Man Swallows Pendant: ప్రపంచ వ్యాప్తంగా చిత్ర విచిత్రమైన దొంగతనాలు జరుగుతుంటాయి. తాజాగా న్యూజిలాండ్ లోనూ ఇలాంటి ఓ దొంగతనం జరిగింది. జేమ్స్ బాండ్ మూవీ ఆక్టోపస్సీ ప్రేరణతో రూపొందించిన పరిమిత ఎడిషన్ ఫాబెర్జ్ ఎగ్ లాకెట్ ను ఓ దొంగ మింగేశాడు. నవంబర్ 28న పార్ట్రిడ్జ్ జ్యువెలర్స్ లో ఈ సంఘటన జరిగింది. జ్యువెల్లరీ దుకాణంలో ప్రదర్శనలో ఉంచిన ఈ అరుదైన లాకెన్ ను 32 ఏళ్ల నిందితుడు తీసుకొని మింగినట్లు ఆరోపణలు ఉన్నాయి. మిగిన వస్తువు ఫాబెర్జ్ x 007 ఆక్టోపస్సీ ఎగ్ లాకెట్ అని జ్యువెలర్స్ ప్రతినిధులు తెలిపారు. ఇవి ప్రపంచ వ్యాప్తంగా 50 మాత్రమే తయారు చేయబడినట్లు వెల్లడించారు.
జ్యువెలర్స్ కోర్టుకు సమర్పించిన వివరాల్లో ఆ బంగారు లాకెట్ ధర సుమారు రూ. 17 లక్షలు ఉంటుందని తెలిపింది. ఇది బంగారంతో తయారు చేయబడింది. ఆకుపచ్చ ఎనామెల్ కలిగి ఉంటుంది. 183 వజ్రాలు, 2 నీలమణులను కలిగి ఉంటుంది. లోపల, తెలుపు, నలుపు వజ్రాలను కలిగి ఉంటుంది. ఇది చూడ్డానికి బంగారు ఆక్టోపస్ లా ఉంటుంది.
ఈ డిజైన్ 1983 జేమ్స్ బాండ్ చిత్రం ఆక్టోపస్సీని సూచిస్తుంది. ఇందులో ఆభరణాల అక్రమ రవాణా చేస్తారు. ఓ ప్లాట్ లో నకిలీ ఫాబెర్జ్ గుడ్డు ఉంటుంది. గుడ్డు తెరుచుకుని లోపల తెల్ల వజ్రపు సక్కర్స్, బ్లాక్ డైమండ్ ఐస్ తో అలంకరించబడిన 18 క్యారెట్ల బంగారు ఆక్టోపస్ కనిపిస్తుంది. దాన్ని ప్రేరణగా తీసుకుని ఈ గోల్డెన్ ఆక్టోపస్సీని తయారు చేశారు. ఇక ఈ గోల్డెన్ ఎగ్ ను మింగిన విషయాన్ని గుర్తించిన జ్యువెలర్స్ సిబ్బంది.. వెంటనే పోలీసులకు సమాచారం అందించారు. అతడిని అదుపులోకి తీసుకున్నారు.
Read Also: ఒక్క కాకి చనిపోతే వంద కాకులు వాలతాయ్, అది ఐక్యత కాదు.. అసలు సీక్రెట్ ఇదే!
ఆ వస్తువు పొట్టలో నుంచి బయటకు వచ్చేలా జాగ్రత్తలు తీసుకుంటున్నారు. “అతడు అరెస్ట్ అయ్యే సమయంలో వైద్యులకు చూపించాం. ఆపరేషన్ చేయడం కంటే, సహజంగా బయటకు వచ్చినప్పుడు తీసుకోవడం మంచిదని సూచించారు. ఆ బంగారు ఎగ్ కోసం అతడిని పర్యవేక్షించేందుకు ఓ అధికారిని నియమించాం” అని పోలీసు అధికారి గ్రే ఆండర్సన్ ఓ ప్రకటనలో తెలిపారు. ప్రస్తుతం దొంగ కస్టడీలో ఉన్నందను, అతడిని జాగ్రతగా పరిశీలిస్తున్నట్లు చెప్పారు. సదరు 32 ఏళ్ల దొంగను నవంబర్ 29న ఆక్లాండ్ కోర్టులో హాజరు పరిచారు. కానీ, పిటిషన్ దాఖలు చేయలేదు. ఈ దొంగతనం కేసు విచారణ డిసెంబర్ 8న జరగనుంది. అప్పటిలోగా కడుపులో ఉన్న గోల్డెన్ ఎగ్ కూడా బయటకు వచ్చే అవకాశం ఉందంటున్నారు పోలీసు అధికారులు.
Read Also: ఆర్టిఫిషియల్ ఇంటెలిజెన్స్.. ఆర్థిక సంక్షోభం.. వణుకు పుట్టిస్తున్న బాబా వంగా ప్రిడిక్షన్!
Share
Dhurandhar OTT : థియేటర్లలో దుమ్మురేపుతున్న 'ధురంధర్' సినిమా... ఏ ఓటీటీలో, ఎప్పుడు రిలీజ్ కాబోతోందంటే?
Burnsville Crime: అమెరికాలో అగ్నిప్రమాదం.. ఇద్దరు తెలుగు విద్యార్థులు మృతి..?
