెందిన మరో యువతిని కూడా హోటల్ గదికి తీసుకెళ్లి ఫోటోలతో బెదిరించి బంగారు గొలుసు లాక్కున్నట్లు విచారణలో తేలింది. ఈ దారుణ ఉదంతం చూస్తుంటే సోషల్ మీడియాలో అపరిచితుల పట్ల ఎంత అప్రమత్తంగా ఉండాలో అర్థమవుతోంది.
Also Read: జమ్మూకశ్మీర్లో ఘోర ప్రమాదం.. లోయలో పడ్డ బస్సు, 15 మంది దుర్మరణం
Share
Ramya Moksha : పచ్చళ్ళ పాప నెలకు ఎంత సంపాదిస్తుందో తెలుసా..? హీరోయిన్ల కన్నా ఎక్కువే..
బీఎండబ్ల్యూ F 450 GS ప్రీ బుకింగ్స్ షురూ! లాంచింగ్ ఎప్పుడంటే?
